الموضوع: ربنا يستر .. بيقولوا هيغلوا بنزين 80

المشاركة الأصلية كتبت بواسطة egyzizo

اللى شايف ان الحال هو انهم يغلوا بنزين 80 ويرخصوا بنزين 90 ، مش حاسس بعمق المشكلة ..

يا جماعة بنزين ، يعنى وسائل نقل ، ووسائل النقل هى عصب الزراعة والصناعة والتجارة ..
تحريك سعر البنزين هيولع الحاجات دى كلها ، بالرغم من انه قد لا يكون أساسى فى بعضها اللى بيعتمد على السولار ، بس هو استهبال.

بالإضافة إلى أن شريحة أصحاب الملاكى اللى هتتأذى هي الشريحة الأضعف والأكثر فقراً .. فمش هيبقى منطقى خالص يغلوا 80 ويرخصوا 90 ، يعنى ياخدوا من جيوب الأكثر فقراً ويحطوا فى جيوب الأقل فقراً (ده طبعاً على اعتبار ان كلنا فقراء بمقاييس العالم المتقدم).

هو ده الكلام بنزين 80 بيشكل الغالبيه العظمى من الشعب الاكثر فقرا والضغط عليه اكثر من كده هيسبب انفجار لانه مش ناقص اصلا