ما هو الحل فى استهلاك البنزين

**mamado405** · 15-10-2009 11:09 AM

الصفيحه بتعمل 80 كم فى 405 مو 1995 1900 سى سى بعد ضبط الكربيراتير مع بنزين 92 وماذا لو غيرت لبنزين 80

**husseinoo** · 15-10-2009 12:54 PM

اللهم صل على محمد وعلى آله وصحبه أجمعين

حضرتك متأكد ان الصفيحة 20 لتر بتعمل 95 كيلوا فقط

معقولة الكلام ده

انا اعتقد والله اعلم انه لازم يكون فيه تسريب للبنزين ... ده الكلام لو صحيح يبقى بناقص البيجو خالص مع احترامى الكبير لها .. يعنى المفروض اقل حاجة 150 كيلوا داخل المدينة ولا ايه

اكثر الناس اللى راكبين بيجوا 504 قالوا ان العربية تستهلك فى الداخلى حوالى 12 لتر كل 100 كيلوا او بالكثيير قوى 13 لتر

يعنى تقدر تقول العربية تستهلك 25 لتر او 26 لتر كل 200 كيلوا ده داخل المدينة يعنى والسيارة ماشية بطيئة وتقف فى الاشارات وخلافه

طيب لو الحسبة دى مضبوطة والمعروف ان السيارات المضبوطة بتعمل حوالى 20 لتر كل 200 كيلوا داخل المدينة

طيب لو كانت هناك الكثير من السيارات موش مضبوطة قوى .. يعنى بتعمل مثلا 170 كيلوا كل 20 لتر

هل الفرق بين البيجو 2000 سى سى والعربيات العادية موش العربيات الصغيرة 1000 سى سى حوالى 6 لتر كل 200 كيلوا

يا جماعة يا راكبى البيجو 2000 سى سى ... يا ريت تشاركونا بمعلوماتكم القيمة

برغم تخوف الكثيير من موضوع البنزين فى السيارة البيجو 504 مثلا على اساس انها 2000 سى سى ... إلا ان هناك الكثيير جدا موجود فى مصر ومازال يعمل بقوة

سألت سواق تاكسى على البيجو قال لى ... هو انت هاتمشى اصلا كثيير ... انت يا دوب بتمشى على اد المشوار موش زى التاكسى خالص ... يعنى اتوكل على الله وماتخافش من البيجو 504 بسبب موضوع البنزين

ايه رايكم فى الكلام ده

آخر حاجة عرفتها من احد المشاركات .. ان صاحب السيارة غير الكاربوراتير وركب كربراتيير بتاع العربية فيات 132 وانه العربية اصبحت تستهلك موش فاكر يمكن حوالى 200 كيلوا فى الصفيحة دون اى تأثيير على السحب والسرعة ولا يوجد اى تقطيع فى السيارة
معقولة الكلام ده

ايه رايكم يا ريت نسمع راى كل اللى ركب البيجو 504

وفيه ناس تانية بتقول "انا لاغيت البوابة الثانية فى الكربراتيير"
يا ترى الكلام ده صح وهايوفر معاه بنزين فعلا

وناس ثانية بتقول "غير مقاس البيكات الراكبة داخل الكربراتيير" .. او تقريبا بدل البيكات مع بعض
يا ترى ده فعلا له تأثير

عايزين الكلام النهائى والحل النهائى من كل صديق للسيارة البيجو 504 او 505 ويقول لنا تجربته والحل النهائى لموضوع استهلاك البنزين فى البيجو

مع اطيب التمنيات
اخوكم حسين غزالة

**gigo** · 15-10-2009 03:35 PM

طيب يا اخوانى الكرام احنا عندنا 405 1600 و بتعمل فى الصفيحه 133 كم هل ده معدل مناسب و ذلك مع وجود دخان اسود كثيف عند الضغط على دواسه البنزين

ماذا يجب ان أفعله - البنزين المستخدم 90

و جزاكم الله خيرا

**the-hero** · 15-10-2009 04:40 PM

المعدل الطبيعى لل 405 من 220ال 260 كم فى الصفيحة
غير كد يبقى ضبط كربراتير وتصليحه
أو مراجعة الماتور أذا كان بياكل زيت او عاوز طقم شنبر او عمرة

**mamado405** · 15-10-2009 06:05 PM

كان فيه تسريب واتظبط بس لما افول التانك بيفضل ينقط حوالي 2ليتر بعدين يقف لواحده ايه السبب

**the-hero** · 15-10-2009 09:05 PM

هتلاقى خرطوم الفايز مش راكب فى الزور

**husseinoo** · 16-10-2009 03:03 AM

المشاركة الأصلية كتبت بواسطة the-hero

بالنسبة لل405 اللى بتعمل 80 كم فى الصفيحة
ده مستحيل اكيد فيه حاجه عندك او انت بتأيسها غلط راجع تانى على الكربراتير والتسريب والتنك اكيد هتلاقى حاجه
بالنسبة لل504 فبتعمل من 170 ال 200 كم فى الصفيحة وسيبك بقي من فتى وأفتكاسات الناس
البيجو مش بتاع عك وتأليف
بلا بيكات بلا بيبان بلا فيات كله خرف

الله يكرمك يا هيرو ويبارك فيك

بالنسبة للـ 504 لو كان المشى اغلبه داخل القاهرة استهلاكها هايكون 170 فى الصفيحة ؟

اشكرك جدا على التوضيح
وفىانتظار التواصل معاك

الله يكرمك

مع اطيب التمنيات
اخوكم حسين غزالة

**acc_gr2004** · 11-01-2010 01:50 PM

فين يا جماعة الناس اللى بتوصل الكربراتير لل 300 كيلو فى الصفيحة ... ياريت تدلونا عليهم .. بعد اذنكو ولو 300 فى الصفيحة عالسريع ياريت يكون حتى 220 داخل البلد يبقى تمام اوى
(405 1600 مو 95)

-

-

الموضوع: ما هو الحل فى استهلاك البنزين

LinkBack

أدوات الموضوع

عرض

-

-

-

المواضيع المتشابهه

الحل النهائي لسحب الماتور القليل و زيادة استهلاك البنزين في الاوبترا

استهلاك البنزين عندي عالي اوى ... اية الحل

معدل استهلاك البنزين والعوامات بتاعة عدادات البنزين ؟

استهلاك البنزين 92 للنوبيرا عالى بدون تكيف داخل القاهرة+لمبة البنزين

استهلاك البنزين زاد بعد ما غيرت فلتر البنزين!!!!!!

الكلمات الدلالية لهذا الموضوع

المفضلات

المفضلات

ضوابط المشاركة