ربنا يباركلك فيها ويكفيك شرها
عرض للطباعة
ربنا يباركلك فيها ويكفيك شرها
ربنا يباركلك فيها ويكفيك شرها
معلش يا جماعة على التأخير.. بس أنا كنت مسافر الإسبوع اللي فات و لسه جاي النهاردة ...
شكرا على كل اللي قال كلمة حلوة ..
و بالنسبة للأخ أكرم ماحنا كلنا عارفينه من زمان و أكيد كان أصده زي ما أستاذ أحمد قلنا كده.
أم بالنسبة للأخ اللي عاوز يعرف أكتر عن بنك ناصر :
- البنك بيعمل عقد بينك و بينه ببيع السيلرة بالمبلغ المتفق عليه.
- هوه فعلا أقل فايدة في مصر 6% مع أكبر فترة للتقسيط 7.5 سنين.
- الكلاكيع اللي فيه :
- لازم تحويل مرتبك.
- طلب ضامن مايكنش محول مرتبه على أي بنك مع شهادة من عمله بتحويل المرتب إذا تم إيقاف مرتبك لأي سبب و يكون مرتبه يغطي القسط.
- ماعندهمش ماكينة atm علشان تسحب باقي مرتبك, لازم تسحبه من البنك.
- بيدفعوا للمعرض الشيك على مرتين 80% - 20% و بتروح للبنك تقريبا 3-5 مرات.
4. المميزات :
- طبعا زي ما قولنا فوق أن نظامه إسلامي.
- ممكن تبقى إنت و الضامن ضامنين بعض (ضامن متضامن).
- أول مابتكمل الأوراق تاني يوم تبقى عربيتك معاك.
- طبعا مافيش تأمين إجباري على السيارة.
و بالتوفيق إنشاء الله و لو عاوز تكلمني تستفسر عن أي حاجة كلمني على 0104617565.
جزاك الله خيرا وبارك لك في عربيتك يا رب....
الف مبروك وربنا يباركلك فيها
أيوه يا باشا في تأمين إجباري بيدفع مرة واحده بيتحسب على حسب سنك أنا عن نفسي مواليد 81 دفعت 450 جنيه.
و فيه مصاريف إدارية 1% من قيمة العربية.
و في 150 جنيه في الأول خالص.
يا جماعة الكاسيت ساعات و أنا مشغل سي دي بيقفل لوحده مش عارف ليه ؟
و حاجة تانية ..
اللمبة بتاعة الحزام مابتشتغلش خالص ؟
و آخر حاجة ..
كنت بقرا في الدليل بتاع العربية لاقيت في خاصية بتخلي العربية تقفل السنتر إذا عدت السرعة 7 ك/س بمعنى أول ما العربية تمشي ... مش عارف أشغلها خالص ؟؟؟
الف مبروك