الموضوع: اخبار كبري السلام

المشاركة الأصلية كتبت بواسطة ابو الوليد المصرى

معلش يا استاذ احمد انا لسة واخد بالى من الموضوع ده دلوقتي.
انا هاشرح الطريق علشان الكل يستفيد.
حضرتك وانت جاي من ميدان الكلية الحربية وماشي في طريق جوزيف تيتو او شارع النزهة حسب ماهو متعارف عليه بيبقي سور المطار علي يمينك من اول ميدان الكلية الحربية لغاية ماتوصل لكوبري الحرفيين وفي ناس بتسميه كوبري الهايكستب وفي النهاية الكوبري بينزلك علي الطريق بتاع بداية مصر اسماعيلية وده اللى بيقع عليه موقف العاشر.
علشان تتفادي الزحمة بتاعت الموقف خاصة في اوقات الذروة متطلعش كوبري الحرفيين وعدي من جنبه وخلي سور المطار علي يمينك وخليك ماشي بمحاذاة السور علي طووووووووووول لايمين ولا شمال بس خلي بالك ان الطريق اتجاهين رايح جاي وحارتين فقط بس سالك هتلاقي نفسك في الأخر طلعت علي الدائري في اتجاه القطامية امسك الجنب الشمال وخد اول يوتيرن علي شمالك وامشي كأنك راجح علي السلام بعد كده فيه نزلة علي يمينك مكتوب عليها طريق مصر الأسماعيلية الصحراوى انزلها وخلي بالك ان المنزل ده خطر جدا لأنه لافف بطريقة غبية شوية.
واسف علي الأطالة واي استفسار انا تحت امركم.

وصف فوق الخيال وأنا كل يوم باخد الطريق ده (وأنا رايح حلوان) وهو بيبقى زحمة من الساعة ٧ لحد٩ الصبح غير كده الطريق ده سالك جدا
وإنت جي من العبور خد طريق السلام ولف من تحت الدائري وهتشمي شوية(أرض مكسرة بس معقولة) هتلاقي نفسك بقيت عند مخرج الدائري الي جي من الجيزة وهتعدي من جنب الموقف وتطلع على الطريق على طول