فعلا العند وحش جدا فى موضوع السواقه ربنا ستر والحمد الله وهدى اعصابك حتى لو بتتحرق من الغيظ اكتمها افضل
وزى مابتقول نصيحه لوجه الله
انا بقول دعوه لله ياخد كل المتوسيكلات والفسب من على وجه الارض وريحنا من غباهم والقرف اللى بنشوفه دايما منهم
رقم العضوية : 3758
تاريخ التسجيل : 18Dec2007
المشاركات : 361
النوع : ذكر
الاقامة : faisal street
السيارة: ----------
السيارة[2]: Toyota Yaris 2007
دراجة بخارية: no
الحالة :
امبارح راجع حوالى الساعة واحدة بالليل فى شارع فيصل و الشارع على غير العادة فاضى و زى الفل ، و انا ماسك شمال و عند الطالبية طلعت عربية اسبرنزا من كفر طهرمس لفيصل و الراجل طلع بكل ادب فى اليمين و فاتحلى الشمال ، و جاى من وراه فسبا تقريبا الصنايعى اللى راكبها حد ضحك عليه و قاله انها ريسنج ، طلبت معاه يعدى من جنب الاسبرنزا و هو بيلف و الشارع عرضه يدوب عربيتين فى المنطقة دى ، المهم انا هديت و كلاكسات للزبون لقيته بيبصلى بقرف و مش عاجبه صوت الكلاكس و بيكسر قدام عند الرفرف اليمين و مصمم يطلع قدامى ، رحت بصراحة عاند و كابس فى الشمال طريقى و هو بيعند و عايز يعدى بينى و بين شنطة الاسبرانزا ، عدى بوش الفسبا و الحتة العريضة اللى ورا دى يدوب لمست الاكصدام عندى من قدام يمين و فى ثانية كانت الفسبا بترقص و بتحدف يمين لحد باب الاسبرنزا ما غيرله اتجاهه تانى ناحية الشمال و الفسبا اترمت قدامى بعرض الطريق و اللى راكبها كان طاير لمسافة لا تقل عن 2متر فى الجزيرة اللى فى النص و مكنش لابس خوذة كمان ، الحمد لله قام كويس و جاى بيتخانق معايا ، و بتاع الاسبرنزا وقف و الناس اتلمت و ركنوا الفسبا و واحد من الدليفرى بتوع صيدلية العزبى و كام واحد واقفين قالولى امشى مفيش حاجة ، الحمد لله انى اول ما شفت الفسبا بترقص رحت مفرمل و الا كنت فرمتها هى و الواد ، بعد اللى حصل ده بلاش يا جماعة الله يخليكم و يكتب سلامتكم العند مع اصحاب العقول دى .
رقم العضوية : 16611
تاريخ التسجيل : 17Aug2008
المشاركات : 1,294
النوع : ذكر
الاقامة : Cairo
السيارة: لا يوجد
السيارة[2]: mazda
دراجة بخارية: لايوجد
الحالة :
فعلا العند وحش جدا فى موضوع السواقه ربنا ستر والحمد الله وهدى اعصابك حتى لو بتتحرق من الغيظ اكتمها افضل
وزى مابتقول نصيحه لوجه الله
انا بقول دعوه لله ياخد كل المتوسيكلات والفسب من على وجه الارض وريحنا من غباهم والقرف اللى بنشوفه دايما منهم
رقم العضوية : 11181
تاريخ التسجيل : 21May2008
المشاركات : 5,568
النوع : ذكر
الاقامة : NULL value in a database
السيارة: BMW E34 - 518i
السيارة[2]: Toyota Starlet EP80
دراجة بخارية: Toktok Coupe
الحالة :
والألعن كمان وابتدي ينتشر الموتسيكل ابو صندوق كبير ورا دة .. حاجة أخر قرف ويدخلو يتحشرو فى وسط العربيات ومش هاممهم حاجة والصندوق زواياة حادة جدا وحديد ما شاء الله
