في بلدنا تري العجب العجاب الي عمرك متششوفو في اي مكان غير المحروصة مصـــــــــــــــر

نزلت الصبح ركبت تكسي الابيض ابو عداد (الت عشان منهدش مع سواق التكسي الاسود وهتاخد كام والحجات الي توجع الدماغ )
ركبت التكس من اول نفق الهرم الي داخل جامعة الازهر في مدينة نصر بصيت علي العداد لقيتة 21.50 ج رحت دفعت الفلوس
ونا راجع الت اخرج برة واركب نفسي التكس المهم مشينا المشوار ورجعت عند اول النفق بتاع الهرم طبعا.
كام العداد ؟ 30.75 ج ازاي معرفش فرق 10 جنية مع انة هو هو نفس المشوار
طبعا انا مفتحتش بقي والت ولا كلمة لانة عداد
(عداد علي مزجهم .com )
هعملة موقع علي النت
متعرفش العيب فين فينا ولا في التكس ولا في العداد ولا في الطريق ولا في الفلوسالي بندفعها ولا في المشوار المهبب الي انا رحتة .
:fdsa::fdsa::khd::khd::khd::majd(4)::majd(4)::majd (4)::majd(4):

هو العيب مش فى حاجة من اللى قولتهم

العيب فى الزحمة ............ لأن لما التاكسى بيقف انتظار فى اى اشارة برضه العداد بيعد بس بنسبة اقل .....

وانت الأشارات عندكم فى القاهرة والزحمة برضه حاجة جامدة جدا ...

ساعات فيه ناس بتلعب فى العداد بس لةو حسبت المسافة
الموضوع هيكون
الزحمة
او ان العداد الاولانى غلط مش التانى

ياجماعة دة مش تكسي العاصمة عشان يعد عليا فلوس
ده شغال بالكيلو متر
لو حد عندة معلومة اكيدة في الموضوع يقول

اللى اعرفه ودى حصلت معايا فى كذا مشوار نفس المشوار واختلاف السعر

بيبقى على كل ساعه انتظار 15 وبعديها 5 ثم 5 وهكذا

وده اللى فهمتوا بعد كده انوا بينطبق على الطريق يعنى اجمالى الطريق وقف نص ساعه بالعربيه يبقى هيحسبك الكيلو متر اللى انت عملته فى المشور + النص ساعه اللى كانت العربيه مابتحرركش فيهم

انا حصل معاي الموقف ده بس سالت الراجل ليييييييييييييييييييه
قاللى ان العداد بيعد ربع جنيه عن كل دقيقة انتظار

اتأكد من تصفير العداد مجرد ما تركب
والعداد بيبدأ من 2.5 جنيه

بصيت علي العداد اول مركبت
2.5
بس غريبة موضوع الانتظار دة فعلا انا اخدت وقت اكتر ونا راجع من ونا رايح
معني كدة ان التكسي الابيض دة غير عملي بالمرة
واني اركب تكسي اسود واقولة علي المشوار ابل ما اروح لية ونعيش في عذاب طول عمرنا

التاكسي الابيض بالكيلو متر و الوقت مع بعض .

يعنى لو نازل وسط البلد او منطقة زحمة احسن لك تاكسي اسود و تتفق معاه على الاجرة قبلها احسن لك بتكير جدا .

في التاكسي الابيض الجديد لو انت واقف في اشارة او الطريق زحمة اي دقيقة وقفها بتتحسب ب 25 قرش

فى حالتك دى عندك 3 احتمالات
اولا :ان يكون العداد سليم والزياة دى علشان الانتظار (دا طبعا مش صحيح)
ثانيا:ان يكون اساسا العداد مش متصفر ويكون كان اخر واحد معاة
كان ماشى بحدود 10 جنية (ودا طبعا مش بعيد على التاكسجية)
اخيرا:اننا نكون اكيد اكيد اكيد فى مصر (ودا طبعا 100%)

....

ركبته مرة واحدة في حياتي

خد من الزمالك لحد السيدة عائشة أكتر من 30 جنيه

اقتباس:

---

المشاركة الأصلية كتبت بواسطة mido777

هو العيب مش فى حاجة من اللى قولتهم

العيب فى الزحمة ............ لأن لما التاكسى بيقف انتظار فى اى اشارة برضه العداد بيعد بس بنسبة اقل .....

وانت الأشارات عندكم فى القاهرة والزحمة برضه حاجة جامدة جدا ...

