عاوز اعرف ازاي الاعضاء بتروح توكيلات سياراتهم اللي فى أبو رواش بالمواصلات ولا لازم بعربيتهم, ولو صلت باذن الله هلاقى مواصلات ترجعنى.
عرض للطباعة
عاوز اعرف ازاي الاعضاء بتروح توكيلات سياراتهم اللي فى أبو رواش بالمواصلات ولا لازم بعربيتهم, ولو صلت باذن الله هلاقى مواصلات ترجعنى.
بص انا مرة روحت مواصلات بس قادر أقولك تعبت قد اية
ركبت المترو لحد رمسيس ومن رمسيس ركبت ميكروباص من الى بيرحو أسكندرية الصحراوى وخليته ينزلنى عند كارفور
ومن عند كارفور ركبت مكروباص بيقول انه رايح القناطر علشان يدخلنى لحد الصنية الى بدخلها علشان لو رايح توكيل كيا ومن هنا ملقيتش مواصلات تانى أتمشيت يجى 2 كيلو
سألت بعديها قالو ان فيه مواصلات من الهرم لحد ابو رواش على طول
موقف اسكندرية اللي في الهرم فيه ميكروباصات ال كيلو 28
يعنى ممكن اركب من عند الهرم
طيب اركب من الهرم فين بالظبط
لو هتروح القرية الذكية
فيه عندك ميكروباصات من ميدان الرماية هتنزلك اول القرية من عند الصحراوى ودى سهلة
وتكمل الباقى جوة باى ميكروباص او نقل ماشى
او ممكن تاخد اى تاكسى
ابيض واسود واصفر
خارج من القرية الذكية
لو هتروح المنطقة الصناعية والمصانع اللى جوة - وده عن شوفان مش تجربة
عندك طريقتين
ياما تستعمل الطريقة اللى فوق وتكم الباقى مواصلات وانت ونصيبك
او ان فيه طريق من ميدان الرماية بيعدى على كرداسة
انا مرة مشيت عليه بالعربية
ولقيت فيه كمية ميكروباصات كتير جدا وكمان عربيات نص نقل بتحمل افراد
لان الطريق ده يعتبر طريق زراعى على قرى ريفية
بس مش عارف هل فيه بيروحوا ابو رواش ولا لا من الرماية
بس اما كملت فيه وعديت من المحور لقيت فيه عربيات بتحمل صحراوى
يعنى بتمشى من عند اخر المنطقة الصناعية من عند تقاطع اسمه الصليبة لحد الصحراوى
او من رمسيس تاخد ميكروباص اكتوبر او من عبد المنعم رياض لانهم بيمشوا محور
وتقوله نزلنى سلم المحور وده سلم بينزلوا عليه بس حاجة بتاع سلالم 3 ادوار
وتكمل باى حاجة ماشية على الصحراوى او ميكروباصات بتحمل وهتنزلك القرية الذكية برده
من الهرم
عندك من ميدان الرماية فيه ميكروباصات للقرية الذكية
وعلى فكرة
اسالوا التوكيل انتوا فى اى شارع اللى على ناصيته القرية ولا اللى قبله
علشان ده شارع وده شارع
ياسر
ممكن تخلى التوكيل يطلع عربية توديك للقرية الذكية
دة معلومة عرفتها من المهندس خالد فاروق لما قلت له ان التوكيل فى مكان نائى واما نسيب العربية صعب نطلع منه فقاللى انه بيطلع حد بعربيته الخاصة
كمان ممكن تلاقى عربيات نقل وميكروباص ماشية من قدام التوكيل خدها لحد القرية الذكية
وعذرا للاطالة بس كانت ضروروية للافادة
قولى انت هتيجى منين بالظبط وانا اقولك انا شغلى بجوار توكيل كيا بالظبط وعلى العموم لو وصلت القرية الذكية قدام البوابة هتلاقى ميكروباصات وقف واحد وقولة مخصوص عند كيا هياخدك لوحدك وينزلك قدام كيا وهياخد خمسة جنية