المفروض الواحد يركب دبابة بعد كدة ولا اية العمل مع العالم دي بس
Mohamed Samir
'
رقم العضوية : 3484
تاريخ التسجيل : 29Nov2007
المشاركات : 2,120
النوع : ذكر
الاقامة : مدينة بلا لانسر (بومة) في الشوارع
السيارة: Daihatsu Sirion 1.3L GLX 2009
السيارة[2]: BMW 525i 2007
دراجة بخارية: أحبوش
الحالة :
هو يعني الموتسيكل قد ايه
دا حاجة صغيرة وبيعدي من خرم ابرة
وبعدين اللي بيسوقه ده متمكن جدا ومش عيل فافي طبعا
دا غير انه ممكن شغال عليه دليفري وشقيان ومش امه اللي جايباهوله زي العربيات اللي احنا بنركبها
للأسف دا اللي بيدور في دماغ معظم طائفة مستخدمي الموتسيكل
برة مصر بسبب رخص العربيات اللي بيركب موتوسيكل بيكون غاويه وبيركبه نزاهة
انما في مصر غالبا اللي راكبه (إلا من رحم ربي) بيبقى جايبه من الموتسيكلات الصيني الرخيصة يعني لظروف اقتصادية، فلازم يثبت تفوق على ولاد التيت اللي بيركبوا عربيات غالية دول ويعرفهم مقامهم ويسبقهم طبعا
ربنا يهدي والف سلامة عليك
[aldl]http://nileup.com/up/uploads/nilemotors_13899410841.jpg[/aldl]
رقم العضوية : 3758
تاريخ التسجيل : 18Dec2007
المشاركات : 361
النوع : ذكر
الاقامة : faisal street
السيارة: ----------
السيارة[2]: Toyota Yaris 2007
دراجة بخارية: no
الحالة :
الله يسلمكم جميعا و يكتب سلامة الكل يارب ، بس بصراحة انا مكنتش متصور انه ممكن تفقد السيطرة عليه بالسهولة دى ، ده انا على صوت الخبطة اللى سمعته قلت هتلاقر الرفرف بالفانوس طاروا ، و الله مبصتش علي العربية حتى فى وسط المشكلة و قلت فى داهية و انا لسه همشى لقيت واحد جايب فانوس من الارض و بيديه للواد بتاع الفسبا افتكرته فانوس الاشارة بتاعى و كنت هنزل اخده لقيته فانوس الفسبا، بعد ما رجعت البيت لقيته اتخبط ف الاكصدام اساسا مش الرفرف كمان.
رقم العضوية : 38300
تاريخ التسجيل : 17Apr2009
المشاركات : 2,671
النوع : ذكر
الاقامة : egYpt - Cairo
السيارة: Pride 1.1 M\T 1999
السيارة[2]: Lancer 1.3 M\T 2008
دراجة بخارية: 000
الحالة :
بص انا مش هقولك انت غلطان , بس للأسف فى ناس بتعند ( قصدى على بتاع الفسبه ) وقد يكون زى الاطفال مش عارف مصلحته فين
صدقنى هيجى عليه يوم وربنا هيعلمه الدرس بالطريقه القاسيه لكن انت علشان تطلع نفسك من متاهه انك تتسأل عنه فى الدنيا او الاخره حاول تهدى اعصابك وبلاش العند , لما تلاقى واحد زى ده جاى عايز يعدى خف رجلك من البنزين وخليه يعدى وخلاص لأن الفسبه والموتسيكل بالذات وقعتهم اقرب للموت من خبطه العربيه وانت اكيد وراك مسؤوليات ومش عايز تدخل نفسك فى حاجه زى كدا
وربنا يريحنا من الاشكال اللى ما يعلم بيها الا ربنا دى
إفـلــت زمـام امـالــك
رقم العضوية : 25539
تاريخ التسجيل : 18Nov2008
المشاركات : 4,742
النوع : ذكر
الاقامة : el-obour
السيارة: bmw e46 330
السيارة[2]: Mercedes c200 kompressor
دراجة بخارية: no
الحالة :
ياباشا الحمد لله انها جت على كدة
