بالضبط :10d5c8~1107:
عرض للطباعة
أنا برضوا من ايام كوناتكت و مروراً بجروب الياهو اللى ماشافتش أى نشاط تقريباً ، أول ما كنت بسجل فى نايل موتورز كان رقم عضويتى 300 وشوية وبعدين حصل مشكلة فى التسجيل ولما رجعت أخدت رقم 542 ودلوقتى فيه ألاف
كنت بدور علي معلومات عن عربيتي وسجلت فيه ولقيت معلومات عن كل عربيات الكون والسفن الفضائيه والحربيه وحتي الغواصات بس ملقيتش حاجه عن عربيتي ههههههههههههههههههههههههه هههوسئلت كام سؤال محدش رد عليا وبدات اتعاطي المنتدي في جرعات صغيره علي فترات متباعده لحد ما وصلت لمرحله الادمان لاسباب كتييييييييير اوي واهمهم الاحترام والمصداقيه والدم الخفيف للمنتدي لحد ما وصلت اني مش بدخل منتديات السوفت وير اللي كنت مرابط عليهم طول عمري وقاعد مرابط في نايل موتورز ولازم كل يوم امصي حضور وانصراف وفاضللي شويه واجيب مرتبه وابات في المنتدي زي الي عليه مراقبه من القسم وميقدرش يبعد عنه كتير
كنت باعمل اعلان لبيع عربيتي السابقة .... وباقارن بين عدة خيارات للشراء
لقيت الناس محترمة
والادارة محترمة
والاعضاء في منتهى الجدعنة وبيخدمو الناس لوجه الله
واتعرفت فيه على ناس قمة في الاحترام والذوق والخلق .... مش عاوز اقول اسماء علشان ما انساش حد .... ومنهم ناس قابلتهم ومنهم ناس لم يحصل لي شرف مقابلتهم حتى الآن
ولقيت من الآخر ان نايل موتورز ..
..
..
..
..
..
..
..
..
..
..
..
..
..
ألذ
ألذ
ألذ
المفروض تضيفي اختيار "جميع ما سبق" أو تخلي الأختيار متعدد
عموما الأجابة جميع ما سبق
بالنسبة لقصة التسجيل فهيا ان اخويا كان واخد الانوزز الله يمسيها بالخير وراح كفر الشيخ وبعدين وهوا راجع العربية خدت هوا واحتاس وكلمني بس وصفلي غلط ، واللي وصفهولي كان بالظبط نفس اللي بيحصل لما بوردة العربية بتضرب زي الفيكترا كدة ، فا عملت سيرش ولاقيت المنتدي ودخلت سجلت وكان أول موضوع ليا هنا ..
و كونة منتدي متخصص في حاجة الواحد بيحبها + وجود جانب اجتماعي خلاة موطن مثالي للكائنات اللي زيي .. مع ان عمري ما أدمنت منتديات خالص غير مرة واحد زمان من حوالي 6 سنين وكان كلة ناس ما شاء الله برضو زيكم هنا
ما يربطني بنايل موتورز:
أول و أهم حاجة: حب خدمة الأخرين و إمدادهم بالمعلومات الصحيحة...
