الموضوع: القوة الحصانية للسيارات و كيفية حسابها

الحقيقة كلام أستاذ توت مقنع ..
و كلام أستاذ حجازى مقنع بردوا!!! ...

طب نعمل إيه الموضوع ده محيرنى ...

عايزين بقيت الخبراء يدخلوا عشان المناقشة تسخن!

انا هشرح الجانب ده فى عربيات السوبر علشان منه نقدر نوضح الخلاف فى العربيات العاديه

فى العربيه السوبر علشان القوه هى العامل الاساسى للنجاح الشركه بتقيس قدره المحرك الاول لوحده وبعدين يبدا الشغل على منظومه الدفع كلها علشان لما يتقاس القوه من تانى على الداينو ( قوه الخرج الصافى من العجل ) يبقى معروف فى هدر قد ايه فى القوه ويتم معالجه كل الاجزاء اللى بتنقل الحركه علشان الشركه تقلل الهدر ده قدر المستطاع

وعلشان نتفق الهدر ده طبعا موجود فى اى عربيه فى العالم , علشان كدا ظهر مصطلح قوه المحرك اللى بيتقال عليها Gross او لو ملقيتش الكلمه دى هيبقى البديل ليها Bhp أو Brake horsepower ودى عن طريقها تقدر الشركه تتكلم عن نجاح الموتور نفسه او قدرته الفعليه , لكن علشان ده مش مهم للعميل العادى يبقى محتاجين حاجه اكثر مصداقيه اللى هى ال Hp او ال Net HP اللى بنتكلم عنه هنا

فى شركات بتعرض الرقمين فى مواصفات العربيه لمجرد استعراض قدره الموتور وحيدا وعلشان يقنع العميل انه مع شويه تعديلات على نظام الدفع ممكن يستفيد اكتر من قوه الموتور دى بدون تعديل الموتور نفسه

يبقى سواء اليابانيين او الالمان او الكوريين بيذكرو رقم معين دون الاخر ده حسب العاده ومفاهيهم الخاصه فى عرض معلومات سيارتهم , لكن المعترف بيه من الشركات هو وسيله اشبه بالداينو لكن هى بتقيس القدره من قبل الكاوتش على طول يعنى بيحسب فقد القوه الميكانيكى كله ويقولك عليه علشان كدا هتلاقيه يفرق على الداينو كام حصان بس

تفسيرى الوحيد بقا لأن فى شركات بتعلن الرقم الكبير دون عن الصغير هو اما بروتوكول البلد اللى العربيه هتتسوق فيها اعتاد على الوضع ده او ان البلد مفيهاش رقابه زى مصر

المشاركة الأصلية كتبت بواسطة abohalmos

و قريت انه احد الزملاء بيقول عشان تعرف قدرة الماتور الاوربى النسبة للاسيوى تضرب القيمة فى 1.3 ..... عشان موضوع القدرة بالحصان فى الاسيوى مش بتبقى صافى ........ هل الكلام ده صح و لا ايه ؟؟؟؟

الكلام ده عااااار من الصحه

المقاييس واحده ومفيش شركه هتخترع مقياس من نفسها , بمعنى ان الهورس باور ثابت لا يمكن تغييره لكن فيه شويه انواع فى القياسات الشركات بتستخدمها جوا صفحه مواصفات العربيه لكن فى النهايه المعلن الرئيسى بيكون القدره الصافيه

خلاصه الكلام اى شركه فى مصر قد تكون نصابه فى ارقامها ببساطه علشان مصر مفيهاش رقابه , بس للعلم الموضوع بيبقى مكشوف قوى لأن الهدر فى عربيه عاديه لا يقل عن 15 حصان وعلشان كدا مثلا لما طلعت اشاعه الهوندا ام 140 حصان الموضوع اتعرف بعدها بأيام انه كدب

مقياس القوه بعد الهدر اسمه Hp أو Net Hp ومقياس القوه قبل الهدر اسمه Bhp أو Gross Hp

وعلشان اثبتلك اكتر ان الكلام ده غلط , كل عربيه بيكون هدر القوه فيها مختلف علشان ده راجع لكفائه عمل منظومه الدفع كلها وخامتها وتصميمها لكنها مش مقياس بنسبه ثابته

---

بعيدا عن موضوع القوه ده عايز اقول ان الشركات الكوريه والاسيويه عامه تمتلك من تقنيات المحركات ما يؤهلها لمنافسه الاوروبيين بشراسه , هيونداى حديثه الولاده تمتلك دلوقتى محركات ناجحه جدا فى فئات صعبه المنافسه واليابان تمتلك اسطول من سيارات السوبر اداء , اذا لا داعى اطلاقا ان الشركه الام تزيف الارقام لمجرد اثبات جدارتها بالمنافسه

سؤال واحد....هل فى مقياس موحد و معتمد لقياس القوة الحصانية بين شركات العربيات او "الدول" ( زى مع بعض الاعضاء بيقولوا) ؟.

مشكور على الموضوع