الجمارك هتنزل وعرفنا ....المطب بقى يجيلك قلب تشتري ازاي؟

**Evo** · 14-10-2009 03:28 PM

بالنسبة لأي حد ناوي يشتري عربية خلال الفترة اللي جاية
سواء سعرها متوسط أو من الفئات الغالية ٣٠٠ ألف فما فوق

هل مش ده فيه مغامرة وبالذات لو كانت عربية أوروبي علشان نسبة الجمارك بتقل كل سنة ١٠ ٪ ؟
والمغامرة ما زالت موجودة في الماركات التانية من ياباني وكوري على أساس إن أكيد الجمارك هتقل عليهم علشان تستمر المنافسة؟

طيب هل نفس الكلام ينطبق على العربيات التجميع المصري وهتقل في اسعارها بردو ؟

من الأخر اللي عاوز يجيب عربية اليومين دول يعمل إيه في المطب ده ؟

يجيب ويعمل في حسابه خسارة مضاعفة للجمارك ونسبة الإستهلاك واللا في حل لأن مش معقولة الناس تستنى ١٠ سنين علشان تجيب عربية حتى لو أوروبي

فرضاً.. أنا نفسي أجيب bmw أو مرسيدس .. أبقى بشتريها وأنا عارف اني برمي فلوسي في الأرض لأن في خلال ٥ سنين سعرها كمستعملة هينزل ٧٥٪

**amrico** · 14-10-2009 03:40 PM

كويس ان حضرتك طرحت الموضوع ده وانا فعلا عندي نفس التساؤل

**blazer** · 14-10-2009 03:45 PM

هو فعلا موضوع صعب على اللى بيشترى
لكن دلوقتى انت مثلا هتجيب عربيه ب 300 الف
اللى بيشترى عربيه فى الفئه السعريه دى مش هيفرق معاه اوى ان سعرها كل سنه ينزل 15 الف من تمنها لما كانت زيرو
وهو مش مبلغ كبير اصلا بلنسبه لعربيه ب 300 الف
وفى المقابل اللى عربيته هتنزله يقدر يشترى عربيه بعد كدا رخيصه
الحل انك تشترى يأما عربيه متجمعه محليا او تشترى عربيه 1600 cc

**Evo** · 14-10-2009 04:16 PM

ازاي بس
مش شرط إن أي حد شاري عربية ٣٠٠ ألف يبقى ميلياردير في ناس غاوية وبتقسط حتى لو على حساب حاجة تانية
مش معقولة الناس دي هترمي فلوسها في الارض ده غير مصاريف الترخيص والتأمين

**Abo_Lina** · 14-10-2009 05:32 PM

العربية كإستثمار مشروع فاشل و خصوصا الأوروبي
الجيتا مثلا ٢٠٠٨ هاي لاين كانت ب ٢١٠ دلوقتي كسر الزيرو منها ب ١٦٠ ..
نسبة الخسارة أكتر من ١٠% بكتير ..
اركب يا راجل و عيش ..أصل البديل انك تستنى عشر سنين مثلا و ده مش منطقي