انا مرة كنت ماشى ومعدى على مزلقان
وكان واقف خالص انا داخل فى احرتى عادى
راجل بتاع موتسيكل الى هو بعلبة كبيرة ورا
راح دخل مخالف وصمم يعدى مابينى ومابين الرصيف
انا شفت المنظر قولت خلاص الجمب كلة هيروح
رحت جاى زانقة سنة عند الرصيف علشان ميعديش
راح صمم بردة يعدى راح خابط الاكصدام خبطة محترمة بالثندوق الى ورا دة
وكان ظنى فى محلة انة هيطير الجمب
بعد كدة نادتلة الظابط ومشيت
وانا عارف ان الظابط هيسيبة لو ادالة عشرة جنية
بس للاسف كنت مستعجل ورايا مشوار
[rmade]http://www7.0zz0.com/2014/09/24/17/941743282.jpg[/rmade]
رقم العضوية : 27652
تاريخ التسجيل : 14Dec2008
المشاركات : 5,477
النوع : ذكر
الاقامة : giza -harm
السيارة: النترا HD
السيارة[2]: بولو سابقا-ألنترا 2006-سكودا ايه 4
دراجة بخارية: لايوجد
الحالة :
طب دا موقف عند انا بقى حصل معايا موقف غريب الشكل
ماشى فى التحرير وهكسر يمين عشان اروح فى اتجاه كوبرى قصر النيل وقادم من ناحيه كوبرى أكتوبر المهم جيت بدخل يمين علشان أروح الكوبرى وانا باخد اليمين لمحت فى المرايا موتسيكل جاى طاير من يمينى وانا واخد
سرعتى المهم قررت أنى هروح شمال وخصوصا أنو كان يسمح
بصيت فى المرايا لقيتو مصرانو يدخل فيا من ورا فضلت أروح شمال لحد ما وصلت للرصيف اللى فى النص مفيش شمال تانى خلاص ودا بردو ورايا لحد ماخبط فى جنب الأكصدام من ورا ووقع اتكحول والمتوسيكل اتكحول راخر كان ممكن أمشى لأنى مليش فيه زى ما بيقولو
ولكن وقفت ونزلت وطبعا المصريين الجمال اتلمو وواحد لزيز لقيتو بيبصلى والكلمه الشهيره بتاعتهم هو انتو عشان معاكو
عربيات مسيبتوش يكمل الكلمه وقلتلو أنت تقفل بقك خالص ومتتكلمش قلبى جامد شويه مابتخدش فى المواقف اللى زى دى
المهم بقى بطمن على أخينه لقيتو بيقولى أيه
حرام عليك
خبطنى من ورى وحرام عليك
بصراحه خرجت عن شعورى وكنت هلوشه
واللى ذاد وغطى جاى مندوب يتفرد ويتنى ولسه هيتكلم ويقولى رخصك (طبعا انا كنت وصلت لقمه غضبى من التعليقات اللى عمال بسمعها وماسك نفسى )لسه هطلع كل اللى فيا على المندوب لقيت واحد طلع من وسط الناس وبيقول الراجل مغلطش انا واقف وشايف المنظر من بدرى عمال يفاديه وبتاع الموتسيكل هو اللى غبى لحد ما الراجل وصل للرصيف كان فاضل يطلع الرصيف ويعدى الناحيه التانيه عشان يفاديه طبعا سياده المندوب اتكتم غيظا كانت غنيمه وجياله خلاص مابقاش ينفع يعمل حاجه الراجل خلص كلامه قمت سايب الدنيا كلها وماشى من غير ما أقول أى كلمه لحد غير للراجل اللى شهد بالحصل قلتلو شكرا وسلامو عليكم بتوع الديلفرى دول عايزين الحرق فى ميدان عام الديلافرى بالذات ويوم محس ان فى حد بيعند معايا بفتح الأزاز وبقولهالو بصوت عالى ملكش ديه عندى وهشيلك على الكبوت
It’s not about having the perfect relationship.. But its finding someone who matches you and would go through everything without giving up.
