افكار لرفع سوق السيارة الفورد و التحكم باسعارها

**m_elkerm** · 14-10-2009 12:23 PM

كلنا يعلم بان السيارة الفورد بجميع فئاتها من افضل السيارات عالميا و نعلم ان اسعارها عاليه خارج مصر لان المستهلك خارج مصر على وعى كبير بقيمه الشئ الذى يستهلكه اما بالنسبه لمصر فان المستهلك المصرى لا يصلح معه مقاييس او معايير محددة للاستهلاك بمعنى ان الجودة ليست معيار بالنسبه للمستهلك المصرى و انما يتم الاقبال على السلعه بصورة عشوائيه و اكبر دليل على ذلك ان اوروبا كلها نسبه السيارة دايو وهيونداى بها قليل جدا على العكس تماما فى مصر و نظرا لان اى سوق فى الدنيا قابل للدراسه ارجو اخذ الموضوع فى الاعتبار و معرفه اراء كل الاعضاء فى ذلك الموضوع لامكانيه تعديل و التحكم فى سعر السيارة و التحكم فى اسعار قطع غيارها و دراسه سوقها لتحليل مدى امكانيه ترويج تلك السيارة الجبارة فى السوق المصرى بالشكل المناسب

**solid_khaled** · 14-10-2009 12:52 PM

احنا منقدرش نعمل حاجة

فكري جروب هو إلي مفروض ينزل إعلانات ً ford و يحط أسعار قطع الخيار بشفافية
حلوة خيار ديه
المهم إنه برد نايم فالعسل ذي التوكيل القبليه و مفروض يعمل مراكز صيانة في كل حتى دة مثلاً معندوش فالعبور ذي التوكيلات التانية

**mr_sameh** · 14-10-2009 01:11 PM

موضوع سعر العربية وانتشارها مرتبط بحاجات كتير
اولها ثقافة الناس في اختيار الانواع . للاسف احنا شعب لانحب التجربة ودائما كلنا عندنا عبارة اللي نعرفو احسن من اللي ميعرفوش ودة مرتبط بمستوي دخل الناس يعني مش منطقي اشتري عربية واحط فيها كل ما يملك وتطلع سيئة
ثانيا مستوي المعيشة والدخل . طبعا لو الشعب مستوي دخلة عالي هيكون اختيارة علي اساس حاجات كتير زي شكل العربية وكماليتها وبعد كده هيزهق منها ويرميها ويجيب غيرها
ثالثا كفائة العربية . ودة موضوع مهم وهوا بيختلف من مكان لمكان يعني العربيات اللي بتسخن بتكون عيب عندنا وفي روسيا مثلا ميزة يعني الكفائة ان تكون العربية مناسبة للاجواء المصرية وده سبب انتشار عربيات كتير زي اللانسر والتويوتا والكوري
رابعا الوكيل بتاعها . يعني وكيل نايم ومبعرفش الناس بالموديلات الجديدة ومفيش مركز خدمة يبقي هشتريها لية
خامسا سعرها وسعر قطع الغيار . ودة مرتبط بالدخل

**m_elkerm** · 14-10-2009 02:54 PM

انا عارف ان التوكيل هو المسئول بس انا قصدى انك انت لو مكان التوكيل فكرى جروب هتعمل ايه و لو عندك بردة فكرة ممكن المستهلك العادى يقوم بيها ان امكن بمعنى اوضح حمله لنشر السيارة الرائعه

**hani945** · 14-10-2009 02:58 PM

الناس عندنا بتخاف تجرب وكمان أى مشكلة فى العربية بتسمع فى كل حتة فى البلد ، يعنى العربيات الكورى لما يطلع فيها عيب معين تلاقى الناس كلها بدأت تسمع عن العيب ده وبالتالى سمعة العربية بتتأثر

**hani945** · 14-10-2009 02:59 PM

الاعتمادية كمان مشكلة كبيرة وأسعار قطع الغيار مشكلة أكبر وأكبر كمان
يعنى مثلاً علشان اشترى عربية يابانى ألاقى أسعار قطع الغيار غالية ، تخيل إن العربية سعر الزجاج الأمامى بتاعها ممكن يعدى 2500 جنيه

**mr_sameh** · 14-10-2009 03:00 PM

لو مكان فكري جروب
اولا دعاية في الصحف والمجلات والتليفزيون
ثانيا اعمل مراكز خدمة كتير او اعمل اتفاقيات مع مراكز الخدمة
ثالثا اوفر جميع قطع غيارها لو حتي مسمار وحتة فبر
خامسا انزل موديلات سعرها قليل والسعة صغيرة وبلاش الموديلات الكبيرة مع توفير قطع الغيار لكل العربيات
سادسا اعمل اتفاقيات مع الموزعين وتوفير العربية في السوق
سابعا اهتم جدا بخدمة العملاء
وحاجات كتير

**hani945** · 14-10-2009 03:00 PM

علشان كده تلاقى الناس بتدور على البديل زى الزجاج الأمامى اللى 350 جنيه

**hani945** · 14-10-2009 03:02 PM

لكن فيه حاجات تانية لازم تيجى أصلية

زى تيل الفرامل مثلا

**hani945** · 14-10-2009 03:03 PM

الناس عندنا فى مصر كل واحد نفسه يجيب عربية بس المشكلة فى الدخل المادى ودى مشكلة رقم واحد والمشكلة التانية فى الجمارك ومكسب التوكيل فى سعر العربية وسعر قطع الغيار

الموضوع: افكار لرفع سوق السيارة الفورد و التحكم باسعارها

LinkBack

أدوات الموضوع

عرض

-

-

-

-

-

المواضيع المتشابهه

ما هي الطريقة المٌثلي لرفع السيارة (تخزينها ) لفترة طويلة ...؟؟

استخدام الكوريك لرفع السيارة

افكار مقترحة لأفضل اداء لسحب السيارة

كيفية التحكم في تعويم السيارة Oversteer & Understeer

كوريك لرفع السيارة بتاع محطة غسيل

الكلمات الدلالية لهذا الموضوع

المفضلات

المفضلات

ضوابط المشاركة