انا قدامى بروتون برسونا 2009 كاملة فول اوبشن اتوماتيك وعاملة 11000 كيلو فابريكة ونضيفة ورخصة سنة ميستى بلو فى معرض طالب 75 الف وانا معايا افيو 2007 عاملة 31000 كورى مانيوال كاملة عاوز ادخل دى فى دى انا قولت 10000 يبقى تمام اية رايكوا محتاج الرد ضرورى معلش هتعبكوا معايااااا نفسى ابقى بروتناوىىىىىىى
و الله انا احكم على تمن البيرسونا لاني معرفش تمن الافيو
البيرسونا المعرض اخدها ب 69 او 70 فالطبيعي انوا هيقولك 75 انما هي تنزل ل 73 او 72 كدا و انا شايف ان التمن كدا كويس وبرده اهم حاجة تعمل تشيك في التوكيل علشان لو فيها عيب ولا حاجة و تجربها الاول
و ياريت كنت اعرف تمن الافيو كنت قولتلك ؟؟؟؟؟
بس راي عام بيع دي لوحدها و اشتري دي لوحدها
شكرا يا باشا الافيو تعملها فى حدود 62000 بس التشك فى التوكيل يعمل كام معلش
و الله ماعرفش ممكن تسال اي حد يكون عمله قبل كده
معلش البروتون الاتوماتيك حلوة عربية جامدة انا مقلق من حوار انها ماليزى دة فايريت لو تطمنى هتعبك يا باشا معايا
انا رايي حاول تنزل مع المعرض شويه بس هى تمنها كده كويس بس برضو المعارض لازم تفاصل معاهم عشان بيبقوا رفعين رفعه جمده
ورايي بالنسبه للافيو فاعرضها فالوسيط هتتباع على طول وهتجيبلك التمن اللى انتا عوزه انما لو بعتها لمعرض هيخسف بيها الارض
فانا رايي متبعهاش ولا تدخلها تبع معرض
وبالنسبه للعربيه البرسونا حضرتك اتاكد انه عامل 3 صيانات اللى هما الالف والخمسه والعشره وجرب غيارت الفتيس كلها كذا مره جيب الd وبعدين ال p وكده وشوف فى عضه او فى اى حاجه مش طبيعيه وبص على الصاج من بره مخبوط ولا فى اى حاجه وبص على الموتور واسمع صوته وبص على الابواب من برهومن جوه وقوايم العربيه والتابلوه وافتح الشنطه وبص عليها وبص على الصاج اللى تحت الاستبن فالشنطه وارفع الكنبه اللى ورا وبص على الصاج تحتيها
ولو كله تمام وخلاص نويت خدها التوكيل واعمل التشيك عليها بحيث انك متدفعش فلوس على الفاضى وانشاء الله ربنا يوفقك ويرزقك بعربيه كويسه
شكرا ليك يا ميمو العربية نضيفة اوى الفكرة انى مقلق من حوار ماليزى وكدة والاتوماتيك اية حكاية النتشة دى كماان ومعلش التشك فى التوكيل بكام
انا اسف بجد انا طولت عليك اعذرنى لسة جديد
العربية نزلت 15 الف جنيه و هيا لسه عاملة 11 الف كيلو؟؟؟؟؟
ازاي الكلام دا يا جماعة
هوا دا صح ولا انا مش واخد بالي
انا والله ياباشا معرفش التشيك فالتوكيل هيبقى بكام ايمن لو دخل هتلاقيه هو اللى عارف عشان هو على طول فالتوكيل :)
وحكايه النتشه دى بتبقى مشكله وبتتعالج فالصيانه بس هى مش فكل العربيات دى فعربيه او اتنين واتعالجت يعنى دى مش مشكله عامه
وحكايه انها ماليزى فهى على الاقل احسن من الكورى وانا شايف انها عربيه كويسه
بس اللى اعرفه ان الجيربوكس يابانى بتاع ميتسوبيشى (لو انا غلط ياريت حد يصلحلى او لوانا صح ياريت حد يأكد المعلومه دى)
بس لو العربيه نضيفه انا رايي انها هتبقى كويسه وبالنسبه لقطع الغيار فالجديد كله قطع غياره غاليه فالتوكيل بس فى محلات بره التوكيل بتبيع ارخص ممكن حضرتك تتعامل معاه
انا واحد من الناس اللي حصلت معاهم النتشه دي بتاع الفتيس الاوتوماتيك
ولكن مابتجيش الا كل شهرين مره ولا حاجه ودي قالولي ممكن تكون تهييسة كمبيوتر
والله اعلم ومع اني كشفت على الفتيس بره التوكيل وجوه التوكيل بالاجهزه كلهم قالولي مش بيدي اي اخطاء على الجهاز
ولكن السياره حلوه توكل على الله بس تأكد انها مافيهاش اي حاجه غلط مخبوطه او اي مشاكل واساله على ضمانها طبعا وكل ده تأكد منه في التوكيل وبالمناسبه انا كمان كا معايا افيو وقعدت معايا 6 شهور ومشيت بيها 26000 كم وكانت اي كلام خالص
خاليا معايا الجن 2 اخت البيرسونا اوتوماتيك
صلي استخاره وتوكل على الله
تحياتي