إستلمت اللوجان

**engziada** · 15-10-2009 11:34 AM

السلام عليكم يا وحوش اللوجان و كل الرينوهاوية ....
أنا من الإسماعيلية .. كنت عاوز أشتري عربية من فترة تقريبا كده 3 شهور ..
بعد تدوير و لف و بحث و تمحيص ..
ربنا وفقني و الحمد لله ثم بفضل نايل موتورز قررت أشتري اللوجان الكاملة, بس ....
قسط من بنك ناصر و إستقريت على معرض هنا عنده العربية جاهزة و باللون التحفة (البترولي),
والله مش هتصدقوا يا جماعة .. بعد ما كملت كل الورق المطلوب و كل الإمضاءات اللي كانت ناقصة و دفعت المقدم و حددت القسط و لاقيت الضامن و كلها كانت حاجات أنا عملتها غلط في الورق أو ناسيها مش من البنك أو المعرض .
سلمت ورقي كله للبنك يوم الثلاثاء الماضي 13/10/09 الساعة 10 ص ,و بعدين إتصلت بالبنك يوم الأربعاء 14/10/09 الساعة 10 ص باسأل عن الموضوع حصل فيه إيه .. و للمفاجأة رد علي البنك "إن قيمة التأمين جت و ممكن حضرتك تيجي تاخد الشيك و تستلم العربية من المعرض" طبعا ما كنتش مصدق نفسي بسبب [overline]السمعة السيئة جدا جدا عن البنك ده عند كل أصحاب المعارض[/overline].
المهم يا جماعة .. على الساعة 5 م إمبارح كانت العربية معايا .. الحمد لله.
-----------------
الإنطباع الأول (لا يدوم) : أول مرة شوفت العربية ماعجبنيش شكلها الخارجي و حسيت إنها صغيرة و إن البيكانتو شكلها أوسع منها .. لكن بعد ما ركبتها أنا و مراتي و ركبت معايا ست الحبايب و أختي ورا كان كلهم إنطباعهم (بيَ طبعا) غير كده خالص .
2- الصالون مريح جدا و فرشه جميل و الأبواب شيك.
3- العفشه ناعمه (بس مش أوي).
4- الباور حلو (مش ناشف أوي و لا ناعم أوي).
5- كمبيوتر الرحلات شكله حلو بس مش لاقي فايدته جامده أوي و أحسن حاجة فيه مؤشر الحرارة و البنزين و الساعة .
6- التكييف رااااااااااااااااااائع.
7- أماكن زراير الإزاز بالذات اللي ورا متعبة شوية بالأخص مع الوسع اللي ورا, ست الكل ماكنتش قدرا توطي علشان ترفع الإزاز.
7- بشكل عام التابلوه مع الكاسيت شكله جميل جدا (مسألة أذواق).
8- صوت الماتور عالي شوية بره العربية لاكن من جوه , العزل ممتاز.
9- للأسف الولاعة مش شغالة (من الحاجات اللي ضايقتني جدا و عكننت عليا).
10- كشافات العربية قويه جدا (ماشاء الله) حتى النور الصغير بتاع الشبورة جاااااامد.
----------------------
على العموم العربية ككل جميلة جدا و حاسس إنها أفخم من عربيات كتير في فئتها السعرية .
ربنا يباركلي فيها.
و أي سؤال عن تفاصيل القسط أو العربية أنا في خدمة شباب نايل موتورز.

**NaderNabil** · 15-10-2009 11:40 AM

ألف ألف مبروك

ربنا يباركلك فيها :)

**shoka** · 15-10-2009 12:08 PM

ربنا يباركلك فيها ويكفيك شرها

**nomercy22** · 15-10-2009 12:41 PM

الف مبروك وعقبال تقييم ال10 الف ان شاء الله

**hussienharbya** · 15-10-2009 01:42 PM

[gdwl] [/gdwl][gdwl][/gdwl][gdwl][/gdwl][gdwl][/gdwl][gdwl][/gdwl]
[gdwl]

الف مبروك ياباشا
[/gdwl]

**amr.elsayed** · 15-10-2009 01:46 PM

الف الف مبروك وربنا يعطيك خيرها ويكفيك شرها
بالنسبة لصوت الماتور لسة حيهدى اكتر بعد 5000 كيلو
موضوع الولاعة راجع عليه فى صيانة ال 5000
وعايزين صور للعربية والف مبروك