---

+111111111

ياجماعة والله البلد دية عمر مهينصلح حالها الا اذا
(طول عمرنا هنفضل رجالة ووقفنا وقفت رجالة)
بس دة في الفلم مش في الحقيقة
ابتزاز للشعب من الحكومة والشعب كمان

طيب الجديد بقا فى السواقين التاكس ده

مره كنت فى باب اللوق بقول للتاكس المنيل عند كوبرى عباس

قالى 20 جنيه قولتله زى ما العداد يعد هدفع قالى 20 جنيه ماشى ولا مش ماشى قولتلو لا مش ماشى

والله كنت متوقع مش متفاجأ ان نص التاكساجيه بيعملو كده

اقتباس:

---

المشاركة الأصلية كتبت بواسطة mohamedbook

ياجماعة والله البلد دية عمر مهينصلح حالها الا اذا
(طول عمرنا هنفضل رجالة ووقفنا وقفت رجالة)
بس دة في الفلم مش في الحقيقة
ابتزاز للشعب من الحكومة والشعب كمان

---

معلش مش فاهم ايه علاقة الرد ده بالموضوع!!!

الموضوع بأختصار ان العداد بيحسب وقت الانتظار في الزحام علشان كده المشوارين كانوا مختلفين عن بعض في الأجرة و ده نظام متبع في بلاد كتير جدا و أنا بأركب تاكسيات في أبوظبي (عاصمة دولة الأمارات) من التسعينات لما كنت في المدرسة هناك و كانت بنفس النظام ده !!!

العداد بيتكتب فيه ألف وحدة تبدأ تنقص ولما تخلص يزيد الأجرة نص درهم

الوحدات دي بتنقص بسرعة أوي كل ما يزود السواق سرعته و و العكس لما يقلل السرعة و يهدي علشان يلف أو أشارة مثلا تنقص بوتيرة أقل الى ان يقف تماما فتبدأ بالتناقص ببطء أكتر

يعني ممكن لو طريق و اقف أو ساعة ذروة الأجرة تقعد تزيد قدام عينيك عادي جدا و هوه واقف في الأشارة و حضرتك قاعد في التكييف متظبط لحد ما الطريق يمشي

و طبعا دبي نفس النظام و لو انه أغلى بكتيييييييرررررررر جدا عن ابوظبي و كذلك الحال في السعودية في الرياض و جدة و مكة المكرمة ولو انه هنا العداد بيشتغل منظر بس و بتتفق مع السواق عالأجرة زي مصر و ده قبل ما تركب أو لما توصل طبيعي بتديله اجرته بس العداد شغال بنفس الأسلوب

ايه بئى دخل الحكومة و الابتزاز و الرجالة و الوقفة!!! و لما كانت عربيات قديمة مدشدشة و التاكساجية بتسب و تلعن في الزباين و لازم تبئى بلطجي علشان تعرف تركب تاكسي و تعرف تتخانق عالأجرة برضه كنتوا بتشتكوا!!!

أنا مش فاهم الناس عايزة ايه و ايه اللي يرضيها!! انه يكون ببلاش !! أعتقد ده هوه المطلب الشعبي الأساسي..........

أسف عالأطالة................مع تقديري و احترامي

اقتباس:

---

المشاركة الأصلية كتبت بواسطة ashraf229

معلش مش فاهم ايه علاقة الرد ده بالموضوع!!!

الموضوع بأختصار ان العداد بيحسب وقت الانتظار في الزحام علشان كده المشوارين كانوا مختلفين عن بعض في الأجرة و ده نظام متبع في بلاد كتير جدا و أنا بأركب تاكسيات في أبوظبي (عاصمة دولة الأمارات) من التسعينات لما كنت في المدرسة هناك و كانت بنفس النظام ده !!!

العداد بيتكتب فيه ألف وحدة تبدأ تنقص ولما تخلص يزيد الأجرة نص درهم

الوحدات دي بتنقص بسرعة أوي كل ما يزود السواق سرعته و و العكس لما يقلل السرعة و يهدي علشان يلف أو أشارة مثلا تنقص بوتيرة أقل الى ان يقف تماما فتبدأ بالتناقص ببطء أكتر

يعني ممكن لو طريق و اقف أو ساعة ذروة الأجرة تقعد تزيد قدام عينيك عادي جدا و هوه واقف في الأشارة و حضرتك قاعد في التكييف متظبط لحد ما الطريق يمشي

و طبعا دبي نفس النظام و لو انه أغلى بكتيييييييرررررررر جدا عن ابوظبي و كذلك الحال في السعودية في الرياض و جدة و مكة المكرمة ولو انه هنا العداد بيشتغل منظر بس و بتتفق مع السواق عالأجرة زي مصر و ده قبل ما تركب أو لما توصل طبيعي بتديله اجرته بس العداد شغال بنفس الأسلوب

ايه بئى دخل الحكومة و الابتزاز و الرجالة و الوقفة!!! و لما كانت عربيات قديمة مدشدشة و التاكساجية بتسب و تلعن في الزباين و لازم تبئى بلطجي علشان تعرف تركب تاكسي و تعرف تتخانق عالأجرة برضه كنتوا بتشتكوا!!!

أنا مش فاهم الناس عايزة ايه و ايه اللي يرضيها!! انه يكون ببلاش !! أعتقد ده هوه المطلب الشعبي الأساسي..........

