انا بجد محتار و عايز اخد رئيكم ...
يا تري حد بيدرس شهادة ال mba و ايه احسن مكان هل الاكادمية العربية للنقل البحري و لا الاكادمية العربية للعلوم المصرفيه ؟؟؟
محتاج ماشورتكم ضروري
؟؟؟
عرض للطباعة
انا بجد محتار و عايز اخد رئيكم ...
يا تري حد بيدرس شهادة ال mba و ايه احسن مكان هل الاكادمية العربية للنقل البحري و لا الاكادمية العربية للعلوم المصرفيه ؟؟؟
محتاج ماشورتكم ضروري
؟؟؟
مش دي شهادة المحاسبين الامريكين
ممكن معلومات عنها و اهميتها في مجالات العمل
انا كمان محتاج معلومات عنها لانى ناول ادرسها السنة الجاية
لا يا زعيم
ال MBA دي اختصار Master in business administration و دي بتكون ماجستير في ادارة الاعمال بشكل عام و بتشمل اكتر من تخصص
اما شهادة المحاسبين الامريكية فدي ال CPA او Certified Public Aِccountant و دي قصة تانية لانها شهادة مهنية في المحاسبة و المراجعة مش اكاديمية زي ال MBA و انا علي فكرة شغال فيها لو عايز اي معلومات عنها انا في الخدمة بعد اذن صاحب الوضوع طبعا لانها بعيد عن طلبة
معلش ياباشا ممكن تقولنا ايه المطلوب لدراسه ال mba فيه مؤهل معين وياتري مدتها قد ايه وتكلفتها كام
الحمد لله انا خلصت MBA الترم ده وفاضلى بس امتحان الcomprehensive حيكون فى شهر نوفمبر
هو عبارة عن 4 ترم ... كل ترم بيقى حوالى 4 شهور
وممكن تدرس بالعربى او تدرس بالأنجليزى
المتطلبات العامة
يكون معاك بكالوريوس بتقدير عام لا يقل عن جيد
ومش مشكلة يكون تخصصك ايه (كان معايا دكاتره بشرى , ومهندسين)
لو الدراسة بالعربى ..
بتكون الدراسة كل اسبوعين (جمعة وسبت ) 9 محاضرات لكل مادة
الجمعة محاضرتين الأولى من 9 صباحا الى 1 ظهرا
و من 2 ظهرا الى 6 مساء
والسبت بتكون من 2 ظهرا الى 6 مساء
ومن 6,30 الى 10,30
اما لو حتدرس بالأنجليزى لازم يكون معاك تويفل بسكور معدى ال500
والترم برضه 4 مواد بس بتدرسهم على مرتين يعنى تاخد مادتين مادتين والدراسة بتكون كل اسبوع
بس ميزة الأنجليزى انه بعد الترم الثانى فيه حاجه اسمها تراك او تخصص
وبيكون (تسويق او موارد بشرية او استثمار )
والمصاريف حوالى 2400 دولار فى الترم
كله ده فى الأكاديمية العربية للعلوم والتكنولوجيا والنقل البحرى
على فكره انا برضه بتشغل فى الأكاديمية ولو عندك استفسار انا فى الخدمه
معلش بس انا بسمع ان كورس ال mba فى AUC بيعدى ال 100 الف
ايه الفرق بينه وبين الاكاديمه البحريه وليه فرق السعر ده كله
مش معدي 100 الف ولا حاجة أزيد بحاجة بسيطة علي فكرة في ال auc نوعين mba وحدة بتاعت ادنبره ودي مطلوب ليها بس امتحان تويفل ibt والتانية بتاعت auc دي لازم gmat + تويفل ibt وطبعاً رأي دايما في أدارة الاعمال الاصل الاميريكان يعني فوكك من حوار الاكاديمية والحورات دي
يعني لو هدرش بالانجلش لازم يكون معايا تويفل الاول وبيبقي فيه امتحان للتويف قبل الدراسه ولا هو مجرد اني اجيب ما يثبت اني خدت التويفل
وياتري فيه معاد محدد للتقديم ولا ايه النظام في الدراسه بتبدأ امته
اعتقد بالنسبة لل MBA حد من الاعضاء الكرام شرحها و عموما هي بتاهل اللي بياخدها للمناصب الادارية و اغلبها بيبقي في التسويق و التمويل و HR مع بعض الجامعات اللي بتوفر تخصصات تانية زي المحاسبة مثلا بس دول مش كتير. و زي ما قلت لك هي شهادة اكاديمية يعني محاضرات و امتحانات و فاينالز و الذي منة
اما ال CPA فهي شهادة مهنية في المحاسبة و مراجعة الحسابات يعني مش بياخدها الا المحاسبين و المراجعين الخارجين و بعض المراجعين الداخليين لكن مش كتير لان ليهم شهادة متخصصة اسمها ال CIA.
