تقييم الm11 من الاول للاخر

**emad7759** · 20-10-2009 02:27 AM

انا معيا العربيه وسافرت بيها الصعيد وهى زى الفل وفى السحب جميله وثلسه جدا

وصوت المتور ليس له صوت خالص زى بيقولو اخرص

وفى المطبات انتا متحسش بيها خالص وفى البنزين عملت معيا

من 270 الى 280 كيلو يعنى بسم لله وى الفل

وفى الملافات فوق الممتاز متحسس بلملف خالص

بس العيب الى فى عربيتى عيب خايب جدا

وهو ان السى دى بيشتغل على كيفه

اما m3 شغال زى الفل وانا اتصلت بالشركه الكست قالو

تعالا وان شاء لله هيتعمل او هيتم التغير

والعربيه دى ان شاء لله هتكون من احسن العربيات الصينى فى مصر

والتقرير الى اخونا كتبه زى الفل

والعربيه لغيط الوقت الحاضر لم يزهر بيها الى مشاكل

وانا عملت بيها الى الوقت الحاضر 4000 كيلو وشويه

وجابت معيا سرعه 170 كيلو وكانك ماشى على سرعه بطئه

يعنى العربيه سبته جدا جدا جدا على الطريق

وانا هقرنها بى الاسكودا اكتفيا فى السبات

لانى عندا الاسكودا

وهى فعلا عربيه بلا تنازلات زى مماقال عنها

وان شاء لله هيسافر بيها اخونا وهيحس بيها وهيتبصت منها خالص

وانا بنصح كل الى عايز يجبها يتوكل على لله

لان العربيه لحد الوقت ده لم يزهر بيها اى عيوب

وعلى فكره انا شلت فى الشنطه بتاعتها موتور عربيه

دبابه من اسكندريه الى القاهره طبعا المتور كان متفكك

بس كانت كل اجزاءه كلاها موجوده فى الشنطه

وكانت العربيه مشيه زى الفل

وكانها مش شيله اى حاجه

والعربيه دى لو اتشال من عليها بتش الصينى ونزل عليه بتش يابانى

كل الناس هتقبل عليها وبشراسه جدا

الان الناس خيفه من الصينى

ولاكن ان شاء لله هازهى m11 ان شاء لله هتسبت مكانتها

فى السوق

**bishoy02010** · 20-10-2009 03:06 AM

الف مبروك :) ربنا يباركلك فيها

**bedo13** · 20-10-2009 04:27 AM

ألف مبروك ياباشا وربنا يحفظهالك
بدأنا نشوف الصيني اللى على نضيف

**hsorogy** · 20-10-2009 11:43 PM

مبرووووووووووووووووك
يديك خيرها و يكفيك شرها

**ash257** · 22-10-2009 03:00 PM

فين الصور يا جماعة!!!!!!!!!!!!!!!!!!!

**HOGOBOSS** · 22-10-2009 04:33 PM

اولا الف مبروك لصاحب العربيه وربنا يعطيله خيرها ويكفيه شرها

ثانيا بصراحه انا كنت لسه فى المصريه امبارح واتفرجت على السيراتو والتيجو وال m11 ولانسر شارك ولانوس

بصراحه انا استبعدت السيراتو والانسر علشان سعرهم غالى

واستبعدت التيجو لانها عربيه جيب وانا مش عايز جيب

بس انا دلوقتى محتار بين اللانوس وال m11

بصراحه انا كنت خلاص اتفرجت على العربيات واحنا ماشيين لفت نظرى عربيه شكلها نضيف جدا انا قولت دى اكيد غاليه وكنت خلاص ماشى وبعدين شوفت علامه اسبيرانزا عليها رجعت ورا وروحت اتفرج عليها بصراحه اتهبلت العربيه شكلها جامد جداا وفيها كل حاجه انا عن نفسى مش خبير عربيات يعنى يادوب لسه بتعلم السواقه علشان اجيب عربيه بصراحه عربيه تحفه ملهاش حل بس مش عارف بقى ايه نظام الصينى ولا ايه ظروفه ولا الحياه فيها ايه بس انا من ساعتها وانا دماغى اتقلبت من العربيه دى