أسف عالأطالة................مع تقديري و احترامي

---

حضرتك في مصر مش في ابو ظبي ولا ام ظبي ولا السعودية
اولا مبيشغلوش التكييف علي الاطلاق الا اذا كان في وحدة شنكوتة ركبة معاة
ونت مش عاجبك كلامي عشان احنا بنسمي دة استغلال دة اذا انت كنت حاسس بيه اصلا
انا مهندس رتبي في المخروبة الحكومة 358ج
يبق لازم يخلو العملية معقولة شوية مناسبة للدخول التعبانة بتاعتنا
مش يعرضوها ويخلوها زي ام ظبي بتعتك والسعودية قارن الرواتب وبعدين ابقي اتكلم واول احنا عايزين اية من الحكومة
انت مش حاسس بالمعانة عشان كدة بتتكلم بطريقة سطحية
متقارن الطرق نوع التكسيات نوع الخدمة الرواتب كلة دة سيبة ومعلق علي انهم عملو تكسي جديد بدل المكسر وعاجبك اوي والبقي كلة ملوش لزمة
شعب مطية لمن يمطتي يعني (اي حد يجي يحكمة ويركبة زي الموشي وهو ساكت لا يهش ولا ينش وفي الاخر نلاقي واحد يقول احنا مش عرفين عيزين اية من الحكومة (بلد العجائب)
هعمل موضيع في المنتدي وهرقمها وسميها بلد العجائب 1و2و3و.......الخ ملهاش اخر
:mahf(5)::mahf(5)::mahf(5)::mahf(5)::mahf(5)::mahf (5)::dontudear::dontudear::dontudear::dontudear::d ontudear::dontudear::dontudear:

وارجوا من الاخوة الكرام ان محدش يقارن مصر الحبيبة باي دولة عربية
لان الناس دية كل مادا تتقدم خطوة للامام وحنا نتاخر 1000 خطوة للخلف

أولا شكرا على أسلوب اللطيف و اللي يدل على قد ايه انت متضايق مني و مش طايقني مع اني لم أتشرف بمعرفتك ولا انته تعرفني و مع ذلك بدات في هجوم شديد عليا مع ان دي ساحة للنقاش و عمر ما البشر في التاريخ كله اتفقت على دين ولا وطن ولا على عادة أو عبادة يبئى طبيعي يختلفوا في الرأي و التفكير
وده بالضرورة لا يعني ان انا سطحي و مش حاسس و التريقة و أم ظبي بتاعتك و الكلام العصبي ده من اخ و عزيز و غالي........

المهم.........انا كنت بأوضح أسلوب شغل العدادات مش أكتر تاني حاجة الكلام اللي بتقوله ده بيقول عكسه تماما سواق التاكسي اللي وراه أقساط و مخالفات و ترخيص و اكراميات للمرور و جراج و زيت و بنزين و عيال في المدارس الى اخره هوه كمان هيقولك حرام عليكم انا أقف في أشارة ربع ساعة العربية بتاكل في نفسها بلوشي!!و بالتالي هيهرب من أي مشوار فيه زحمة و يقعد ينقي العتبة لأ والجيزة لأ الحي التامن ماشي النزهة الجديدة أوكيه و هكذا.........

غير كده لما حضرتك مش غني و حالتك مش ميسورة و التاكسي ده غالي عليك بتركبه ليه!!أنا اللي بتقول عليا سطحي كنت بروح يوميا لمدة شهور في شغلي في النزهة الجديدة قدام أسواق المحمل يوميا من أخر فيصل.. عمري ما ركبت تاكسي لأن ده هيخرب الميزانية وبأركب مكروباص فولكس للجيزة و غالبا بيلف من الطالبية أو المساحة و انزل أركب غيره لحد الجيزة انزل عند سمير و علي و اتمشى لحد كلية الزراعة أخد أبطأ مكيف في الدنيا 971 بتاع شيراتون و أقعد جواه أكتر من ساعة و نص ساعتين و أنزل عند السندباد و أمشي أو أخد تاكسي بأتنين جنيه لحد جوة......

بعد كده اشتغلت في عمارات رامو عند سيتي ستارز (ده السطحي اللي بتقول عليه) و برضه بقيت أجاهد الصبح لحد ما ألاقي مكان في مكروباص تحرير أو بولاق و انزل البحوث واركب غيره أو دقي و انزل برضه أخد غيره انشاله أتوبيس 5ج ابو ربع جنيه من بولاق للتحرير لحد ما أوصل التحرير بطلوع الروح و العملية دي بتأخد أكتر من ساعة و ربع ولا حاجة و بعدين تبدأ معاناة تانية اني ألاقي مكان في مكروباصات مكرم عبيد و دي طبعا قليلة جدا و زحمة و بعدين أنزل اول مكرم و أمشي من اول مكرم لأخر عمارة في عمارات رامو على طريق النصر وبعد كده بقيت اشتغل في مكرم عبيد جوة و فضلت نفس المعاناة لأن معظم السواقين يقولك أول مكرم بس و تنزل تأخد غيره بنص جنيه من أول مكرم لحد السلاب و تنزل تكمل مشي جوة لحد الشركة........... لحد ما ربنا كرمني و جبت عربية............