و ال CPA عبارة عن 4 امتحانات
FAR: Financial accounting & reporting المحاسبة يعني
Audit التدقيق او المراجعة
Regulation قانون و من ضمنها الضرائب (الامريكية طبعا)
Business و دي بتشمل تمويل و اقتصاد و محاسبة تكاليف و IT
طبعا الحوار اللي في ال CPA هو ان الامتحان في امريكا فقط و هي ده اكبر عقبة لان ناس كتير بتترفض لها الفيزا
تاني عقبة هي ان ال CPA ملهاش منهج او كتب. المتوفر كتب و محاضرات معمولة من شركات خاصة مطلعة علي نظام الامتحان و بتوفر اسئلة للتدريب من عندها و من امتحانات سابقة و طبعا الحاجات دي مش رخيصة
و طبعا مما سبق نستنتج ان الشهادة مكلفة سواء الكتب و المحاضرات او تذاكر السفر و الاقامة هناك غير مصاريف الامتحانات نفسها و مصاريف التسجيل و معادلة الشهادة المصرية و ممكن بعد كل ده تترفض الفيزا و تبقي اتكلفت علي الفاضي
اتمني تكون الصورة وضحت و لو احتجت اي حاجة انا في الخدمة برضو
ليا سؤال تاني في ال mpa انا بعد ما اخدها ال avg salary بيكون في حدود كام
يعني هل تستاهل المبلغ الي هيدفع فيها حوالي 60 الف ؟
طيب ايه اخبار ال Mini MBA
في شركة اسمها فيجن جروب عامله اعلان بتقول انها معتمدة من جامعة امريكية و بتتكلف حوالي 5500 جنيه
ايه رايكم فيها
متابع باهتمام
و ارجو من اخونا محمد الطويل الاستزادة فى الشرح
خاصة و ان عندى سؤال عن الدراسة عن بعد بالنسبة للـ mba
انا لاقيتها برة مصر لو جامعه محترمة غاليه اوى اوى اوى
فيا ترى ايه اخبارها داخل مصر
و خاصة ان حكاية الاكاديميه دى عايزة حد من اليكس او عنده استعداد يسافر على الاقل يوم فى الاسبوع
و اعتقد انا لست منهم :)
up
تمام كده مش لازم حضرتك تدرس فى اسكندرية (ولو انها كانت ح تنور بحضرتك)
ممكن تدرس فى فرع الأكاديمية بالقاهرة فى مساكن شيراتون - شارع المشير احمد اسماعيل
او فى المهندسين
ودى العناوين
الدقى 23 شارع الدكتور السبكى الدقى
37620121 - 37490309 - 37481593 - 37481545 -
المهندسين 6 ش الورود المهندسين
25773341
شيراتون شارع المشير اسماعيل جوار ابراج شيراتون مربع 1162 مصر الجديده
22685615 - 22685616 - 22685617 - 22685618 - 22680442
محمول
0124367798 - 0129000866 - 012900855
في برضة شهادة EBCL (European Business Competence* Licence) اللي اعرفة انها لا تقل عن الـ MBA وفترة الدراسة فيها أقل بكتير جداً من الـ MBA.
الشهادة معتمدة أوربياً وبتنتشر حالياً في العالم العربي (مصر ولبيا والاردن واعتقد السعودية كمان). والدراسة فيها بتكون في مراكز EBCL بالقاهرة والجيزة أو عبر الإنترنت بس هتمتحن في المراكز برضة.
الشهادة لها 3 مستويات،،
مزيد من التفاصيل على الروابط التالية:
EBC*L European Business Competence Licence
EBCL
طب ماعلش احنا كده هنخرج عن الموضوع بس كنت عايز اعرف عن السي ام ايه واهميتها
الاخ محمد الطويل
ممكن من حضرتك تشرح بعض النقاط الخاصه mba
1- الدوافع التى جعلتك تاخذ هذه الشهادة
2- طبيعة عملك
3- هل استتفدت منها حقا واضافت اليك اضافه علميه
4- هل تحس بالفارق فى انجاز اعمالك بعد هذة الدراسه
5- هل سوق العمل لديك اصبح اكبر من الاول
6- ماهى خطواتك فى الفترة القادمة
اعتذر عن طول ونوع الاسئله ولكن
هى توضيح لك لكل الاعضاء حتى لا تكون مجرد شهادة جنب اخوتها
وشكرا
طارق عامر
الشهادة دي مش عارف ليه حاسس انها هتبقا زي ال mcse والعدد يبقا في اللمون
انا عايز اخد ام بي ايه
بس المشكله لازم خبره سنتين في اي مجال هل ده حقيقي ولا ايه الكلام
انا خريج اقتصاد وعلوم سياسيه جامعه القاهرة واتدربت في شركتين تقال جدا ونفسي اعمل ام بي ايه
دا رابط فيه منح شوفوا شروطها ممكن تكون متوافقه عليكم
Wharton Business School MBA Scholarships
و فيه منحة كلية وارتون ممولة من مؤسسة محمد بن راشد ال مكتوم حلوه جدا بس اخر ميعاد للتقديم 30 نوفمبر , لواي حد ورقوا جاهز ممكن يقدم فيها
و فيه منح تانيه ممكن تدوروا عليها
و ربنا يوفق الجميع