الجمارك هتنزل وعرفنا ....المطب بقى يجيلك قلب تشتري ازاي؟

بالنسبة لأي حد ناوي يشتري عربية خلال الفترة اللي جاية
سواء سعرها متوسط أو من الفئات الغالية ٣٠٠ ألف فما فوق

هل مش ده فيه مغامرة وبالذات لو كانت عربية أوروبي علشان نسبة الجمارك بتقل كل سنة ١٠ ٪ ؟
والمغامرة ما زالت موجودة في الماركات التانية من ياباني وكوري على أساس إن أكيد الجمارك هتقل عليهم علشان تستمر المنافسة؟

طيب هل نفس الكلام ينطبق على العربيات التجميع المصري وهتقل في اسعارها بردو ؟

من الأخر اللي عاوز يجيب عربية اليومين دول يعمل إيه في المطب ده ؟

يجيب ويعمل في حسابه خسارة مضاعفة للجمارك ونسبة الإستهلاك واللا في حل لأن مش معقولة الناس تستنى ١٠ سنين علشان تجيب عربية حتى لو أوروبي

فرضاً.. أنا نفسي أجيب bmw أو مرسيدس .. أبقى بشتريها وأنا عارف اني برمي فلوسي في الأرض لأن في خلال ٥ سنين سعرها كمستعملة هينزل ٧٥٪

كويس ان حضرتك طرحت الموضوع ده وانا فعلا عندي نفس التساؤل

هو فعلا موضوع صعب على اللى بيشترى
لكن دلوقتى انت مثلا هتجيب عربيه ب 300 الف
اللى بيشترى عربيه فى الفئه السعريه دى مش هيفرق معاه اوى ان سعرها كل سنه ينزل 15 الف من تمنها لما كانت زيرو
وهو مش مبلغ كبير اصلا بلنسبه لعربيه ب 300 الف
وفى المقابل اللى عربيته هتنزله يقدر يشترى عربيه بعد كدا رخيصه
الحل انك تشترى يأما عربيه متجمعه محليا او تشترى عربيه 1600 cc

ازاي بس
مش شرط إن أي حد شاري عربية ٣٠٠ ألف يبقى ميلياردير في ناس غاوية وبتقسط حتى لو على حساب حاجة تانية
مش معقولة الناس دي هترمي فلوسها في الارض ده غير مصاريف الترخيص والتأمين

العربية كإستثمار مشروع فاشل و خصوصا الأوروبي
الجيتا مثلا ٢٠٠٨ هاي لاين كانت ب ٢١٠ دلوقتي كسر الزيرو منها ب ١٦٠ ..
نسبة الخسارة أكتر من ١٠% بكتير ..
اركب يا راجل و عيش ..أصل البديل انك تستنى عشر سنين مثلا و ده مش منطقي

ما هو كمان مثلا 10 سنين هتبيع بالرخيص وهتشترى برضوا بالرخيص يعنى فرق الجمارك انت محستش بيه

اقتباس:

---

المشاركة الأصلية كتبت بواسطة mahamedaraby

ما هو كمان مثلا 10 سنين هتبيع بالرخيص وهتشترى برضوا بالرخيص يعنى فرق الجمارك انت محستش بيه

---

دة كلام صحيح ..

ايوا العربية هتخسر فيها .. بس الخسارة دى هتتعوض فى انك لما تيجى تشترى تانى هيكون العربيات اسعارها رخصت