**Organiser** · 23-10-2009 06:32 AM

المشاركة الأصلية كتبت بواسطة augast

الحقيقة لو حقيقة فعلاً عمرها ما تجرح
لكن العربية على الورق بتاع بلادها ممتازة - كل المميزات وعوامل الامان - كفاية انها حصلت على 5 نجوم فى اوربا و 4 فى اميركا
ولو قارنت فى سعر ال75 مش هتلاقى نص الكلام حتى لو كان على الورق
على فكرة انا متعصب يابانى معايا بوما 2006 الرياضية

حضرتك تقصد في إختبار أمان الصين مش أوروبا واخدة 5
و الله اعلم بمدي علمية إختباراتهم
أما إختبار أمان أمريكا .. الله أعلم

**Hosam_Optrawy** · 23-10-2009 02:36 PM

اولا الف مبروك على العربيه

عندى شويه استفسارات عن حاجات لاحظتها فى العربيه

العربيه وزنها 1385 كجم وطبعا دا وزن كبير

ياترى اخبار السحب ايه مع الوزن دا ؟

وكمان انا لقيت على النت ان ارتفاعها عن الأرض 12.7 سم !!!

وطبعا دا ارتفاع قليل جدا

اخبار الارتفاع ايه مع المطبات ؟

اللى أعرفه ان العربيه عريضه بس مش طويله وكمان قاعدة العجلات مش كبيره 2550

الوسع الداخلى أد ايه يعنى قريبه من انهى عربيه مثلا ؟

هل فيها فرامل Abs و 2ايرباجز ولا لأ ؟

العربيه بتيجى من الصين ولا متقفله فى مصر ؟

وشكرا مقدما وأسف لو اسئلتى مكرره

**hemaa_82** · 24-10-2009 04:07 AM

السلام عليكم .....

انا رجعت .... لسة داخل البيت و مراتي هاتفتكرني مجنون علشان اول حاجة اعملها بعد دخولي البيت في الوقت ده هوه اني اقعد اكتب لاخوانا هنا.....

المهم .... انا جطيت ب 50 بنزين وانا برخص ... و بعدين من الاميرية للزتون و بهدين للحرفيين و بعدين انطلقت لصلاح سالم و كوبري اكتوبر و 15 مايو و المحور وبعدين صحراوي ... و قلت اشوف كدة هتاخد كام لما افول ...خدت ب50 كمان يعني 53 لتر علشان في 2 جنيه بقشيش...... سميت الله و دخلنا صحراوي و بدأت احاول افهم الشاشة اللي في نص عداد السرعة لحد ما فهمت ....

بتجيب ساعة و بعدين مشوار بالكيلو و بعدين معدل استهلاك بنزين لكل 100 كيلومتر لحظي"يعني بيتغير كل ثانية حسب دوسك و سرعتك" و اخيرا متوسط الاستهلاك لكل 100 كيلو"بيكلمك علي اساس المشوار ".....

وانا رايح ماقرصتش خاااااااااااالص ... ما لمستش rpm 3 و كان سحبها لطيف و بتجيب 120 علي ال5 ب rpm اقل من 3 .....و وصلت بمتوسط استهلاك 7.5 لتر لكل 100 كيلو والعداد بتاع التنك نقص اكتر من الربع شرطه .... التنك 57 لتر قول يعني 60 و ربعه 15 يبقي المتوسط صح لاني صفرت العداد و انا داخل و المشوار عمل 197 كيلو بالظبط ....

ملاحظات هامة .....

الشنطة لا تفتح و السيارة تتحرك .... مهما تدوس علي زرار فتحها برضه مش تفتح الا و السيارة ثابتة ...
الحزام يزمر لما تعدي 30 .. غير كدة لا
....
نكمل المشاوير .... من الشاليه لكارفور و بعدين جرين بلازا و بعدين الكورنيش من المكتبة للمنتزه رايح جاي و بعدين للساحل تاني .....
تاني يوم من الساحل لل 21 رايح جاي ...
تالت يوم من القرية لقرية تانية .....