أحدث و أجدد معلومات و أخبار في السوق و الشارع المصري...و قبل حدوث الخبر بيكون عندنا هنا
كشف جميع الالاعيب و الخدع في سوق السيارات المصري سواء كسلع او خدمات
الإطلاع على كل تفصيلة كبيرة و صغيرة على معظم السيارات في سوقنا...و تجارب محترفة من جانب الأعضاء
مشاركة كل الأفكار و الإبتكارات اللي ممكن تنفع في مجال السيارات..و أقربهم موضوع ميزو :)
المنتدى الإجتماعي لو عوزت أسأل على أي حاجة غير العربيات بلاقي إجابه
و من أحلى الحاجات...روح المحبة و التعاون...و شكل الردود...معظم الردود بتكون إضافة حقيقية للموضوع...مش مجرد مشكووووووووووووور...لمجرد إثبات الحضور و زيادة عدد المشاركات
و بغض النظر عن كل اللي فات....إتعرفت على أصدقاء حقيقين من النادر إني ألاقيهم ...كل واحد فيهم بشخيصته المميزة...كبير و صغير...و المفروض هانتقابل تاني خلال الإسبوع ده:)
الحمد لله كنت من أول الناس اللي جات هنا نقلاً من كونتاكت...بس فعلاً انا منتمي لهذا المكان و تربطني به علاقة قوية...أتمنى انها تفضل علطول
بصى انا جيت المنتدى هنا بالصدفه بسبب موضوع استاذ سبعاوى عن تقييم ال127 و كان الذ تقييم عربيه قريته فى حياتى ايه اللى شدنى بقى للمنتدى مش عارف بس فيه حاجه غريبه سحبتنى ليه خلتنى مش بقدر استغنى عنه حتى فى وسط امتحناتى جايزمعنديش خبره كبيره اقدمها للمنتدى بس انا استفدت منه كتير سواء فى العربيات او فى مجالات تانيه كتيره عارفه كده احساس جميل لما تلاقى واحد بينصحك وبيوجهك للحاجه الصح و هو مش مستنى منك اى حاجه فى زمن احنا افتقدنا فيه الكلام ده بصراحه انا بعتبره بيتى الثانى الملىء باخوانى واخواتى سواء الاكبر منى او الاصغر منى و يارب منتدانا يفضل دايما عامر بالناس ديه
نايل موتوز كان أول منتدى عربي أشارك فيه رغم أني كنت بشارك في كذا منتدى تقني أجنبي وممكن أكون سجلت في منتدى أو اثنين عربي من غير ما شارك.
أول مرة أعرف أن كتير من مجتمع المصريين على النت بيتكلموا عربي.
كنت فاكر كل الناس بتتكلم انجليزي (فكرة طبقية ضيقة الأفق) أو عربي بحروف لاتيني.
فوجئت بالكل هنا بيتكلم عربي. بس معظم الناس بتكتب بالعامية.
ابتديت اتعلم الكتابة بالحروف العربي وكنت كمان بكتب كمان بالعربي الفصيح. بعدين رضخت للأمر الواقع وبقيب بكتب بالعامية. دلوقي ما بكرهش حاجة أد العربي المكتوب بحروف لاتيني.
بالنسبة لتخصص المنتدى، عرفت التقيمات الحقيقية للعربيات الموجودة في السوق المصري.
الواحد عرف عن عدم ثبات الفرنا وموتورها القوي و مشكلة حساسات الميجان وأعطالها الكتير .... الخ.
بحكم أني جديد نسبياً في السواقة (سنتين) ومكنت أعرف كتير عن سوق العربيات في مصر، المنتدى خلى الواحد عنده فكره كويسة عن العربيات الموجودة في السوق وعن حال السوق.
بس بصراحة الواحد متعلمش كتير عن صيانة العربيات (على الأقل المصطلحات الشائعة للأجزاء الميكانيكية والكهربية للسيارات). الواحد لازم يزور القسم التعليمي أكتر.
بالنسبة للأعضاء، في من كل لون.
بالتأكيد الأغلبية ناس محترمة لكن في العصبي والمشاحن والمتعجرف و المراهق الطائش.
يعني نموذج للمجتمع المصري، ولو أن الأغلبية ناس محترمة.
لدرجة الواحد بيتسائل، أمال مين الناس اللي سايقة بهمجية في الشارع اذا كان كل أعضاء نايل موتوز بيشتكوا من عدم مراعاة الآخرين لآداب القيادة؟!
مش عارف ليه حاسس اني رغيت كتير.
تتمسوا بالخير.
اه والله يا باشمهندس عندك حقاقتباس:
العصبي والمشاحن والمتعجرف و المراهق الطائش
المفروض الناس تتحكم في عصبيتها شويه علشان تعرف تعيش
وكل واحد يوزن كلامه قبل ما يقوله
بس برضه الواحد اتعرف علي ناس كتير محترمين من المنتدي سواء علي المنتدي او قابلهم شخصيا وفيه ناس الواحد نفسه يقابلهم بس الظروف لسه مرتبتش اللقاء وباذن الله الواحد يتعرف عليهم وحضرتك اولهم واستمتع بصحبتك باذن الله تعالي
المعلومات القيمة الموجودة+الشخصيات المحترمة