عرفت منين اني سطحي ولا مش حاسس و لا بأدافع عن الحكومة !!!؟؟؟

و وجهة نظري زي ما هيه عن موضوع التاكسي ده لأني مثلا يعني شفت مرة عند الحرية مول روكسي واحدة ست تاكسي وقف وهيه نزلت جري واخدة في وشها و الراجل السواق نزل يسبلها الدين و الملة و يصرخ و يزعق بهستريا و ماسك في ايده عشرة جنيه المهم الست خدت في وشها و مشيت رغم شتيمته ليها بأقذر الكلمات و خصوصا الجنسية منها و عمال يزعق الناس اتلمت طلعت المدام سايباله عشرة جنيه و هيه راكبة من سفير باين ولا المحكمة ولا حاجة كده يعني جوة مصر الجديدة و البيه مش عاجبه (الكلام ده من سنتين كده) و عمال يزعق و يشتمها ولم الشارع و الست تمنت الأرض تتشق و تبلعها........عشرة جنيه على مشوار ما ياخدش عشر دقايق يبئى لما يكون في عداد يحفظ لتلك الأم الشريفة الشابة كرامتها لازم نحترمه أو عالأقل نتمنى انه يتعمم و لو كان فيه سلبيات انته شايفها استغلال و السواق شايفه حق مكتسب و الحكومة شايفة انه ملهاش دعوة و كلو احد شايفه من وجهة نظره........عالأقل الست دي و البنات و الرجالة المحترمة احتمال ما يسمعوش شتايم و خناقات و سب دين و قذف لأمهاتهم و لأعراضهم لأن بئى فيه نظام و حقي و حقك............

و بعدين انت بتقول شوف المرتبات طيب ما هو دبي و لا أبوظبي دول ولا حتى السعودية اجرة التاكسي فيهم غير الأرقام دي خالص و عادي في دبي لما تركب تاكسي مشوار عادي ب 40 درهم مثلا ولا 60 مفيش مشكلة........

ارجو يكون ردي وافي و يكون وصلت حتى لو ما أقتنعتش بيه لأنه مش لازم تقتنع لأن كل واحد حر في تفكيره و ارجو في حالة الرد على كلامي الا تصفني بالسطحية أو قسوة القلب أو اني في دنيا تانية أو غيره من الصفات لأنك ما تعرفنيش و انا ما أعرفكش و قد تكون أحسن مني بكتير جدا و قد أكون أفضل منك في حاجات تانية المهم أنك لك عقل و قلب و حياة و انا برضه كده زي زيك شركاء في البشرية و عمارة الأرض........و ولاد منتدى واحد....................

و يسعد صباحك يا عمنا............صباحو ان شاء الله فل..........

أخوك أشرف......مهندس معماري............أي خدمة

ارجو الانتباه حتى لانظلم احد العداد بيشتغل سواء العربيه واقفه او ماشيه فمع الزحمه الموضوع يضرب معاك . يعنى لو طريقط سالك والعربيه تجرى هاتدفع مبلغ ونفس المشوار وزحمه وعربيات واقفه العداد برضه شغال وبيعد عليك

