عرض للطباعة
انا يا جماعة كنت بسئل على مكنا اخد منة دورة الicdl عشان ان سئلت فى الجامعة عندنا فى عين شمس وقاللوى انها ب 650 مش منحة فلو فى مركز او مكان برة مشهور ومعروف بيدى الشهادة وبنفس العسر والكفاءة يكون احسن اكيد من اللى عندنا فى الجامعة ولا انتو رايكو اية
مستنى ارئكم واقتراحتكم
:U_thin1[1]::U_thin1[1]:
اية يا جماعة محدش عندو فكرة خالص ولا اية
وياريت لوحد يعرف مكان ينفع اروح امتحن ففيه علي طول
لاني مستحيل هفضي احضر كل الايام :(
اانا بردوا مستنى معاكم لانى الترم التانى فاضى كلوااااااااااااااااا
هههههه
شايل السنة بقى نعمل اية ؟
هناك برنامج يتبع وزارة الإتصالات يمنح هذا التدريب مجانا و يمكن التسجيل فيه عبر موقعهم على الإنترنت و هذا هو عنوانه :-
.:: ICDL Egypt ::.
اقتباس:
المشاركة الأصلية كتبت بواسطة homme49
على فكرة يا homme دة الموقع تبع وزارة التربية والتعليم انا مسجل لى ولدتى من علية اعتقد مش اى حد ها يخدة غير المدريس او اللى بيشغلو فى الوزارة
اقتباس:
المشاركة الأصلية كتبت بواسطة haytham1212
والترم الاول يا هيثم ما ينفعش عشان انا عايز اخدو دلوقتى عشان انجز قبل الامتحانات والقرف بتاعها وبعدين ليسة فى كورس انجليزى ودة هم مايتلم
لا اللي تبع وزارة التربية والتعليم بتسمح لناس من برا الوزارة يخدوها
انا سالت فلمووضوع دا قبل كدا
اقتباس:
المشاركة الأصلية كتبت بواسطة iceheartedgirl
على فكرة معتقدش انك ممكن تمتحنى على طول لانة ها يخد منك فلوس عشان الشرح واكيد عمرة ما هيضيعها انا لما سئلت عندنا فى عين شمس قالى 350 دراسة و300 امتحانات وشهاددة والمادة ب20 جنية وهما 7 مواد
اقتباس:
المشاركة الأصلية كتبت بواسطة iceheartedgirl
اقتباس:
المشاركة الأصلية كتبت بواسطة iceheartedgirl
الله اعلم لو كدة نسئل الحاجة اهى برضو خدتة وخلصت عقبالنا كدة يا رب
على فكرة انا سئلت الحكومة ةقالت انو ما ينفعش حد من برة الوزارة ياخدة برضو الله اعلم ممكن يكون عكس كدة
اية يا جماعة محدش عندو اى معلومات تانى عن الاماكن اللى ممكن اخد فيها الكورس دة ولا اية
انا كمان عايزة اخد الشهادة دي بس تقريبا مينفعش حد برة الجامعة ياخدها عن طريق المنحة بتاعة وزارة التعليم العالي لما سألت عندنا في جامعة القاهرة قالوا كده اللي اعرفه ان في مراكز تبع الوزارة بتدي الدورة عن طريق المنحة بس لازم تسجل فيها وبعد فترة بيتصلوا بيك لما يلاقوا مكان وانت وحظك ممكن يتصلوا بيك بسرعة وممكن تستني كتير انا كنت هاخدها السنة دي بس كسلت لما اخلص دراسة احسن مينفعش الدراسة مع القرصات
اقتباس:
المشاركة الأصلية كتبت بواسطة sarah5
اصل انا حضرتك كلية تجارة وبرزاكر اخر شهر ومش بحب اروح الكلية فا انا بالنسبة ليا اعمل حاجة فى الهشر ونص دول ليها لازمة واهو برضو هاتفدنى بعد كدة وبرضو الزم الشهادة دى عشان اتخرج بس انتى حضرتك سئلتى من فى الجامعة عشان انا عندنا سئلت وحدة الحاسب الالى
انا خدتها في الكليه بتاعتي في حاسبات ومعلومات عين شمس وكانت ب 650 فعلا ومفيهاش تخفيض للطلبه
وحضرتك كنت بتروح تدرس فى مصر الجديدة زى ما الست قالنلىويارت لو كمان اسلوب الدراسة والجودة وكدة وكام واحد بيكون فى الكورس معاك وكدة يعنى اقصد ما يكنش العديد كبير يعنى
راجعوا الموضوع ده في تجربتي في كورس icdl .
