إنهاردة نازل عادي و بفتح العربية من الريموت و عادي جداَ "تيت تيت" بس مسمعتش صوت التكة بتاع الأربع أبواب بيفتحوا .. جيت أفتح .. بيفتحوا عادي .. قفلت بالريموت "تيت" .. بفتح .. بيفتحوا برضه !!

يا نهار أسود .. العربية كانت مفتوحة

انا بسيب حاجات كتير في العربية .. يعني مثلاَ كان فيها :

- الكاسيت كامل
- إم بي ثري موديولاتر بريموت في الدركسيون
- كتب كنت لسة من جايبها من دار الشروق ب 250 جنيه
- نضارتين !
و شوية حاجات كدة .. غير إن ممكن كان يتفتح الكبوت سهل جداَ و يتاخد أي حاجة!

بس الحمد لله جت سليمة
و الله أعلم الموضوع ده بقاله قد إيه لأن انا بقفل و بفتح العربية و انا بعيد عنها .. يعني تلاقيني كنت بركن قام الجامعة و أقفل عالفاضي و أمشي قدام أون ذا ران و أمشي

يبدو إن السنترال لوك إنفصل عن الإنذار و بضطر دلوقت أقفل السنترال لوك بالمفتاح و بعد كدة أشغل الإنذار من الريموت .. اما نشوف الموضوع ده قريباَ في التوكيل .