**AbO_FaRaH** · 15-10-2009 02:14 PM

الف الف مبروك

**ahmadalsattar** · 15-10-2009 04:37 PM

المشاركة الأصلية كتبت بواسطة engziada

السلام عليكم يا وحوش اللوجان و كل الرينوهاوية ....
أنا من الإسماعيلية .. كنت عاوز أشتري عربية من فترة تقريبا كده 3 شهور ..
بعد تدوير و لف و بحث و تمحيص ..
ربنا وفقني و الحمد لله ثم بفضل نايل موتورز قررت أشتري اللوجان الكاملة, بس ....
قسط من بنك ناصر و إستقريت على معرض هنا عنده العربية جاهزة و باللون التحفة (البترولي),
والله مش هتصدقوا يا جماعة .. بعد ما كملت كل الورق المطلوب و كل الإمضاءات اللي كانت ناقصة و دفعت المقدم و حددت القسط و لاقيت الضامن و كلها كانت حاجات أنا عملتها غلط في الورق أو ناسيها مش من البنك أو المعرض .
سلمت ورقي كله للبنك يوم الثلاثاء الماضي 13/10/09 الساعة 10 ص ,و بعدين إتصلت بالبنك يوم الأربعاء 14/10/09 الساعة 10 ص باسأل عن الموضوع حصل فيه إيه .. و للمفاجأة رد علي البنك "إن قيمة التأمين جت و ممكن حضرتك تيجي تاخد الشيك و تستلم العربية من المعرض" طبعا ما كنتش مصدق نفسي بسبب [overline]السمعة السيئة جدا جدا عن البنك ده عند كل أصحاب المعارض[/overline].
المهم يا جماعة .. على الساعة 5 م إمبارح كانت العربية معايا .. الحمد لله.
-----------------
الإنطباع الأول (لا يدوم) : أول مرة شوفت العربية ماعجبنيش شكلها الخارجي و حسيت إنها صغيرة و إن البيكانتو شكلها أوسع منها .. لكن بعد ما ركبتها أنا و مراتي و ركبت معايا ست الحبايب و أختي ورا كان كلهم إنطباعهم (بيَ طبعا) غير كده خالص .
2- الصالون مريح جدا و فرشه جميل و الأبواب شيك.
3- العفشه ناعمه (بس مش أوي).
4- الباور حلو (مش ناشف أوي و لا ناعم أوي).
5- كمبيوتر الرحلات شكله حلو بس مش لاقي فايدته جامده أوي و أحسن حاجة فيه مؤشر الحرارة و البنزين و الساعة .
6- التكييف رااااااااااااااااااائع.
7- أماكن زراير الإزاز بالذات اللي ورا متعبة شوية بالأخص مع الوسع اللي ورا, ست الكل ماكنتش قدرا توطي علشان ترفع الإزاز.
7- بشكل عام التابلوه مع الكاسيت شكله جميل جدا (مسألة أذواق).
8- صوت الماتور عالي شوية بره العربية لاكن من جوه , العزل ممتاز.
9- للأسف الولاعة مش شغالة (من الحاجات اللي ضايقتني جدا و عكننت عليا).
10- كشافات العربية قويه جدا (ماشاء الله) حتى النور الصغير بتاع الشبورة جاااااامد.
----------------------
على العموم العربية ككل جميلة جدا و حاسس إنها أفخم من عربيات كتير في فئتها السعرية .
ربنا يباركلي فيها.
و أي سؤال عن تفاصيل القسط أو العربية أنا في خدمة شباب نايل موتورز.

الف مبروك و ربنا يديلك من خيرها
ممكن بقا اسالك عن الاقساط و المقدم و الذى منه لانى عرفت انه بنك ناصر هوه ارخص بنك فى معدل الربح و هل فعلا بيعمل عقد بيع للسياره وليس تمويل انا معايا 35000.00 و عاوز اقسط الباقى بحيث القسط ما يزيدش عن 500 جنيه هل ينفع و الشروط اللى طالبها البنك كمان .. انا اعرف واحد جابها من البنك الوطنى للتنميه (ابو ظبى الاسلامى) بس كان المعدل 9% وأقصى مده 5 سنوات..
مبروك مره اخرى