ارجو المساعدة في كورس الicdl
واي استفسار انا تحت امركوا.
ممكن تسأل فى InfoGet فى روكسى وديه ارقامهم
26907422
24184741
26907423
24184741
0105573220
0169838483
وقلهم Exam Only :)وشوف لسة المنحة شغالة ولا خلصت
يعنى دلوقتى من كلام الاخوة الاعضاء اجتمعو على 3 مراكز هما yat,الجهاز المركزى ,info get طيب انهى بئى احسن و اجمد واحد فيهم و الكورس هايعمل كام فى كل واحد وتكون الشهادة un
الجهاز المركزي افضلهم ثم معهد نظم المعلومات اللى في مدينة نصر التابع للقوات المسلحة وفيه معهد اخر في النزهة بس دايما مزدحم.اقتباس:
المشاركة الأصلية كتبت بواسطة mazd
فيه بعض الملاحظات لازم نعرفها:
-مادام هتاخد الكورس علي حسابك(private) بتبقي الشهادة un سواء في الجهاز المركزي او في معهد القوات المسلحة الشهادة الegy بتبقي للناس اللى واخدين الكورس منحة.
-لايوجد منحة للطلبة والعاملين بالقطاع الحكومي يعني طلبة المدارس تدربهم وزارة التربية والتعليم وطلبة الجامعة تدربهم وزارة التعليم العالي والموظفين تدربهم وزارة التنمية الأدارية.
-قيمة التدريب فقط بتبقي المفروض في حدود 200 جنيه.
-قيمة بطاقة التسجيل(skills card )سواء في الجهاز المركزي او معهد نظم المعلومات ب140 جنيه.
-قيمة الأمتحان في الجهاز المركزي ب25 جنيه لو شاري بطاقة التسجيل من عندهم وب30ج لو شاريها من برة علما بأنه يجب ان تمتحن مادة او اثنين من نفس المكان الذي اشتريت منه بطاقة التسجيل وباقي الأمتحانات يمكن ان تمتحنها في اي مكان اخر معتمد.
-لايوجد هذه الأيام امتحانات سارية في الجهاز المركزي وعندما ذهبت منذ حوالى اسبوعين قالوا لي لازم تكون حاجز ومافيش حجز دلوقتي واتصل بنا يوم15/10 (المفروض النهاردة)اسأل ان كان فيه حجز ولا لأ وبرده رحت معهد النظم يوم الثلاثاء الماضي قالولي (ده المكان اللى انا اشتريت منه بطاقة التسجيل)بعد 10 ايام مع انه قبليها بأسبوعين قالولي برده بعد 10 ايام ومشكلة المواعيد دي بسبب زيادة الطلب للحصول علي الشهادة
-ينصح بالأبتعاد عن المراكز الخاصة خاصة في موضوع شراء بطاقة التسجيل والأمتحانات لأنهم فنانون في المماطلة ويكتفي بالتدريب فقط.
طيب ممكن يا استاذ وليد تفاصيل اكتر عن جهازالمركزى دى
[QUOTE=ابو الوليد المصرى;3872056747]ادخل علي الروابط دي
مركز التدريب بالعباسية
أتصل بمركز التدريب[/QUOTE
متشكرين اوى يا استاذ ابو الوليد
ياجماعة المنحة دي مجاااااااانية والمفروض انها للطلبة وللموظفين ولأي بني ادم عايز ياخدها طالما تنطبق عليه شروطهم.
اخويا قدم في مركز Synergy اللي في مصر الجديدة واخدها من هناك وبيقول الكورس كويس
هو دفع 200 جنيه تأمين واخدهم بعد ماخلص الكورس والامتحانات بإسبوعين بالظبط يعني المنحة دي مجانية تماما ومدفعش اي فلوس عشان الامتحانات ولا اشتري Skill Card ولا حاجة والامتحان كان في معهد نظم المعلومات اللي في مدينة نصر وهو حاليا مستني الشهادة بس معرفش بقي هاتبقي Un ولا Eg؟
انا عن نفسي كنت قدمت من اكتر من سنة على الموقع بتاع الوزارة وسجلت في مركز اسمه Axon بس طلع مركز زبالة :H_angry[1]: لإني اجلت الموضوع شوية ولما ظروفي سمحت رجعت اكلمهم قالولي المنحة موقوفة طب امتي هاتتفتح قالو بعد شهرين وهكذا كل مرة نفس الكلام (حسبي الله ونعم الوكيل فيهم) لحد مافي الاخر قلتلهم طب انا عايزة انقل نفسي في مركز تاني لإن صحابي قدموا بعدي واخدوها قالولي اتصلي بالوزارة بقي (لإن للأسف الرقم القومي بتاعي متسجل على مركزهم هما ومينفعش اخدها في مركز تاني الا لما الوزارة توافق الأول :36_1_40[1]:) المهم قالولي دي مش مشكلتنا احنا واتكلموا بإسلوب زبالة اصلا وقررت اشتكيهم بقي ماهو مش معقول أفضل مستنية اكتر من سنة ولسة مش عارفة اخدها :H_angry[1]: .