حضرتك في مصر مش في ابو ظبي ولا ام ظبي ولا السعودية
طيب ما أنا عارف
اولا مبيشغلوش التكييف علي الاطلاق الا اذا كان في وحدة شنكوتة ركبة معاة
كل واحد و ضميره و ما أعتقدش ان كل السواقين زي بعض معرفش بتحكم عليهم كلهم ان عينيهم فارغة ازاي
ونت مش عاجبك كلامي عشان احنا بنسمي دة استغلال دة اذا انت كنت حاسس بيه اصلا
الظاهر انك عارفني كويس اكتر من نفسي و سمعت عن العزب و الأطيان و الملايين اللي ورثتا عن عمي اللي مات في البرازيل من سنتين!!!
انا مهندس رتبي في المخروبة الحكومة 358ج
ربنا يباركلك فيهم و يزيدهم بس عندي سؤال 21.5+31.75=53.25يعني حضرتك بتركب تاكسيات ليه طالما مرتبك 358 جنيه معليش استفسار بس لأنه لما تروح مشوار بس رايح جاي ب 53 جنيه معناه انك مش غلبان ومدلع نفسك و انشالله ما عن حد حوش بيتهيألي كده ولا هوه انته مجبر ولا ايه!!
يبق لازم يخلو العملية معقولة شوية مناسبة
للدخول التعبانة بتاعتنا
دخول تعبانة ازاي و بتقضي مشاويرك بتاكسيات من الجديدة!!غير كده تفتكر من نفق الهرم لجامعة الأزهر أي تاكسي بيجو ولا لادا قديم أبيض و أسود كان هيأخد كام و خصوصا لو في زحمة المدارس و الجامعات؟؟ده غير الكلمة الشهيرة في لسان أي سواق أول ما تديله الفلوس ما يرضاش يأخدها و يقولك ايه ده يا أستاذ؟؟تقوله فلوس يا أسطى يبصلهم بقرف و يقولك ما تخلي أحسن وتبدأ الخناقة و المناهدة
مش يعرضوها ويخلوها زي ام ظبي بتعتك والسعودية تهكم ملوش لزمة انا كنت بأدي مثال مش اكتر ان العدادات دي فكرتها مطبقة في بلاد كتير منها بلد رحتها وهيه لا بتعتي ولا حاجة يعني الحكومة مش بتخترع دي بتجيب الحاجة من برة و خلاص قارن الرواتب وبعدين ابقي اتكلم واول احنا عايزين اية من الحكومة على فكرة مش كل اللي عايشين برة مبسوطين و متدلعين بالعكس فيه كتير بيأخدوا على دماغهم و يتنصب عليهم و بيدفعوا أقامات و تأمينات و تأمين صحي و رسوم و فواتير و تكاليف معيشة غالية جدا و بيرجعوا خسرانين في حين ان فيه مجالات شغل كتير في مصر بتدي مرتبات كويسة ومشاريع و شغل بدليل طوابير العربيات الجديدة و الفخمة اللي ملت البلد و كله عايش و بيتجوز و بيشتري شقق أه الفقرا بيزيدوا جدا بس برضه الأغنية بيزيدوا كل يوم و أوروبا و أمريكا نفسهم فيها ناس بتاكل من الزبالة و عايشين في عذاب يعني الدنيا فيها كل الأحوال و الأشكال
انت مش حاسس بالمعانة عشان كدة بتتكلم بطريقة سطحية الله يسامحك و الظاهر انته كمان مش حاسس بحاجة ولا حتى بمشكلتك بدليل انك مروق نفسك و بتركب ب53 جنيه تاكسي كان ممكن تستغلهم في حاجة أفيد خصوصا انه مرتبك 358 جنيه (ما تحكمش على حد ما تعرفوش) مش حاسس و سطحى جبتهم منين اصلا الله أعلم
متقارن الطرق نوع التكسيات نوع الخدمة الرواتب كلة دة سيبة ومعلق علي انهم عملو تكسي جديد بدل المكسر وعاجبك اوي والبقي كلة ملوش لزمة
انت بتتكلم في موضوعك من الأول عالعداد و الأجرة بس ما جبتش سيرة أي خدمة ولا طرق و لا أنواع العربيات و بنفسك قلت انك ركبته علشان تريح بالك من الخناق و المناهدة مع سواق التاكسي القديم ووجع الدماغ و ده مكتوب في الموضوع الأصلي فالكلام كان على انه التاكسي جديد بعداد زي ما الكل كان منتظره كون انه الناس بتزود الأجرة و بتستهبل و بتغلط فربنا بيقول (كل انسان الزمناه طائره في عنقه ونخرج له يوم القيامة كتابا يلقاه منشورا أقرأ كتابك كفى بنفسك اليوم عليك حسيبا من اهتدى فأنما يهتدي لنفسه و من ضل فأنما يضل عليها ولا تزر وازرة وزر أخرى و ما كنا معذبين حتى نبعث رسولا) اعتقد الرد واضح حكومة سايبة و غرقانة فساد و شعب و سواقين أكلوا السحت و مدوا أيديهم في جيوب بعض...الكل غلطان طيب ما انته بتكون لوحدك خالص ما بتسرقش ليه ولا تغلط علشان متربي و تخاف الله و من بعده القانون و الناس.......يعني الكل مشترك في الغلط احنا و همه
شعب مطية لمن يمطتي يعني (اي حد يجي يحكمة ويركبة زي الموشي وهو ساكت لا يهش ولا ينش وفي الاخر نلاقي واحد (ارجو الاحترام اكتر من كده لأني مهندس زيي زيك ورب أسرة و أولاد وحتى لو كنت سباك بعد اذنك احترمني ولا تقلل من شأني) يقول احنا مش عرفين عيزين اية من الحكومة ايوة فعلا احنا مش عارفين عايزين ايه من الحكومة بدليل اننا اللي بنرمي زبالة في الشارع و بقطع الزرع و بنتبول على الأسوار و بنقطع فرش الأوتوبيسات و بنلزق اعلانات في الشوارع و بنسرق بعض و بنشتم بأقذر الشتايم كل لحظة و بقعد عالقهاوي بالساعات نلعب طاولة و نتكلم على شوبير وعلاء صادق وبطلنا نذاكر لعيالنا أو نهتم بيهم و و و و و و و و و والا مارحم ربي من الناس المحترمين طبعا اللي لسه فيهم الخير و الأمل (بلد العجائب) عندك حق فراعنة بئى بالكرباج بنينا الأهرامات لمجرد ان واحد يتدفن جواها...!!!!
هعمل موضيع في المنتدي وهرقمها وسميها بلد العجائب 1و2و3و.......الخ ملهاش اخر ما هو فعلا العجايب في بلدنا ملهاش أخر......بس برضه بنحبك يا مصر و بنغنيلك......أنا بحبك ليه انته لأ...!!!! سؤال محيرني.........وشكرا

