عرض للطباعة
العربية بتاكل بنزين ومش عارف ايه السبب انا معايا باراتى 2006 موتور 1600 والعربية من غير تكييف بتعمل 350 كيلو فى ال 50 لتر.. مش عارف السبب ممكن يكون من ايه... بس الـrpm من ساعت لما اشتريت العربية من 6 شهور وهو واقف على 1 وانا قريت فى المنتدى انه المظبوط يكون واقف على 0.9... ارجو الأفاده كده يعنى ان الموتور متعلى واللى بعهالى كان قاصد حاجة او العربية فيها مشكله ارجو الأفاده
يا سيدي احمد ربنا أنا عربيتي خلصت ال-٥٠ لتر دول في ٧٠ كيلو من كام يوم هههههه
عوامل كتير ممكن تكون سبب فى الموضوع ده
البنزين نفسه وحش وبيطير بسرعه أنا فى مره حطيط 10 لتر خلصو فى مشوار 30 كم ودا لأنى مكنتش ضامن البنزينه وظنى كان فى محلو
ممكن يكون فى تسريب من أحد خراطيم البنزين وانت مش واخد بالك
أو التانك مخروم وممكن تكون البنزينه بتحط مياه على البنزين
العربيه مش مظبوطه عايزه تظبط موتور
البوجيهات ما بتحرقش كويس أو سلك من السلوك مش كويس
ان يكون فى حساس من الحساسات بايظه وبالتالى ما بيديش السجنل مظبوط فا مأثر على الكميه الخاصه بالبنزين المضخوخ لغرفه الأحتراق بالزياده
الطريق اللى حضرتك كنت ماشى فيه وهل كنت مضاد لأتجاه الريح ولا لأ دا ممكن يأثر فى استهلاك البنزين بس مش للدرجه دى
الحمل الموجود جوه العربيه وظبط الهواء للأطارات وبردو مش بالدرجه دى
اقتباس:
المشاركة الأصلية كتبت بواسطة m.mostafa80
طيب انت شايف اظبط الحاجات الكتير اوى ديه فين ... وفين المكان اللى ممكن اظبط عنده الموتور علشان انا فعلاً مش عارف اوصل لحد ... وشكراً جداً الاجابه المفصله
حضرتك منين عشان نرشحلك حد
ممكن ده..اقتباس:
المشاركة الأصلية كتبت بواسطة m.mostafa80
هى كاربراتير ولا انجيكشن
انجكشناقتباس:
المشاركة الأصلية كتبت بواسطة hashem1999
هي العربية عاملة كام كيلو؟
والبوجيهات الي فيها نوعها أيه؟
وطقم الدبرياج حالته إيه؟
حد كشفلك على حساس الحرارة؟
العربية لما بتدور الصبح بتدور متلتة؟
حد غسلك الموتور بالماء قبل كده؟
ممكن تبصلي على كنترول العربية دي وتقولي تصنيع شركة ايه وإيه الرقم بتاعه؟ الاحتمال الأعظم لو الحاجات الي فوق سليمة ان الكنترول بتاع العربية بايظ وهو سبب التخريف ده.
العربية عاملة 45 الف كيلو والبوجيهات انا مغيرها من شهرين فى التوكيل ومغير معاها السلوك.. وطقم الدبرياج انا لما اشتريت العربية من حوالى 6 شهور غيرته بطقم ساكس المانى... بس محدش كشفلى على حساس الحرارة بس اخر مره العربية لتوصلت على الجهاز مطلعش اى حاجة... مش فاهم يعنى ايه العربية لما بتدور الصبح بتدور متلتة؟ بس لما بتدور الصبح بدور بسرعة جداً من غير ما المس دواسة البنزين... ومحدش غسلى الموتور قبل كده انا بنظفة هوا مش ميه.... انت عايز تعرف كنترول العربية وتصنيع ايه؟ انا معرفش قولى اعرف منين وانا اقولك ؟ بس قولت قبل كده ان ال rpm واقف على 10 تفتكر ده هو السبب
تحية لاجمد مهندس فولكس (بعكسك أهو :Oc_sun1[1]:) حمدا لله على السلامة وحشتنا ردودك يا باشااقتباس:
المشاركة الأصلية كتبت بواسطة umoussa
أنا شايف طبعاً إن فيه تعليقة في حتة ال rpm لأن 10 ده مش حاجة طبيعية.
