الموضوع: الحمد لله مشكلة البيكانتو اتحلت وشكر لابو رواش وللمهندس خالد فاروق

الحمد لله اخدت العربية بعد الخبطة امبارح ورحت ابو رواش اعمل صيانة ال 10000 كلم وقابلت المهندس خالد اللي بصراحة الراجل طول اليوم مقعدش في مكتبه من كتر العربيات اللي بتتصين هناك وقاليي طلباتك ايه قولتله .....
1 صيانة 10000
2 صوت دب ولق من قدام يمين
3 استهلاك البنزين عالي
4 فرامل اليد عايزة تتشد
الكلام ده 8:30 الصبح واتفضل استريح
طبعا انا عارف من قبل كده ان القعدة ملل فكنت واخد اللاب توب معاي المهم الساعة 9:30 بلغوني ان المساعد اليمين قدام لازم يتغير وعلى حساب الضمان (ناس محترمة فعلا ) ومن ساعتها فضلت قاعد لغاية ما خلصوها الساعة 2:30 الظهر
وتم كالتالي تم تغيير زيت وفلتر وتغيير مساعد وشد فرامل اليد ولما اكلمت مع م خالد على موضوع البنزين قاللي مش هنعرف نحكمها بحاجة حاول تحسبها وبلغنا وظبط سرعاتك ومحطات اللي بتمون منها واحنا تحت امرك .......
الراجل زاد ترحابه لما قلتله انا مشترك في نايل موتورز وعارفيين انك متابع اللي بيحصل في قسم كيا ........
نسيت العربية اتغسلت وطلعت عروسة ودفعت 330 جنيه شاملة الضرائب والمصنعية
وبصراحة طلعت مبسوط .....وشكر وتقدير للمهندس خالد فاروق المحترم ولجميع العامليين هناك وبجد محترميين قوي وتوكيل محترم جدا