اجمالي اكتر من 600 كيلو و لسة في اكتر من ربع التنك .....جميل ما شاء الله...

علي جنب بقي كدة بدأت يعني ازود شوية من rpm3 ل 3.5 .... العربية بتجيب 145 علي ال5 .... ولا تحس بأي معاناه ولا صوت و غرز زي الفل و مافيش اي احساس بالتوتر فيها .... بتلم نفسها بمنتهي الروعة و حتي لو غرزة بفرامل مافيش اي نوع من الزحلقة ... ثبات اكتر من رائع و الحمد لله....

جريت ورا فكترا الجديدة علي 140 علي طريق الساحل ... مرة وحدة ضرب فرامل قمت عامل زيه ...لقيت تراب حامد افتكرت كاوتشه فرقع و مرة واحدة عديت علي حاجة كدة علي الارض بس ماكنتش هبدة جمدة ولا حاجة ... اتاري البيه ضرب كلب و الكلب اترزع في الحاجز الاسمنتي اللي في النص و حه تحت عجلي بدون اي اضرار ... تماما ... و مراتي افتكرتني عديت علي بلاعة مش اكتر و مصدقتش لما قلتلها ان احنا عدينا علي كلب.....

الabs مع الرملة في القرية زي الفل و واضح جدا كفاءته و الحمد لله و ما شاء الله

الرجوع للقاهرة اليوم بقي ....

علي الخامس مع rpm 4 العربية جابت 165 كيلو في الساعة مع متوسط استهلاك 7.8 و بدون ادني صوت و مع ثبات رهيب لان طبعا كنت مضطر اخد غرز علشان اعدي العربيات التانية اللي ماشية براحة ... و فرملت في غرزة مابين مكروباصين و نزلت لحد 150 و خدت الغرزة و زوت تاني و بدون اي قلق من الاتزان و ماشاء الله....

ماحستش بأي فرق لما منت مشغل التكييف ..... مش عارف ازاي عملو كدة .... ولا بيأثر في السحب ولا استهلاك البنزين ولا تقل في العربية .....و بعد 20 متر من التكييف وطيط درجة البرودة و وطيط قوة دفع الهواء لأن صوابعي و جعتني من السقوعية ....ماشاء الله

عيوب :-

فاكريين كنت قولتلكوا من الاول علي الكاوتشة اللي كانت معوجة في تقفييل مرايت السواق الشمال ؟؟؟؟؟؟ اللي انا عدلتها؟؟؟؟؟؟ لقيت صوت صفارة كدة بعد ال 120 علشان المراية عايزة تطربت بقي بعد ما الكاوتشة ريحت لانها بتدخل سرسوب هوا بيعمل صفارة .... بس لما تقفل الزاز تبقي ولا كأنك نايم في سريرك في سابع نومة .....

الsound system اخره 32 علو الصوت .... هوه fair enough بس انا كان عندي في ال 128 JVC CD MP3 WMA بس للأمانة و انت قافل الزاز اخرك 15 ... و الusb فلة cd فلة memory مش هاجربة لأن مالوش لازمة و الراديو في الساحل ولا كانك علي كوكب الارض من اساسه .....

لغاية دلوقت انا فخور الحمد لله اني جبتها و ماشاء الله عليها و ربنا يبارك للحميع و عقبال الصيانات و ربنا يلطف بينا كلنا و يحرسنا ان شاء الله

الموضوع: تقييم الm11 من الاول للاخر

LinkBack

أدوات الموضوع

عرض

-

-

-

-

المواضيع المتشابهه

ما هى اخبار الm11

اروح لمهندس الرش الاول ولا السمكرى الاول

اروح لمهندس الرش الاول ولا السمكرى الاول

اركب الفلتر الاول ولا انضف الاول !!؟؟

اوبل فكترا من الاول للاخر

الكلمات الدلالية لهذا الموضوع

المفضلات

المفضلات

ضوابط المشاركة