المهم بعد محاورات كتيرة مع موظفين الوزارة اللذاذ جدااااااااااا واللي نادرا لما بيردوا على تليفونات الوزارة واللي غلبوني وطلعوا عيني على ماوصلت ليهم ، بعتلهم شكوي على الاميل وطلبت انقل نفسي لمركز تاني وقررت اخدها في Synergy لإن اخويا شكر فيهم وكمان انا أصلا مش محتاجة الكورس اوي لإني اصلا واخدة كورسات مشابه وحافظة كل برامج ال ICDL وبشتغل بيهامن كذا سنة يعني ممكن ادرسها للطلبة كمان بس كنت عايزة شهادة وبس مش اكتر تتضم للـ C.V. بتاعي وخلاص.
وانا حاليا في انتظار نقلي لمركز Synergy.
عموماً في مراكز كتيرة بتدي المنحة دي لو حضرتك تحب تاخدها مجاناً اسامي المركز كلها علي الموقع بتاع وزارة الاتصالات :Ob_mak1[1]:.
يا استاذة رنا انا كنت فعلا كنت بخدها منحة وكنت دافع ال200ج وماشي عادي لغاية ثاني اسبوع في الكورس نزل بعد كد قرار علي اول شهر 7 مش فاكر بالظبط ان المنحة اتلغت للطلبة والموظفين بالقطاع الحكومي والمنحة بقت للخريجين و موظفي القطاع الخاص وفيه ناس اعرفهم كانوا مقدمين قبلي بحوالي شهر ومن حظهم انهم خدوها منحة وحضرتك ادخلي دلوقتي اي مركز تدريب icdl سواء خاص او حكومي هتلاقي الشروط الجديدة متعلقة.اقتباس:
المشاركة الأصلية كتبت بواسطة R A N A
وراجعي موضوعي ده ارجو المساعدة في كورس الicdl
بالنسبة لشهادة اخوكي بدال منحة بتيجي egy الخاصة هي اللى بتيجي un وماتفرقش كتير.
بالنسبة للتحويل انا برضه قدمت في مكان غلط وماكنش ينفع اعدل في الأستمارة الحل(لو كان ينفع ليكي المنحة) انك تروحي للمكان اللى انت عايزة تتدربي فيه وتقدمي فيه وهم بيحولولك بطريقتهم.
يعنى خلاصة القول كدة انى لازم اخدها فى مركز خاص برة عشان الشهادة تكون un طيب لو كدة معلش حد عندو فكرة هاتتكلف فى حدود كام الكورس كامل بالشهادة بالمتحانات
وممكن برده في الجهاز المركزي والقوات المسلحة انا كنت باخدها ف مركز خاص طلعوا عيني علشان يجوبولي بطاقة التسجيل ومجابوهاش كنت دافع الفلوس من 24/7 لغاية 30/9 مجابوش حاجة ةطلبت استرداد الفلوس قالولي هاتخدها25/10 رحت جبتها تاني يوم من المعهد اللى في مدينة نصر دفعت فلوسها واخدتها وانا واقف علشان كده انا لا انصح حد انه ياخدها في مركز خاص انا كنت باخدها في مركز اسمه مصر اكاديمي بيقولوا انهم تبع IBM ممكن تتدرب بس في مركز خاص لكن امتحانات وشراء skills card هاتها من برة ودي تجربتي مع مركز تدريب باعتبره نصاب مع ان الوزارة منزلاه ضمن المراكز المعتمدة لتقديم المنحة انا لما حكيت للراجل اللى في الجهاز المركزي علي اللى حصللى استغرب جداوقالى انت لو كنت جيت امبارح عندي الصبح كنت لقيتها وهاجيب تاني كمان اسبوع.اقتباس:
المشاركة الأصلية كتبت بواسطة mazd
بالنسبة للتكلفة الحد الأقصي ليها 550 جنيه بسبب اختلاف اسعار الأمتحانات في كل مركز تدريب يعني فيه ب25ج وفيه30ج.
