البتاع ده يستاهل تمنه ؟

**abo_hosni** · 15-10-2009 09:40 AM

ممكن تعمله عمولة عند كومبوبلاست بالمقاس و الشكل و السمك اللي انت عايزه و بيبقى خامته أكريليك.
Comoplast

**morsi** · 15-10-2009 09:41 AM

هو شكله جميل جداً بس مش عملى على الاطلاق لأنه بيحتاج تنظيف فورى بعد كل حمام ولو ماتنظفش فورا الزجاج بيطوس ويلطع من الصابون أو الشامبو والماء الناشف وبيبقى شكله وحش جداً جداً.خد رأى المدام لأنها هى اللى هاتعانى منه الا اذا كنت هاتجيب معاه خادمة أندونيسية أو سيريلانكية لأن المصرية مش هاتنفع.

**NaderNabil** · 15-10-2009 09:44 AM

المشاركة الأصلية كتبت بواسطة blazer

وgps وباركينج سيسنور بلمره !
13 الف !! ليه يعنى
بلاها حمى

ده زمان كان ب 13

دلوقتي المواصفات دي تكسر ال 20000
و فيه حاجات تانية بس بانيوهات كبيرة بتعدي ال 30000 بكتير

عادي يعني...
ده بالظبط زي تركيب جي إم للعربية....حاجة ملهاش لازمة قوي و من غيرها تقدر تعيش...بس وجود الفلوس و الرفاهية بيخليك تشتريها...طبق الكلام ده بقى على جميع المستويات في المجتمع..من أفقر لأغنى واحد...هتلاقي حاجات من دي كتير :)

**Mohamed.Fawzy** · 15-10-2009 09:54 AM

المشاركة الأصلية كتبت بواسطة motorizer

انا كنت بجهز في تشطيبات شقة زي ما قلت سابقاَ
و خلاص بشطب في شغل السباكة و كنت عايز أختار الحاجات
نزلت معرض سيراميكا كليوباترا الجديد اللي في زايد و لقيت الأسعار حلوة كسيراميك

بس و انا بختار البانيو عجبني ده

سعره 4600 جنيه و عليه خصم عشان الإفتتاح يبقي 4000
هل يستاهل تمنه ولا مبالغ فيه .. و إيه ممكن تكون البدائل بس نفس الفكرة (الكابينة) دي عشان عجباني .

انا اسف لآن الصوره مش ظاهره عندى بس لو بتفكر فى كباين يبقى روح عند دارى فرع الهرم هتلاقى كباين صناعه المانى 100% و اسعارها تبدأ من 1500 جنيه مصرى

**Drift_Lover** · 15-10-2009 09:59 AM

انا مش شايفه ولا شيك ولا حلو ولا عملي...

ايه الشياكه فيه.

- ده عاوز يتنظف بعد كل استحمام.
- ضيق جدآ ولو لاقدر الله حد اتزحلق حيتبهدل.
- شفاف : طيب وتبقي ايه فايدته.

**Ghost2** · 15-10-2009 11:05 AM

بصراحة لو مكانك مشتريهوش .. ممكن ابقى اروح اخد الشاور عندهم بس خسارة فيه الفلوس .. هات جاكوزي احسن .. على فكرة يا نادر التوقيع بتاعك حلو اوي

**mohamed_rhem** · 15-10-2009 11:16 AM

هو ممكن يكون عملي لو اتحط في حجرة النوم الرئيسية

انما في الحمام حيبقي ملوش لازمة اصلا

**enas75** · 15-10-2009 11:21 AM

الكباين فكرتها حلوه للبانيو الشاور بس ........القدم يعني علشان يمنع خروج الميه لارض الحمام وده اساسه اصلا
لو حتركب بانيو قدم ارشحه بشده .....وبيبقي حلو وشكله شيك....ولكن مشكلته لازم يتنضف كويس كل يوم والا حتلاقي ترسبات عليه( ممكن تجيب الازاز متصنفر ومحدش حياخد باله اذا كان نضيف ولا لا)
لكن لو البانيو عادي بيبقي مالوش لازمه ....ستاره الحمام تغني عنه تماما وعلي فكره لوانت حابب يكون شفاف فيه ستاير
شفافه وشيك( وعلي فكره ستاره الحمام برضه لازم كل شويه تتنضف والا حتلاقي بلاوي...او ارميها وجيب غيرها واهو تغيير برضه)
وفيه برضه عيب لو انت من الناس اللي بتاخد وقت طويل في الحمام يبقي لازم تركب شفاط للبخار جواها والا قد يحدث اختناق
اما عن خاماتها ممكن اكريليك او زجاج وبتعيش كويس ومبيحصلهوش حاجه

-

-

الموضوع: البتاع ده يستاهل تمنه ؟

LinkBack

أدوات الموضوع

عرض

-

-

-

-

-

-

المواضيع المتشابهه

=-=-=-=-= حلو قوى البتاع ده !!!!!!!!!! =-=-=-=-=-

تيل الكريستالة الأصلى تمنه كام ؟

حد شاف البتاع دا

حد يعرف جوجل موبايل تمنه كام

البتاع

الكلمات الدلالية لهذا الموضوع

المفضلات

المفضلات

ضوابط المشاركة