هو فعلا عند حضرتك حق وعلى فكره القاعده دى تنطبق على اى عربيه مش شرط 128 بس
والى بيظبط عربيه اكيد مش بيكون فى دماغه انه يبيع
وعلى فكره اجمل حاجه فى 128 انك باى مبلغ ممكن تظبطها يعنى العربيه بسيطه ومش معقده زى العربيات الجديده وابسط مثال على الكلام ده
ان موتور 128 1300 سى سى بالفتيس وهو يعتبر اغلى حاجه فى التظبيط ثمنه 1500 جنيه فقط
وموتور اللانشيا 1600 بالتكيف بيخلى 128 تجيب 200 ك/س بسهوله جدا ثمنه بالفتيس لا يتعدى 2400 جنيه ونفس الكلام ينطبق على جميع اجزاء العربيه الاخرى وكفايه انها ظلت فى خطوط الانتاج حتى 2009
يعنى اسعار كلها فى اللزيز واى عربيه فى الدنيا لو اهملت فيها طبعا لازم تارفك وتتعبك مش 128 بس
ولو اهتميت بيها ديما هتبقى زى الفل معاك وهتقضى لك غرضك وتوصلك لاى مكان انت عاوزه
وهتغنيك انك تشترى عربيه تقسسيط وتدفع دم قلبك كل شهر فى الاقساط وتروح تعمل صيانه فى التوكيلات الى بيدبحو الناس دبح فى الفلوس