الكشف :_
والعربية دايرة .... حاول تفتح غطا زيت الموتور.... هتلاقي العربية بتشفطه جامد كانها مش عايزة تسيبه
لما تفك البلف هيطلع سوستته سايبة
عرض للطباعة
الكشف :_
والعربية دايرة .... حاول تفتح غطا زيت الموتور.... هتلاقي العربية بتشفطه جامد كانها مش عايزة تسيبه
لما تفك البلف هيطلع سوستته سايبة
البل ده عمرة الافتراضي حسب جدول الصيانة بتاع عربيي الام 11 "الكتالوج الاصلي" 50 الف كيلو
هبل عندي من بعد ال 53 الف كيلو
ركبت واحد استيراد عمل 7 الاف كيلو "سعره 50 جنيه"
ركبت جديد من تكنو سيرفس عمل حتي الان 30 الف كيلو " سعره 130 جنيه"
مع مراعات ان من الممكن الاستغناء عنه و تطبيب مكانه بس علي ايه ... مش غالي يعني ...
بس انا العربية كانت تقريبا يو اه و يوم لا لو مكانش كل يوم الصبح نفس الاعراض .... اروح انضف البوجيه تمشي يومين و ترجع تهبل .... وقتها جربت توجيهات و موبينة و بوجيهات و نفس الاعراض... مظبطتش الا لما اتغير البلف
بالنسبة لتنضيف البوابة ... انت هتفك الخرطوم من عليها زي ما قولنا ...
هتشتري نظف الكاربيراتير " العلبة الزرقة ... و مكتوب عليه كاربيراتير ايوه مش غلطة كتابة" انت هتقول للراجل منظف بوابة الازرق النضيف و هوة عارفة بس انا باكد تاني ان مكتوب عليه منظف كاربيراتير" من 20 ل 30 جنيه حسب المكان اللي بتشتري منه
حد هيبقي جوة العربية و حد ماسك العلبة و واقف قدام البوابة ...
اللي جوه يدور و يدوس بنزين علي الاخر متخافش ...و في نفس الوقت التاني بينضف كل حتة في البوابة و مفصلات فتحتها بالاسبراي .... هتفضي مش اقلمن نص العلبة عادي .... اهم حاجة تنضف كل ملي فيها ... و بالذات مفصلات البوابة نفسها اللي عتلاقيها بتفتح قدامك علشان تدخل الهوا .....
هتخلص ... تسيب العربية من غير ما تدوس جامد بنزين شوية بس تحرق كل اللي اترش ....
بعدها تطفي و تغير بوجيهاتك ...
الف مبروك
بالنسبة للبلف صحيح ... انا شايفك قايل انك عامل 32 الف ...... هوه العربية موديل كام ..... انا 2010 استلام 9 2009.... هبل معايا بعد تقريبا 3 سنين او حواليها .... ثم ان في مصر ال كيلو عداد ب 10 بسبب وقفةالشوارع المنيلة بنيلة ....
انا قلت بس ابينلك كل الملابسات
انا بقي عندي مشكله مطلعه عيني
العربيه عندي الفرامل اليد بتاعتها زي الزفت رجلاش بقي تغير تيل قول اللي انتا عايزه النتيجه ان العربيه بتمشي وانتا شادد اليد علي الاخر ومش لاقيلها اي حل .
هيما
انا كنت قرات في مشاركة قديمة لك لما كنت بتحكي عن بلف السايكون ده. لما ابانوب اكتشف الموضوع ده.
اولا. هو البلف ده بيعمل ايه بالظبط. و هل لو شيلناه خالص و حطينا طبة مكانه ممكن ده ياثر على العربية في ايه او يضرها يعني ولا ايه الموضوع.
انا فاكر جملة كنت انت كتبتها لما ابانوب شاله و حط تقريبا مشترك و لا مش عارف ايه كده. انت كتبت بالنص كده. العربية و البلف متشال عبارة عن طيارة. مش عربية. طالما هي من غيره طيارة. يبقى نرجع للسؤال. ايه الضرر لو شيلناه خالص؟
تسلم يا كبير
حاجة تاني يا هيما
بردو انا فاكر في مشكلتك مع بلف السايكون ده و لما كان محمد رشاد بيحاول يحل المشكله
كان فيه حاجة اسمها حساس دوره بخار البنزين اللي انت قلت انه بيوفر في البنزين .السؤال الاول بقى..هل الحساس ده بيشتغل ازاي بالظبط و بيعمل ايه بغض النظر من اسمه..السؤال الثاني.هل فعلا الغاء الحساس ده بيوفر بشكل ملحوظ في البنزين بدون اضرار على العربيه..
السؤال الاخير ..هو المشترك اللي انت وصفت العربيه و هو متشال منها انها طيارة..هو نفسه بلف السايكون ولا دي حاجة تانيه...
معلش اسئلتي كترت مره واحده بس عايز اعمل حاجة كده في العربيه و محتاج معلومات كفايه..تسلم يا كبير
بص يا سيدي ...
اللي مطبب اللي كنا بنجرب فيه يعني اللي اسمه بلف الكانستن ... ده خرطوم رفيع خارج من الهيد الفوقاني و داخل في علبة سودا مستطيلة و كبيرة و خارج تاني داخل علي المتور ....
رشاد و ابانوب اجمعوا انه هيوفر في البنزين .... انا مش حاسس فرق ... ولا اداء ولا وفر بنزين
اما بقي بلف السايكون ده اللي هوه في اللينك ده
https://www.google.com.eg/search?q=p...hery+pcv+valve
و وظيفته
Crankcase ventilation system - Wikipedia, the free encyclopedia
من الاخر التحكم في تهوية المتور و تقليل الانبعاثات الضارة ...
طبعا لما طببته حسيت بفرق شاسع لان العربية كانت مخنوقة ...و بعد ما ركبت الجديد محسيتش بتدهور في الاداء .... الاداء فضل كويس باللبلف السليم
يعني انا عندي بلف سايكون سليم و دورة بلف كانستن مطببة