اقتباس:
المشاركة الأصلية كتبت بواسطة ابو الوليد المصرى
خلاص ان شاء الله كدة لو فى نصيب اكلم بتوع لجهاز المركزى واخدها هناك
ومتشكرين تانى يا استاذ وليد على تعبك معايا :Ta_clap[1]::Ta_clap[1]:
تاااني بتقولي استاذ وليد.:khd:اقتباس:
المشاركة الأصلية كتبت بواسطة mazd
الشكر لله لو لقيت ان هم هيأخروك في التدريب اتدرب برة عادي لكن احجز ميعاد للأمتحان واشتري بطاقة التسجيل من عندهم انا المفروض برده اني امتحن الأسبوع الجاي او بعد 10 ايام اول امتحان.
اقتباس:
المشاركة الأصلية كتبت بواسطة ابو الوليد المصرى
اوك تشكر يا استاذ وليد :36_6_3[1]::36_6_3[1]::36_6_3[1]::36_6_3[1]:
انا خدتها شهر 12 اللي فات .. من سنة تقريبا ..
اللي حصل اني جالي لينك على الفيس بوك منحة تبع كليتي الصيدلة .. وانا كنت ساعتها خريجة ..
المهم نفع و قدمت فيها كانت في مركز في الدقي ..
دفعت ال 200 جنيه التأمين .. وحضرت الكورسات ..
بس كانت المشكلة في الامتحان انه مواعيده بعيدة جدا لبتوع المنحة .. وانا كنت مستعجلة عشان مسافرة ..
رحت مركز نظم المعلومات في مدينة نصر .. بصراحة نضيف جداااااا وممتاز وزي الفل ..برايفت وماليش دعوة بقى بالمنحة ولا هما ليهم دعوة طلعت من عندهم skill car ب 140 جنيه وكانت UN ( يعني المنحة بح خلاص .. وال200 اللي دفعتهم تأمين كأني خدت بيهم كورسات )
وامتحنت .. تقريبا على ما اتذكر الامتحان كان ب 25 جنيه ..
بحد اقصى 3 امتحانات في اليوم .. وامتحانتهم كانت يومين او 3 في الاسبوع ..
المهم انا كنت مزنوقة جدا عشان السفر ..امتحنت يومها 3 مواد في يوم واحد ..وخدت الskill card ورحت على المركز اللي في العباسية .. حجزت عندهم 3 امتحانات تانين بس تاني يوم ( ممنوع اكتر من 3 مواد في يوم واحد حتى لو من اماكن مختلفة ) .
وخلصت الامتحانات في 3 ايام :)
وطبعا في الاخر لازم الskill card ترجع بيها للمكان اللي طلعتها منه (مركز نظم المعلومات ) عشان تستلم الشهادة من هناك .. واسلمتها بعد 5 شهور .
بس طبعا فرق كبير بين مركز نظم المعلومات وبين العباسية في النظافة واجهزة الكمبيوتر والمكان .. خصوصا ان نظم المعلومات تبع الجيش ومنظمين جدا ومفيش قلق يعني ..
كده انا دفعت ال 140 skill card + الامتحانات175 وال 200 بتوع المنحة كاني خدت بيهم الكورسات ..
وعلى فكرة الموضوع مش محتاج كورسات خااااالص ..
يعني لو عندك نماذج امتحانات هي هي بتتكرر ..
ويبقى التكلفة هي ال skill card والامتحانات ..
انا عندي نماذج امتحانات لكل المواد لو تحبوا ارفعهالكم ..
والامتحانات سهلة جدا .. جبت فيهم كلهم 97 % والوورد 100 % :vctry:
طب واللي مش فاضي يحضر
اي المشكلة يعني لما نروح عالامتحان علي طول
ياخدوا اللي يخدوه بس مش لازم نضيع وقت يعني
اقتباس:
المشاركة الأصلية كتبت بواسطة miss_pharma
طيب فين مركز نظم المعلومات دة او ارقان التليفونات بتاعتهم
وعلى كرة بس انا سمعت ان الامتحانات اللى هيا النماذج القديمة اتغيرت وجة جديد
الشارع اللى في وش طيبة مول اللى في مدينة نصر الشارع كله منشأت تابعة للجيش وده المكان اللى اشتريت منه بطاقة التسجيل و المفروض امتحن فيه ان شاء الله ونمرتهم 22601406 .اقتباس:
المشاركة الأصلية كتبت بواسطة mazd
عادي ممكن تروحي تمتحني علي طول من غير ماتدفعي فلوس تدريب هاتدفعي فلوس بطاقة التسجيل skills card الأمتحانات وكمان ممكن لو ذاكرتي في البيت تروحي بعد كده تراجعي في الجهاز المركزي الساعة ب20ج علشان تعرفي طريقة الحل وكمان فيه مذكرات بتتباع للمراجعة سواء في الجهاز المركزي او معهد نظم المعلومات اللى في مدينة نصر التابع للقوات المسلحة.اقتباس:
المشاركة الأصلية كتبت بواسطة iceheartedgirl
ابو الوليد المصري قال العنوان :)اقتباس:
المشاركة الأصلية كتبت بواسطة mazd
بالنسبة للنماذج وارد جدا جدا تكون اتغيرت ..