عارف انت لما تشغل العربية وتشغل التكييف ال rpm بيطلع على 9
10 = مشغل العربية + مشغل التكييف + دوسة بنزين خفيفة اوي
مش عارف أقولك إيه بس انت رديت على كل أسألتي بالنفي دا معناه ان فيه مشكلة ما في العربية هي الي مسببة الحكاية دي
وبصراحة أنا مبشتغلش في البرازيلي علشان كده مش حعرف افيدك بس مش عارف ليه حاسس ان العربية فيها مشكلة كنترول. وربنا سبحانه وتعالى يخيب ظني لأني معتقدش ان ممكن تلاقي كنترولات استيراد في السوق.
ولو تسمع كلمة من أخوك، لو ليها بيعة بيعها على طول وهات حاجة غيرها
طيب يا باشمهندس اعراض الكونترول ايه يعنى الكونترول ده يأثر على ايه... ولو الكونترول بايظ مش المفروض لما تتوصل على الكمبيوتر الكمبيوتر يحس بالموضوع ده
كنترول العربية ده الي متحكم في الموتور
في حالات كتير الكنترول بيبوظ ومبيكنش في اي دليل على انه بايظ
ونادراً لما الكنترول بيكتب انه بايظ
الكنترول لو وقف عن العمل العربية مش حتدور
طيب حضرتك شاكك فى الكنترول ليه؟ لو العربية بتدور بسرعة مفيهاش مشاكل فى الدوران يبقى اقدر اعرف ازاى العيب انه كنترول
لما تكون كل الأعراض الي بتقول ان العربية بتاكل بنزين سليمة
يبقى لازم نشك في الكنترول
الله ينور يا جماعه
هو فعلا ممكن يكون سبب الكترونى (كنترول او كهرباء او حساسات )
ممكن يكون سبب ميكانيكى (خرم فى التنك او فى خرطوم او او او)
لازم تقدر تتابع مع الناس و تروح لواحد بيفهم علشان تقدر تحدد السبب
و ربنا يوفقك
اصل لو طلع كنترول انا هيجرالى حاجة طيب انا اروح لكهربائى ولاميكانيكى ومش عايزك تنسى يا هندسة ان الموتور عالى عن الطبيعى 10 مش 9
طيب لو فى مشكله فى الانجكشن واحد من الرشاشات بيسيل ممكن يعمل نفس المشكله ولا لأ ؟ وعايز اعرف كمبيوتر الاعطال مسئول عن ايه يعنى يحدد مشاكل ايه لو فى حاجة بيظة؟ علشان حضرتك بتقول انه مبيعرفش لو الكنترول باظ يبقى هو دوره ايه؟
يا عزيزي لا تقلق وإن شاء الله مفيهاش مشكلة إطلاقاً
إنت محتاج تروح عند حد عنده جهاز كشف أعطال ويكون في نفس الوقت بيفهم
حضرتك ساكن فين؟
انا ساكن فى دوران شبرا بس انا بتعامل مع المهندس هانى اللى ورا حديقة بدر جسر السويس ... وساعات كمان بروح لرشاد فى الحرفيين بس آخر مره روحت كان الكمبيوتر عنده بايظ ومرضيش يقرأ العربية قالى تعالالى فى يوم تانى اغير بس الكابل ده
لا غبار على الاتنين
وهما الاتنين معرفوش المشكلة فين ولا انت لسه مرحتش عند حد فيهم علشان يكشف ويقولك؟
لأ انا لسه مروحتش لحد دلوقتى
روح اكشف وطمني
وإن شاء المولى خير
صباح الخير يا باشمهندس اسامه... انا روحت انبارح جبت من التوكيل فلتر بنزين اصلى وفلتر هواء اصلى وخايتهم ينضفوا البوابه فكوها وغسلوها.. ووصلوا الكمبيوتر على العربية العربية مقرتش حاجة... المهم ال rpm منزلش واقف على 1 هما قالولى وان العربية كده ال RPM بتعها كده وبعدين قالولى ان البوابه كانت غربية الشكل مليانه شوائب بطريقة فظيعة غسلوها وقالولى امشى بالعربية وشوف البنزين هيعمل معاك ايه لو لسه هما شايفيين ان المشكله هتبقى ان البوابه مش بتعمل بالكفائة اللازمه فهتحتاج تتغير لو العربية استمرت فى استهلاك البنزين. سالتهم عن الايدل كنترول ممكن يكون السبب مش عارف حسيت المهندس مش فاهم اوى قالى مادام العربية لما بتدورها الصبح وتكون بارده بتعلى وبعدين تنزليبقى الكنترول سليم... ارجو الأفاده
