الى استشارى قسم الدايو أرجو الرد للأهمية

**shefa** · 15-10-2009 01:06 AM

[overline]السلام عليكم ورحمة الله أخوانى الكرام خلاص هفك وش الماتور يوم السبت عشان همعل طقم شنبر للعربية لانوس 2002 لانها كانت بتجيب دخان أبيض وبتأكل زيت فعاوز أعرف الحكاية تتكلف كام عشان مفيش حد يشتغلنى لانى بصراحة أول مرة اعمل شغل فى الماتور وعندى كام سؤال كده فى ناس قالوا بيع العربية بعد متعمل الشمبر لانه هيبوظ تانى والعربية هترجع تاكل زيت تانى لان مواتر اللانوس والعربيات الحديثة مينفعش فيها العمرة وفى واحد قالى هات ماتور استيراد من بورسعيد وريح دماغك فأنا عاوز أعرف صحة الكلام ده من عدمه وعاوز أعرف ايه اللى بيتغير فى الشمبر بالظبط يعنى ايه القطع اللى بتغير . وهل العربية بترجع بنفس الكفاءة اللى كانت عليها معلشى طولت عليكم لكن محتار وعاوز منكم نصيحة وخصوصا من أستاذنا محمد ممدوح.
[/overline]

**MMamdouh** · 15-10-2009 02:20 PM

هو انت عرفت منين ان دى مشكلة شمبر؟؟؟ يعنى قصدى مش مشكلة دلايل صبابات او مشكل فى البساتم او الشميز؟؟؟

لو على الشمبر فا القصة سهلة و مش حتاخد وقت لان مفيش خراط حيمد ايدة فى العربية... بس طبعا دة بفرض ان البساتم و الشمايز تمام التمام و مش حتحتاج خراطة... و دة مش حيبان الا لما تفك الموتور

لو طلعت طقم شمبر فقط يبقى اعملة و خلاص... لو طلع الحوار فيه خراطة بلوك و تركيب بساتم اكبر حتبقى التكلفة عالية و ممكن تقرب من تكلفة موتور استيراد... ساعتها المكنة الاستيراد تبقى احسن و حيبقى عندك فرصة تركب مكنة 1600

MMamdouh

**tompina** · 15-10-2009 08:00 PM

طب ممكن يا باش مهندس تقولنا الموتور 1500 بكام و 1600 بكام

**shefa** · 16-10-2009 04:07 AM

متشكر ليكم يا جماعة لكن الماتور تمنه استيراد بكام وممكن اشترى ماتور من غير فتيس

**elwad_crazy** · 16-10-2009 06:01 AM

الماتور الـ1500 2 كام بـ1800 استيراد

**shefa** · 17-10-2009 08:53 PM

يا جماعة فكيت الماتور انهارده والميكانيكى قالى هنغير الشمبر والبساتم وطقم جلد صباب وشوية جونات يعنى حوالى 500 ج بس اللى خايف منه انو يكون فى مشكلة فى الشميز لكن هو قالى تمام بس مش مقتنع .ليه هيغير البساتم كلها مع ان البساتم طالعة سليمة بيريح دماغه مثلا البستم مقاسه 76.5 بيقول استاندر معرفشى يعنى ايه ممكن حد يفهمنى انا خايف يكون طمعان فى البساتم القديمة عشان كده قالى هات جديد أرجو التوضيح هل لو الشميز والصبابات فيهم مشكلة ممكن نعالجها بتغير البساتم؟؟وشاكر ليكم

**samirayad** · 17-10-2009 09:03 PM

بس اللى خايف منه انو يكون فى مشكلة فى الشميز لكن هو قالى تمام بس مش مقتنع

مفيش شمايز فى المحركات بتاعتنا

وحقولك على حاجه
بص بنفسك جوه البلوك
مكان تركيب البساتم
لو لقيت السطح من جوه ناعم ومش متجرح
يبقى غرف الحريق عندك تمام (اللى هى زى الشمايز فى المحركات الكبيره )

لولقيتها تمام ....تعمل أيه تانى
بص برضه على البساتم القديمه مكان تركيب الشنابر
لقيتها سليمه تمام ومفيش أى تجريح على البستم أو مكان الشنابر
هاتله طقم شنبر فقط
وقوله ركبلى البساتم القديمه مع الشنبر الجديد

وخليه يعملك روديه لرأس السلندر وهو بيغير كاوتش الصباب
وبرضه ينظف مجارى التبريد بالبلوك

**shefa** · 17-10-2009 11:11 PM

شكرا ليك يا أستاذنا الكريم هعمل زى ما حضرتك قولت بالظبط بكره بس افرض اصر على رأيه وقال لازم نغير البساتم اعمل ايه هل البساتم الجديدة اللى بيقولوا انها كورى اللى 180 جنيها هتكون كفاءتها زى اللى كانت راكبه فيها اقصد بتاع بلادها ومصنعية الميكانيكى تكون كام يا بشمهندس لو سمحت ومعلشى أنا اسف بتقل عليك وجزاك الله عنا خيراااااااااااا.

**samirayad** · 17-10-2009 11:20 PM

افرض اصر على رأيه وقال لازم نغير البساتم اعمل ايه هل البساتم الجديدة اللى بيقولوا انها كورى اللى 180 جنيها هتكون كفاءتها زى اللى كانت راكبه فيها اقصد بتاع بلادها

لو القديمه حالتها كويسه
يبقى فعلا زى مابتقول
عاوز يستفيد منها فيما بعد
ماهو محدش عارف ضمائر الناس غير ربنا

وبلاشك البساتم الأصليه بتاعة شركة gm لا يعلى عليها

طيب ماتنكشه وقوله يا أسطى أنت حتاخد كام مصنعيه
حنقول .....حيقولك 150ج مثلا
قوله ...طيب أنا ليا عندك طلب
علشان أنا مش واثق أوى فى البساتم الكورى تكون زى الأصليه بتاعة بلادها
طيب ماتريحنى وشوفها أذا كانت تركب
وحزودك 50 ج
بس العمره على ضمانتك وحديك 100 ج بعد ماتخلص
والميه التانيه بعد ما أجرب العربيه

وشوفه حيقولك أيه

الموضوع: الى استشارى قسم الدايو أرجو الرد للأهمية

LinkBack

أدوات الموضوع

عرض

الى استشارى قسم الدايو أرجو الرد للأهمية - انشر الموضوع فى :

-

-

-

-

-

-

المواضيع المتشابهه

سؤال بخصوص الزيرو ؟ أرجو الرد للأهمية

فريون 406 أرجو الرد للأهمية القصوى

رساله عاجله الى م / ممدوح استشارى الدايو

الى استشارى وخبراء الدايو

يا تري أسعار الرينو رينبو أيه أرجو الرد سريعا للأهمية؟

الكلمات الدلالية لهذا الموضوع

المفضلات

المفضلات

ضوابط المشاركة