هي العربية دية فعلا تتجاب مستعملة ؟ ..... فيات نوفا بونتو

انا لية بسأل السؤال

اولا قطع غيارها مش سهلة خالص، يعني حاجات تعور بصراحة و تخرب الجيوب

يعني مثلا حكاية الكنترول اللي بيبدأ يضرب بعد 100 الف كيلو

و الحكاية بتاعت القطمة ام 6200 جنية دية

و حكاية السيتي باور اللي ممكن يضربلك الباور كلة

و طبعا لو حظك لطيف و طلعلك مشكلة في الإير باج و دية ممكن تحصل في اي لحظة

بصراحة انا كنت بفكر اغير الأونو و أجيب بونتو 2002 ولا 2003، بس بصراحة بدأت أقلق جامد من فكرة اني اجيبها مستعملة

كمان سعرها زيرو دلوقتي يخليني مفكرش فيها إطلاقا و خاصة بعد ما بقي الفرق بينها و بين الجراند بونتو 15000 جنية، يعني في التقسيط مثلا ولا يطلعوا 150 جنية في الشهر، دة غير ان فيها بعض قطع الغيار اللي أغلي من الجراند بونتو زي الإكصدامات و الفوانيس الخلفية

مش عارف ولا انتوا اية رأيكم ؟

سلام عليكم
بص يا سيدى انا لسه شارى واحدة مستعملة 100كم مو2004 بس ستبترونك و 16V و اترعبت بعد ما جبتها من الحاجات ديه بس الحمد لله ربنا ستر و العربية ماشية زى الفل و كانت طلعتلى engine failure بس طلع حساس شكمان (ب800 جنيه) بس الحمد لله طلع سليم برده بركة دعا الوالدين أصل انا عقبال عندك مرتبى 250 جنيه هاهاهاها, بص عى عربية حلوة جدا و مليانة كماليات بس ادفع يا حلو أما بالنسبة لموضوع الجراند صح تماما و استنى كمان الايفو اللى نازلة اول السنة بس كده كده اعمل حسابك الدنيا عمرها ما هتبقى زى الاونو (انا كان معايا 128 و فاهمك)

اة يا معلم الأونو لوز لوز يمكن ارخص من الـ 128 كمان علشان أعطالها أقل

تشقلب العربية بألفين جنية يعني تمن إكصدامين في البونتو الجديد دة

و كتاوت كهربا و يوم ما الماتور يسافر تقلبة بألفين جنية و تنزل ترزع في خلق الله
:biggrin2::biggrin2:

بالظبط فا انت ما تحلمش بعربية جديدة كدة على فكرة انا ما بعتش ال128 مش هاينة على عشان كده

البونتو مع صاحبى موديل 2000
طلع غيارها خاربه بيته وكمان عشان هو زى حلاتى بيتعلم سواقة
يعنى الاكصدام الى وراه اتشرخ منه من خبطة عبيطة كدا
لحمه بس ب300 جنيه ولو هيبدله هيدفع 2000
بس غير كدا هى شيك جدا طبعا وكماليتها حلوة

يا جماعه العربيات المستعمله دي زي البطيخ والستات كده
يا تطلع حمره يا قرعه ( انت ونيتك)
ومش معقوله ان في 2 من الف اشترو بطيخ و طلع اقرع ان باقي ال 1000 هيطلع اقرع ولا حتي 10 من 1000 ده مش مقياس ابدا
انا معايا العربيه والحمد لله كويسه وماشيه زي الفل
وواحد تاني معاه العربيه وكارهها مش معني كده اني اقول ان كل العربيت البونتو المستعمله حكايه ولا هو يقول العربيات البونتو المستعمله زباله ولا علشان حادث فردي ولا علشان قله قليله حصل معاهم الكلام ده
صح ولا ايه

اقتباس:

---

المشاركة الأصلية كتبت بواسطة eng_ahesham

يا جماعه العربيات المستعمله دي زي البطيخ والستات كده
يا تطلع حمره يا قرعه ( انت ونيتك)
ومش معقوله ان في 2 من الف اشترو بطيخ و طلع اقرع ان باقي ال 1000 هيطلع اقرع ولا حتي 10 من 1000 ده مش مقياس ابدا
انا معايا العربيه والحمد لله كويسه وماشيه زي الفل
وواحد تاني معاه العربيه وكارهها مش معني كده اني اقول ان كل العربيت البونتو المستعمله حكايه ولا هو يقول العربيات البونتو المستعمله زباله ولا علشان حادث فردي ولا علشان قله قليله حصل معاهم الكلام ده
صح ولا ايه

---

تمام كدة :colsmil:

ايوة يا رجالة بص قطع غيارها صعبة قوي

يعني بصراحة قطع غيارها خلتني افكر اني ازود شوية و اركب جولف 98 او 2000

لأن تقريبا قطع غيار الجولف في نفس السعر و بصراحة اكيد الجولف أعلي من البونتو كتير

انا ما قلتش حاجة بالعكس انا الحمد لله بتاعتى طلعت حمرة (البطيخة يعنى) العربية لسة كاشف عليها مجانا فى الأقصى الموتور طلع 80% و عاملة 108000 و ما غيرتش فيها غير كاوتشة كوبلن صحيح اتكلفت 120 جنيه بس اهوه

قولولي صحيح هو انا برضة ليا حق أروح اكشف في الأقصي ؟

انا معايا أونو 98 بس كانت النيل الهندسية

رووح يا عم هو حد ليه عندك حاجة بس اتأكد من الحجز بالتليفون

اقتباس:

---

رووح يا عم هو حد ليه عندك حاجة بس اتأكد من الحجز بالتليفون

---

تمااااااام