Gen2 2010 - انطباع 30 دقيقة سواقه
دة انطباع 30 دقيقة سواقه .. 25 كم
اول حاجة انا عاوزه اشكر كل الناس اللي في المنتدى عشان تقاريرهم هيا اللي اكدت اختياري مع ان ناس كتير كانوا مش عاوزني اجيبها
بس انا مع مقوله "اسئل مجرب"
أنا كان معايا كيا برايد سيدان (مانيوال) كانت تحفه وتقيله و بحبها عشان أول عربية جبتها - دايو لانوس (مانيوال) تقيلة برده - فيرنا (اتوماتيك) اخفهم بس جرايه اوي اوي ... الله يرحمها بقه اتقلبت بيا في الصحراوي و اتكهنت ... الحمد لله قدر الله وما شاء فعل
و دلوقتي بسوق يوميا سيراتو أو ماتركس (بتوع اخواتي)
وامبارح استلمت جين2 :Ob_mak1[1]:
أكييد أكييد هاقرن بينهم وبين جين2 لحد اول 1000 كم
المميزات ...
1- أول ميزة حست بيها ان العربية تقيلة ... مع اني مجرتش 80كم ... بس الفرق كان واضح
2- عفشتها ماسكة نفسها اوي اوي
3- صوت CD تحفة
4- الجلوس فيها مريح جدا
5- انا بسوق وانا مرجعة الكرسي على الاخر (مع اني مش طويله أوي) ومع ذلك لما نزلت ورا على الكنبه كانت برده واسعه
6- العربيه عاليه ... يعني الشكمان مش هايحوك في المطبات ذي عربيات تانيه كتير
7- تغيير مستوى ارتفاع حزام الأمان ... دي حاجة مريحه جدأ
8- طبعا شكلها شيك وروش
العيوب ...
1- المرايات صغيره شويتن
2- المرايه الشمال جابتلي العصبي عشان مش مصغره الرؤية زي اليمين
3- مفيش نور امامي هو نور الصالون بس ... بس كويس مش ضعيف
4- درج التابلوة صغير أوي
ان شاء الله لما يخلص الورق وأرخص وأسوقها تاني هاقولكم باقي الملاحظات ... عشان هيا واقفه في الجراج