بصو ياجماعة مش عارفة بصراحة موضوع الغاء المنحة للطلبة ده غريب شوية
ويمكن يكون السنتر بيعمل كدة عشان الناس تاخدها بفلوس وخلاص :H_angry[1]:.
لإن اخويا لسة متخرج السنة دي وقالوله قبل التخرج انه مش هايعرف ياخد الشهادة بتاعة التخرج الا لما يكون معاه ICDL وعشان كدة راح قدم في المنحة واخدها من هناك من غير ولا مليم.
اينعم الشرط ده متطبقش علي دفعته بس بقي اصلا دلوقتي بقي شرط لأي خريج هندسة انه يكون معاه ICDL قبل التخرج فيبقي ازاي لغوها للطلبة؟
الا اذا كانت الجامعات بتديهم المنحة دي داخل الجامعة والمفروض برده تكون مجانية.
عموما ممكن تدخلوا علي اللينك ده وتقروا شروط المتقدمين للمنحة
http://icdlegypt.gov.eg/Candidates_ar.aspx
وكمان ممكن تعملوا تسجيل من الموقع وتدخلوا كل بيانتكوا وتختاروا المركز اللي انتوا عايزين تاخدوا فيه المنحة او تمتحنوا تبعه.
بس نصيحة قبل ماتختاروا اي مركز اتصلوا بيهم الاول وشوفوا المنحة شغالة عندهم ولا موقوفة عشان ميحصلشي معاكم زي ماحصل معايا ويطلع المركز واقف المنح (زي مركز اكسون الزبالة اللي انا قدمت فيه ده) لإن التسجيل بيتم بالرقم القومي ولو سجلتوا في مركز وطلع مش شغال مش هاتعرفوا تنقلوا نفسكوا منه بسهولة ابدا (زي بالظبط المأساة اللي انا فيها دلوقتي :H_angry[1]: بس انا هافضل وراهم ومش هاسيبهم الا لما يدوني الشهادة بأي شكل ان شاء الله امتحن وخلاص مش لازم تدريب يعني).
هاتلاقوا عناوين المراكز وارقام تليفوناتهم على الموقع برده اضغطوا على كلمة المراكز المعتمدة للمنحة وبعدين اختاروا المحافظة وهاتلاقوا اسامي وارقام كل المراكز شوفوا اقرب مركز ليكم واتصلوا بيه وقولوا عايزين نسأل عن منحة ال ICDL هل وايه شروط التقديم وكدة لو هي شغاله هايقولولكوا تعملوا ايه وايه الورق المطلوب لو لأ اول مايسمعوا سيرة المنحة هيقولولكوا دي موقوفة عندنا ساعتها تشوفوا مركز تاني تسالوا فيه ومتيأسوش.
وبجد ياجماعة ال ICDL دي مهمة جدا لكل خريج مهما كان تخصصه لإن مجالات الشغل محتاجاها بشدة.
وربنا يوفقكوا جميعاً بإذن الله.
وبعدين ياجماعة بالنسبة للطلبة اللي في الجامعة حاليا لما يتطلب منهم شهادة المؤهل ممكن يقدموا شهادة الثانوية العامة ضمن الورق المطلوب منهم وكإنهم معاهم ثانوية عامة فقط.
لإن مش من ضمن الشروط ان يكون المتقدم خريج جامعة .
واقروا الخبر اللي في اللينك ده ياجماعة من فضلكوا.
http://icdlegypt.gov.eg/NewsAndEvent..._Oct_2008.aspx
اقتباس:
المشاركة الأصلية كتبت بواسطة R A N A
اقتباس:
المشاركة الأصلية كتبت بواسطة R A N A
والله كتر خيرك يا استاذة رنا على تعبك معنا :satelite::satelite: