ان شاء الله يا عمدة.....
:)
عرض للطباعة
السلام عليكم جميعا.... عسي تكونوا جميعا بخير ان شاء الله ....
رحت امبارح الاربعاء بعد ماحجزت كالعادة ... و برضه زي كل مرة نسيت اخد كتاب الضمان .... المهم زي كل مرة سلمت العربية بالرخصة فقط بس بعد ما البشمهندس علي مشكورا وضحلي ان لو مطلوب اي تغيير لاي جزئ لازم يتم الطلب الاول بكتاب الضمان ... انما هما خدو العربية للكشف لان ممكن تكون عايزة تربيط للفرن مثلا او الافيز اللي بيمسك الشكمان في العربية .....
المهم دخلت بعد 10 دقائق من الميعاد ... اترفعت علي الونش و بدأوا يهزو الشكمان و يخبطوا عليه .... و بعدين نزلوها و واحد ركب و طلعوها بيه ...دور و هيا فوق و فضل يزود بنزين كزة مرة .... و بعدين نادو علي كبير المهندسين .. و بعدين نادوا علي علي بتاع الاستلام .. و بعدين الراجل جالي و قالي ان شاء الله هتحتاج و صله شكمان امامي ....قلتلو طب ابص ممكن؟؟؟ قام مدخلني ....
المهم الموضوع ببساطة ان من بعد علبة البيئة بيبقي فيه وصله مرنة للي بيقولو عليها سوستة شكمان و بتبقي لحام في نفس الماسورة لحد العلبة الخلفية .... السوستة دي عندي تقرببا مرونتها مش قد كدة فاحيانا بدل متتهز و هية ساكتة بتقوم عاملة زنة و شخشخة بسيطة جدا"مبسمعش وانا قافل الزجاج" و وانا فاتحو انا بس اللي باخد بالي منها ...
قالي طبعا في اي وقت تحيب الضمان هنطلبها ولما تيجي نركبها ... و اداني ورقة الكشف و مكتوب فيها يتم تغير وصلة شكمان امامية علي الضمان .....
ان شاء الله هروح اطلبها يوم الاحد و ابقي اركبها مع صيانة ال 10 الاف ......
وادي اخرة المساهمة المصرية في التجميع المحلي......برضه الكيا الاسبكترا "السيفيا 2 " المجمعة محليا شكمانها كان كاكا بس كان بيوقع المصفا الداخلية بتاعتوا و كان بيعمل فضايح بقي ولا اللي عامل زفة .....
ان شاء الله مش هتتكرر لان لو اتكررت هاشتكي في حماية المستهلك لسوء قطع الغيار المستخدمة:3mla:...مش حقي ولا ايه؟؟؟؟؟؟مش هما اللي قالوا مساهمة مصرية ....؟؟؟:whtauwant:
اتمسوا بالعافية
الف مبروك على الوصلة يا عمدة.....
:)
بصراحة يا ابراهيم احنا كنا عاوزينك تيجى المقابلة علشان أولا: نتعرف عليك .. ثانيا: نشوف عربيتك (ربنا يحفظهالك) اللى مافيهاش أى حاجة من اللى احنا بنقول عليها..
عاوز أنصحك نصيحة لوجه الله, ما تنصحش حد بالعربية على الاطلاق زى ما انت بتعمل.. و كون ان عربيتك مافيهاش عيوب ده مش معناه ان كل العربيات كده.. و لما يكون أغلبية الملاك بيقولوا على عيوب فى عربياتهم يبقى لازم ناخد كلامهم فى الاعتبار.. و تقول للناس والله يا جماعة العربية دى عيوبها كذا وكذا .. قبل ما تقول مميزاتها.. مش لازم العيوب دى تكون تجربة شخصية ليك..
انت لو كنت حضرت المقابلة كنت عرفت ان كلامك عن العربية فى المنتدى كان السبب فى ان ناس كانت مترددة واشترتها... طبعت انت مش مسئول عن قرارهم بس كان لك درو فى اقناعهم.. و فى ناس منهم دلوقت معتقدة ان مواضيعك عن العربية على المنتدى كلها دعائية لأبوالفتوح,, و انا لو ما كنتش أعرف محمد حمد اللى باعلك العربية فى أبو غالى
كنت صدقت كلامهم انك شغال فى اسبيرانزا...
و عموما انت فى غنى عن ان حد يقولك حسبى الله ونعم الوكيل....
ده مش هجوم عليك ... دى نصيحة لوجه الله...
معاك في كل ما تقول .....بس هل انت شايف ان انا بجكم علي ال m11???? انا بحكم علي عربيتي فقط و ده اللي بدأت فيه من زمان .... انا عارف ان في مصر كل حاجة ملهاش دعوة باختها ...علشان كده بقول عربيتي فيها ..عربيتي مفيهاش....
لو كنت زي بعض الاشخاص اللي هدفهم ترويج لسلعة او تخويف مكنتش قولت عربيتي مفيهاش الي عندكم بس سوستة الشكمان هتتغير:) ...كنت قعدت ساكت .....
بس هيه الفكرة اني لما بلاقي سؤال او استفسار بقول ايه؟؟بقول انا عندي فيها كذا او بتعمل كذا.....
و علي فكرة انا والله قابلت واحد في الشارع في الفجر وانا راجع من الصلاة و سألتو علي كل اللي كنتوا بتشتكوا منه و الراجل كان في قمة الاستغراب ....
انا مبقولش لحد دي حلوة او وحشة مطلقا يا اخوانا...انا بقول حلوة في نظري للاسباب واحد و اتنين وتلاتة
انا مبركبش عربيات من امبارح .. انا مدوب كتيرالحمد لله .....و لو حد هايحسبن عليا فربك هوه اللي عالم بخوائن الاعين وما تخفي الصدور ....
شكرا لاهتمامك بس والله ما عندي سكة ولا تسقيف .. و والله ماعندي صوت من الزجاج و هوه ثابت "سواء مفتوح او مغلق او في النصف" .. و والله ما عندي اي مشكلة كهرباء...
الزجاج لو متسخ بيطلع صوت وانا بفتحه او بقفلة علشان التراب اللي بيتحشر
الدريكسيون علشان يخبط ابقي ماشي في شوارع اسوا من السوء و اكون ماشي بسرعة غبية
جربت علشان عيونكم انقل علي 1500rpm والحمد لله مفيش تسقيف
التكييف فله
العربية ممكن تصوصو بعد 3000 الي 4000 كيلو بدون تربيط"من ورا بس و مش جامد والله"
الشكمان بيزن احيانا و هما اللي قالولي هيتغير
عربيتي من ابو غالي ...و اعتقد ان ابو غالي بيفحص عربياتو فبل استلامها ...حايز علشان كدة قرفتي حلوة ... كنت سألت قبل كدة لو حد جايب من ابو غالي ايه اخبارها معاه محدش رد بس مش لاقي تفسير تاني
ان بعض الظن اثم و الحمد لله و حسبي الله و نعم الوكيل من قبل و من بعد و حد الله ما بيني و بين قول الزور :N_no[1]:
ان جايب من او غالي ومش عندي العيوب الكتيرة دي بصراحة
انا جايب من ابو الفتوح المعادى و الحمد لله معنديش العيوب دى
ربنا يبارك لك فيها .. بس أخبار الصيانة بتاعتها أيه ؟