وعايز اسأل حضرتك برضو انا غيرت تيل فرامل وطنابير علشان كانوا وحشين جداً التيل مش بيصفر لما بدوس عليه بس بيصفر لوحوا على السرعات القليله من 20 الى 30 كده هل ده طبيعى فى الاول كام يوم لحد لما يسكت ولا ايه بس انا حطيت ايدى على الجنوط انبارح كانوا سخنين
بتأسف جدا للأستاذ محمد مصطفى علشان قلتله هكلمه وارحلوا بس اليومين اللى فاتوا اطحنت فى الشغل متزعلش منى انا بجد زعلان علشان ضيعت فرصه انى اتعرفت عليك
ولا يهمك اهم حاجه تكون ظبط عربيتك والدنيا ارتاحت موضوع التيل اللى بيصفر على طول يأما عشان التيل لسه مطبعش يأما السوسته بتاعت التيل مش تمام فا مبتردش مكانها ومع المشى والضغط أكثر من مره بتظبط
سخونيه التانبوره الذايده دى مش كويسه لا على التيل ولا على التنابير وخصوصا اننا داخلين على شتا ومطر ممكن تبوظلك التنابير بسرعه
راجع الموضوع ده معاهم تانى انت المفروض لسه خارج بالعربيه من عندهم
كلفك كام فلتر الهوا ؟
أحتمال فعلا كبير جدا فى ان تكون البوابه هى سبب الأستهلاك العالى بس بيتهيئلى لو البوابه مش كويسه كنت هتلاقى الأر بى أم غير ثابت نهائى معاك
وخلى بالك ان الأيدل كونترول او سنسور حسب المسمى بيبقى ليه علاقه كبيره بالبوابه
بـ 110 مش فاكر المصنعية كاماقتباس:
المشاركة الأصلية كتبت بواسطة vodanet
يعنى المفروض محسش بسخونة خالص ولا عادى السخونة ديه فى الأول ... انا كده كده حمشى شوية واجرب بس الصوت مش بيعمل لو العربية واقفة بألها كتير غير لما امشى حبه وبعدين يبدأ يعمل كده غالباً لما الحديد يسخن ويتمدد شوية خلينى اجرب وانا متابع معاكو وعايز اسألك احوط بنزين منين موبيل ولا ايسو ولا التعاون ولا كله زى بعضاقتباس:
المشاركة الأصلية كتبت بواسطة m.mostafa80
مصر للبترول أو التعاون وانت هتعرف لوحدك أذا كانت بنزينه نضيفه ولا لأ من حاله العربيه وسحبها معاك
أنا أفتكرت حاجة مهمة جداً
العربية سلك اكسيلاتير ولا دواسة كهرباء؟
لو العربية بسلك يبقى السلك ده مشدود ولو دواسة كهرباء يبقى فيه مشكلة
ممكن تبعتلي رقم الشاسية بتاع العربية بالكامل/ عايز 14 حرف ورقم الموجودين على العربية
العربية سلك يا هندسة ... ابعتلك رقم الشاسيه اجبهولك بكره وابعتهولك... بس ممكن اسأل حتستخدمه فى ايه؟
وبالنسبه للطنابير الصوت عالى جداً جداً ساعات مش بسمعه وساعات كل الناس بتعد تبص عليا انا ببقى سامع صوت احتكاك وانا ماشى على السرعات القليله ده كده صح فى الأول ولا ايه
صوت العجل ده تقريبا بلى عجل امامى بى 80 جنيه
اصل الصوت مكنش موجود غير لما غيرت الطنابير والتيل ... معتقدش انه يكون بلى عجل