اقتباس:

---

المشاركة الأصلية كتبت بواسطة ashraf229

حضرتك في مصر مش في ابو ظبي ولا ام ظبي ولا السعودية
طيب ما أنا عارف ولما حضرتك عالف انك في مصر بتعترض لية ولا تحب اغنيلك (مشربتش من نلها تعرفش تغنلها ممشتش في حوريها طب مكبرتش فيها
اولا مبيشغلوش التكييف علي الاطلاق الا اذا كان في وحدة شنكوتة ركبة معاة
كل واحد و ضميره و ما أعتقدش ان كل السواقين زي بعض معرفش بتحكم عليهم كلهم ان عينيهم فارغة ازاي ياسيدي الفاضل احنا بنتكلم عن الغلبية الغظمي في المجتمع المصري للسائقين التكسي وليس الكل يعني اغلبهم سيء الخلق الا من رحم ربي
ونت مش عاجبك كلامي عشان احنا بنسمي دة استغلال دة اذا انت كنت حاسس بيه اصلا
الظاهر انك عارفني كويس اكتر من نفسي و سمعت عن العزب و الأطيان و الملايين اللي ورثتا عن عمي اللي مات في البرازيل من سنتين!!!شيء مش محتاج جدال الحكومة هي الي وضع تسعيرة غير مناسبة لاغلب فئه من الشعب المصري يعني ميركبش وميحسش بالادمية الا واحد مسترح مديا
انا مهندس رتبي في المخروبة الحكومة 358ج
ربنا يباركلك فيهم و يزيدهم بس عندي سؤال 21.5+31.75=53.25يعني حضرتك بتركب تاكسيات ليه طالما مرتبك 358 جنيه معليش استفسار بس لأنه لما تروح مشوار بس رايح جاي ب 53 جنيه معناه انك مش غلبان ومدلع نفسك و انشالله ما عن حد حوش بيتهيألي كده ولا هوه انته مجبر ولا ايه!!هو حضرتك عشان دخلي زي الزفت لازم يطلع عيني في الموصلات واشوف العذاب بتاع ركوب الاوتبيس وانتظارة عشان حضرتك تستريح يعني واحد دخلة تعبان تقلة متكلش لحمه وعيش علي قدك وتتفشخرش ونتا عارف كيلو الحمه بكام ولا عايز تعمل زي المهندس رشيد وزير الصناعة عايز معدم الدخل ياكل لحمة متلجة مش بلدي ويقول اية يعني ياريت تتكلم بموضوعية
يبق لازم يخلو العملية معقولة شوية مناسبة
للدخول التعبانة بتاعتنا
دخول تعبانة ازاي و بتقضي مشاويرك بتاكسيات من الجديدةهو عشان دخلي منيل خلاص وركبت تكسي دة معناة اني بتفشخر افرض اني وقفت حوالي ساعة لانتظار مواصلة معدوم الدخل ومجاش اعمل اية حلها حضرتك اخدها مشي ولا اروح في غير معادي ولا مضطر اسفا اركب تاكسي برضو كلامك غير موضوعي ولا تتحدث بحيادية!!غير كده تفتكر من نفق الهرم لجامعة الأزهر أي تاكسي بيجو ولا لادا قديم أبيض و أسود كان هيأخد كام و خصوصا لو في زحمة المدارس و الجامعات؟؟ده غير الكلمة الشهيرة في لسان أي سواق أول ما تديله الفلوس ما يرضاش يأخدها و يقولك ايه ده يا أستاذ؟؟تقوله فلوس يا أسطى يبصلهم بقرف و يقولك ما تخلي أحسن وتبدأ الخناقة و المناهدةياخد كام علي الاقل هبقي عارف انا هدفع كام ابل مركب
مش يعرضوها ويخلوها زي ام ظبي بتعتك والسعودية تهكم ملوش لزمة انا كنت بأدي مثال مش اكتر ان العدادات دي فكرتها مطبقة في بلاد كتير منها بلد رحتها وهيه لا بتعتي ولا حاجة يعني الحكومة مش بتخترع دي بتجيب الحاجة من برة و خلاصارجع واقلك انت في مصـــــــــــــــــــــــ ـــــــــــــــــــــــــ ـــر قارن الرواتب وبعدين ابقي اتكلم واول احنا عايزين اية من الحكومة على فكرة مش كل اللي عايشين برة مبسوطين و متدلعين بالعكس فيه كتير بيأخدوا على دماغهم و يتنصب عليهم و بيدفعوا أقامات و تأمينات و تأمين صحي و رسوم و فواتير و تكاليف معيشة غالية جدا و بيرجعوا خسرانين في حين ان فيه مجالات شغل كتير في مصر بتدي مرتبات كويسة ومشاريع و شغل بدليل طوابير العربيات الجديدة و الفخمة اللي ملت البلد و كله عايش و بيتجوز و بيشتري شقق أه الفقرا بيزيدوا جدا بس برضه الأغنية بيزيدوا كل يوم و أوروبا و أمريكا نفسهم فيها ناس بتاكل من الزبالة و عايشين في عذاب يعني الدنيا فيها كل الأحوال و الأشكالزبالة امريكة غير زبالة مصـــــــــــــــــــــــ ـــــر جرب تاكل من زبالة امريكا وزبالة مصر ونتا هتحس بالفرق مش اصدي عليك بس عايز اوصلك المعني
