طلب نصيحه قبل ماشتري النترا 2010

**tarekabosdera** · 14-10-2009 11:32 PM

المشاركة الأصلية كتبت بواسطة akram2010

سيارة ممتازة جدآ ومبروك مقدمآ صالون وشنطه وشياكه وجودة هيونداى اتوكل يارجل السيارة الهيونداى مرخصه تاكسى فى الرياض عاصمه المملكه العربيه السعوديه يعنى سيارات ممتازة فى الحر الشديد وتنافس التويوتا فى الجودة والسعر

كلام مظبوط 100%

**islamkhidr** · 14-10-2009 11:53 PM

انا حاجز إلنترا مانيوال 2010

إن شاء الله هاستلمها الاسبوع الجاى

العربية ممتازة بكلام كل اللى جربوها

**eino666** · 15-10-2009 11:11 AM

ماشى على سرعة 90 ك على الدائرى فى مصر وحبيت اهرب من عربية كارو بحمار ولان الباور كهرباء مش زيت كلفتنى فوق ال15000 جنيه اصلاح للحادث يا ريتنى كنت خبط الكارو
قدر الله وماشاء فعل

**عصام خليل** · 15-10-2009 02:13 PM

متهيالي دي مش غلطته البلور بس ياريت لو توضح اي دخل الباور في الموضوع ده يعني كان حفيف قوي ولا تقيل

**mohamed920** · 15-10-2009 02:51 PM

Its Not power problem as i think a have elantra 2009 and Nothing at all with power steering and its give you more control about the car with easy way of handling . if i have a chance again to chose a car i will chose elantra again its amazing car in its price level
god bless you

**hhendmos** · 15-10-2009 04:46 PM

انا روحت معرض رضا حمزه في مصر الجديده واتفرجت على العربيه للمره 100 العربيه جميله جدا بس اتعرفت على مدير المبيعات قالي اصبر شويه لاخر شهر 11
ياريت من اي حد عنده الموصفات الكامله للعربيه يدليني عليها وياريت تكون موضحه بصور لاني مش لاقي اي صور ليها على النايل موتورز ولكم من جزيل الشكر

**ufarag** · 15-10-2009 05:21 PM

الطارة الكهرباء بتكون خفيفة على السرعات البطيئة وكل ماتزود السرعة تتقل عشان تقدر تتحكم في العربية ، الطارة الكهرباء هي احدث تطوير لنظام الباور ستيرينج.

مشكلة ان في ناس تحب تفتي من غير ماتكون فاهمة.

**abo_hosam510** · 16-10-2009 06:17 PM

السلام عليكم ومبروك عليك الالنترا مقدما انا لسة شارى 2010 وعامل بيها 1500 كيلو وقبل ماجيب الالنترا مكندش مقينع بيها علشان مشكلة الدريكسون ولاكن عندما جربتها من واحد صحبى فعلا الدريكسون تقل بعد 100 ولما جبت 140 الديكسون كان ثابت على الطريق والفرام زيها زى abs مشوفتش فرق وجودة السيارة عالية والتقفيل ممتاز وصاج العربية اقو من السيراتو وجرب انت تخبط على الرفرف او باب السيراتو وربنا يكرمك

**Youssef.Awad** · 16-10-2009 06:28 PM

من غير كلام لو عيل صغير قعد ع الكنبة اللى ورا هاتلاقيها فى الارض فمابالك بالاوزان بقى
بس موضوع الباور ده ماعنديش فكرة
من رأيى تشترى عربية عفشتها ناشفة زى اللانسر

**r0xer** · 16-10-2009 07:28 PM

المشاركة الأصلية كتبت بواسطة y2y1500

من غير كلام لو عيل صغير قعد ع الكنبة اللى ورا هاتلاقيها فى الارض فمابالك بالاوزان بقى
بس موضوع الباور ده ماعنديش فكرة
من رأيى تشترى عربية عفشتها ناشفة زى اللانسر

حضرتك جاي تهرج ولا بتكلم جد؟ يعني أيه لو عيل صغير!!

انا العربية كانت محملة 4 افراد كل واحد وزنه لايقل عن 80 كيلو + الشنطة كان فيها اكل لايقل عن 50 كيلو.

من المهندسين للنخيل في ساعتين إلا ربع وولا مطب واحد حكيت فيه رغم غباء مطبات النخيل.

الالنترا هي أنضف عربية كوري اتعملت لحد دلوقتي في الفئة دي بلا منازع.