رقم العضوية : 41998
تاريخ التسجيل : 07Jun2009
المشاركات : 1,042
النوع : ذكر
الاقامة : Giza EGYPT
السيارة: verna
السيارة[2]: KIA CERATO HIGH LINE
دراجة بخارية: لا يوجد
الحالة :
بأضم صوتي لصوتك........و بأقول.........و أعرض عن الجاهلين.....بس كده
أنا برضه زمان سنة 99 يمكن كان قريب ليا وجاري جاي من جدة بعربية كرولا 94 اجازة المهم خدتها منه و كنت رايح أجيب حاجات و مكنش معايا رخصة ساعتها و طلعت عالهرم و رايح العريش المهم عند التعاون كده الطريق كان واقف شوية (بس مش زي دلوقتي طبعا الله يرحم أيام التسعينات قبل ما اللانسر البومة تنزل والبلد تبئى زحمة) المهم موتسكل جاوا ده شرطه مستجدع نفسه و مقضيها غرز بين العربيات و هوه غشيم جدا و بيطلع مني في غرزة و انا واقف اصلا ففيه حديدة طالعة من المتوسكل تقريبا اللي بيحط عليها رجله بس كانت مش متغطيه كاوتش ولا حاجة المهم دخلت في الفبر بتاع الأكصدام عندي و خلعته و لقيت الواد بالموتسكل خالع الأكصدام من الناحية الشمال و واقع بالموتسكل عالأرض
طبعا اتمسكن لأنه كان فاكرني خليج ما العربية جمرك بئى و كنت مربي دقن خفيفة كده كمان و عمل انه خلاص هيموت ساعتها جه الأمن بتوع فندق بيراميزا باين ولا مش فاكر أسمه ايه اللي مقفول دلوقت على ناصية شارع التعاون و بمنتهى الأدب قالولي مش تاخد بالك و سألوا الواد حصلك حاجة فخاف من الظابط (مع انه الموتسكل شرطه) و قاله لا يا باشا فقالولي حصل خير (ولا حتى هات رخصك ما هي العربية جمرك بئى) و شبطت الأكصدام أي كلام كده لأنه اتخلع من عالشمال و اتخرم و مشيت روحت وخلاص و سويت الموضوع مع قريبي..........
و من ساعتها و انا بأبعد عن الموتسكلات و أدعي انهم يبعدوا عني لأن فيه منهم بيرموا بلاهم عليك و يتبلى عليك و معتبرينها سبوبة زي (نور الشريف كده في فيلم دم الغزال لما كان بيرمي نفسه قدام العربيات).......
ربنا يكفينا شرهم اللهم أمين و يسلم طريقنا و طريقكم.......
رقم العضوية : 25216
تاريخ التسجيل : 15Nov2008
المشاركات : 14,019
النوع : ذكر
الاقامة : Haram & My mobile phone
السيارة: New Accent 08
السيارة[2]: Picanto 09
دراجة بخارية: no
الحالة :
انا كنت بقى جاى من طالبية الهرم وواخد الملف اللى بيودى على طريق الكفر
يصيت وانا بلف لقيت الشارع فاضى
برده اديت اشارة وعمال اروح يمين علاشن ادخل ش كفر طهرمس
اسمع صوت كلاكس
بصيت شمالى مالقتش حد قلت خلاص مش ليا
لان المسافة بينى وبين اليمين بقت قليلة يعنى مفيش اى عربية تدخلها والشارع كان فاضى
الاقى طلع من يمينى موتوسيكل وكمان بيبص لى مش عاجبه
قمت قايله اجى اشيلك
يعنى مديه اشارة
وشمالى واسع
شكله لو كان فهم
كان هيموت
A.Saad
المفضلات