انت مش حاسس بالمعانة عشان كدة بتتكلم بطريقة سطحية الله يسامحك و الظاهر انته كمان مش حاسس بحاجة ولا حتى بمشكلتك بدليل انك مروق نفسك و بتركب ب53 جنيه تاكسي كان ممكن تستغلهم في حاجة أفيد خصوصا انه مرتبك 358 جنيه (ما تحكمش على حد ما تعرفوش) مش حاسس و سطحى جبتهم منين اصلا الله أعلم
متقارن الطرق نوع التكسيات نوع الخدمة الرواتب كلة دة سيبة ومعلق علي انهم عملو تكسي جديد بدل المكسر وعاجبك اوي والبقي كلة ملوش لزمةاحل حاجة التها الله يسامحك لا تصدر الامن انسان علي خلق ودين احسبك كذلك ولا ازكيك علي الله (حقق علي انا بعتزر)
انت بتتكلم في موضوعك من الأول عالعداد و الأجرة بس ما جبتش سيرة أي خدمة ولا طرق و لا أنواع العربيات و بنفسك قلت انك ركبته علشان تريح بالك من الخناق و المناهدة مع سواق التاكسي القديم ووجع الدماغ و ده مكتوب في الموضوع الأصلي فالكلام كان على انه التاكسي جديد بعداد زي ما الكل كان منتظره كون انه الناس بتزود الأجرة و بتستهبل و بتغلط فربنا بيقول (كل انسان الزمناه طائره في عنقه ونخرج له يوم القيامة كتابا يلقاه منشورا أقرأ كتابك كفى بنفسك اليوم عليك حسيبا من اهتدى فأنما يهتدي لنفسه و من ضل فأنما يضل عليها ولا تزر وازرة وزر أخرى و ما كنا معذبين حتى نبعث رسولا) اعتقد الرد واضح حكومة سايبة و غرقانة فساد و شعب و سواقين أكلوا السحت و مدوا أيديهم في جيوب بعض...الكل غلطان طيب ما انته بتكون لوحدك خالص ما بتسرقش ليه ولا تغلط علشان متربي و تخاف الله و من بعده القانون و الناس.......يعني الكل مشترك في الغلط احنا و همهمهو الي بايدة الامر بيحط قونين ولا تنفذ الا علي الغلابة ومبيعملش للصالح العام
شعب مطية لمن يمطتي يعني (اي حد يجي يحكمة ويركبة زي الموشي وهو ساكت لا يهش ولا ينش وفي الاخر نلاقي واحد (ارجو الاحترام اكتر من كده لأني مهندس زيي زيك ورب أسرة و أولاد وحتى لو كنت سباك بعد اذنك احترمني ولا تقلل من شأني)وانا لما اقول مش واحد يطلعت يقول كذ كذا يعني بقلل من شانك وبهينك انت فهمت المعني بطريقة خاطئة يقول احنا مش عرفين عيزين اية من الحكومة ايوة فعلا احنا مش عارفين عايزين ايه من الحكومة بدليل اننا اللي بنرمي زبالة في الشارع و بقطع الزرع و بنتبول على الأسوار و بنقطع فرش الأوتوبيسات و بنلزق اعلانات في الشوارع و بنسرق بعض و بنشتم بأقذر الشتايم كل لحظة و بقعد عالقهاوي بالساعات نلعب طاولة و نتكلم على شوبير وعلاء صادق وبطلنا نذاكر لعيالنا أو نهتم بيهم و و و و و و و و و والا مارحم ربي من الناس المحترمين طبعا اللي لسه فيهم الخير و الأمل (بلد العجائب) عندك حق فراعنة بئى بالكرباج بنينا الأهرامات لمجرد ان واحد يتدفن جواها...!!!!
هعمل موضيع في المنتدي وهرقمها وسميها بلد العجائب 1و2و3و.......الخ ملهاش اخر ما هو فعلا العجايب في بلدنا ملهاش أخر......بس برضه بنحبك يا مصر و بنغنيلك......أنا بحبك ليه انته لأ...!!!! سؤال
محيرني.........وشكرا

---

بيجيبوا تامر حسني يغني في اوبريت اكتوبر وهو هربان من التجنيد
بيجيبوا فسقة في الاعلام تعبر عن رايك وانت عرفهم غير اهل لكدة
بيمجدوا لعيبة الكورة ويعمللهم هوليله جامدة ويسيبو ناس احق بالتقدير والاخترام في البلد لانهم بيعملوا شيء لية قيمة مش يصرفوا ملايين علي دعاية اعلامية للعب والهزل ويتركوا بالاش الامثال كتير

احب مصر لانها الوطن
ولا احب مايحدث فيها من تخريب وفساد

كنت اتوقع تعليق أو رد على كلامي و ردودي لك!!!

