عربية رائعة و محترمة بجد
انا معايا العربية من شهر فبراير 2009 و حاليا عامله 20000 كم
بسم الله ما شاء الله
اداء عالي و الحمدلله لم تظهر منها اي مشاكل
و انا بنصح اي حد عاوز يشتري عربية عائلية و تشيل لغاية 9 افراد و تمشي زي الفل لا تحك في مطب و تسافر و انت مرتاح وفيها كماليات جيده و مساحات واسعة و استهلاك جيد للوقود و تمنها 92 الف جنيه يبقي ما قدموش غير اللوجان mcv
بس اللي يشتري ياخد باله من حاجة مهمة
العربية دي كانت بتنزل بنفس موتور شقيقتها السيدان اللي هو 8 صباب 90 حصان
دلوقتي فيه منها موديل بموتور 16 صباب 105 حصان
انا اللي معيا ال 105 حصان و بصراحة الموتور دا مناسب جدا ليها لكن التاني انا شايف انه ضعيف علي عربية 7 راكب خصوصا في المشاوير الكبيرة و مع التكييف و الحموله
انا اخترت ال 105 حصان علي الرغم انه ماكنش فيه منها غير الهاف اوبشن اللي بدون زجاج كهرباء و لا فوج لايت ولا كمبيوتر رحلات و فضلت اني اركب عربية بموتور قوي و كماليات ناقصة علي اني اركب عربية فيها كل الكماليات و موتورها صغير عليها
و الحمدلله ما ندمتش ابدا علي اختياري و ان شاء الله ناوي اعمل الزجاج كهرباء و البااقي مش مهم بالنسبة لي
المفضلات