لكن عالعموم أنا عند رأيي أحنا الاتنين وحشين شعب و حكومة.........

أحنا بنرمي زبالتنا في الشارع و بنطوحها من الشباك و نطلع في البرامج نشتكي الحكومة انها ما بتجيش تلمها

احنا اللي ما بنقفش في الأشارة و بنمشي عالدائري و الصحراوي و وسط البلد عكس الأتجاه علشان نخطف أشارة و لا نلحق ملف و بنشتكي ان الحكومة مش بتنظم المرور و لا بتطبق القانون

و غيره كتير سواء هما اللي بدأوا بالغلط أو احنا اللي بنبادر بالغلط.......

اقتباس:

---

المشاركة الأصلية كتبت بواسطة ashraf229

كنت اتوقع تعليق أو رد على كلامي و ردودي لك!!!

لكن عالعموم أنا عند رأيي أحنا الاتنين وحشين شعب و حكومة.........

أحنا بنرمي زبالتنا في الشارع و بنطوحها من الشباك و نطلع في البرامج نشتكي الحكومة انها ما بتجيش تلمها

احنا اللي ما بنقفش في الأشارة و بنمشي عالدائري و الصحراوي و وسط البلد عكس الأتجاه علشان نخطف أشارة و لا نلحق ملف و بنشتكي ان الحكومة مش بتنظم المرور و لا بتطبق القانون

و غيره كتير سواء هما اللي بدأوا بالغلط أو احنا اللي بنبادر بالغلط.......

---

اانت مأخدتش بالك ان انا رادد عليك وسط كلامي وردك علية وردي علية بس للاسف لون الكلام اسود معرفتش الونوا بلون مختلف زيك
وعلي العموم انا مبقلش ان الشعب كويس
لان الحكومه من افراد الشعب
بس الي شايل مساولية وبايدة اتخاذ القرار وحمل مساولية والله سيحاسب عليها
ويقول ارسول الكريم من ولي من امور المسلمين شيء وشق عليهم فشقق عليه ومن ولي من امرهم شيء ورفق بهم فرفق به)
فيما معني الحديث
بس فيه ناس اغلب من الغلب في بلدنا وليس لهم حيلة لازم انا ونتا نفكر فيهم ونعمل حسبهم مش ناول الي معاة يركب تكسي ولي ممعهوش ميتفشخرش ويركب
من حقة يركب تكسي مش بصفة مستديمة بس من حقة ومن حقة ياكل لحمه بلدي مش مثلجة بتاعة الجمعية ومن حقة حجات كتير لازم نوفرهالو عشان ميتخنقش ويعيش في معاناه طول حياتوا حتي لو لية اولاد ياخي مش لازم يعيشهم في الفقر زية
ياريت اكون وضحت معني كلامي

من بق سواق تاكسى العاعاصمة من يومين فى مشوار للمطار: ساعة الانتظار للتاكسى الكاروه =15 جنيه اما تاكسى العاصمة 10 جنيه فقط، وده بيتجمع و يضاف للكيلو متر وفى الاخر تلاقى البونديرة شاملة الاتنين.......

هحاول بقدر الامكان مركبش الا عربيتي
مع ان الواحد لما يكون نازل وسط البلد مينفعش ياخد عربيتة معاة عشان الركنة
والله مش عارف اعمل اية لعربيه نفعة ولا تكسي نافع
مفيش نظام في البلد خالص

بالاضافة لكل ما قيل من ان ساعة الانتظار ب 15 جنيه و هذا صحيح.....قعدت مرة جنب السواق و ركزت مع العداد و لقيت انه كل ما بتقف العربية بيبدأ العداد فعلا فى حساب الانتظار بالثوانى و حسابها بيكون تركمى دقيقة و 12 ثانية ثم يتجمع عليهم 54 ثانية اخرى و هكذا و كل ما تكمل دقيقة بتضيف للعداد ربع جنيه و فى نهاية المشوار بتلاقى حاجتين اجمالى كيلومتر المسافة اللى خدها المشوار+ اجمالى زمن الانتظار= اجمالى حساب المشوار على العداد

انا دايما كنت بروح الجامعه ب 6 أو 5 جنيه ركبت مع واحد رحت ب 10 جنيه و الله و كان العداد بيزود 1.5 مره واحده

ياجماعة مشروع التكسي الجديد دة مشروع فاشل في العداد بتاعة والسبب العقول المكسحه في الدوله