وكيل "هيونداي" الأنجح في مصر لعام 2009

15 اكتوبر 2009 - 9:45
بقلم: حازم فؤاد
http://contactcars.com/Images/News/L...otooomak_3.jpg
وكيل "هيونداي" الأكثر نجاحاً في إرضاء المستهلكين
أجمع قراء ContactCars.com على أن شركة "جي بي أوتو" الوكيل الحصري لسيارات "هيونداي" الكورية الجنوبية في مصر أنجح وكيل سيارات في مصر لعام 2009.

وكشف الاستفتاء الذي أجراه الموقع على صفحته الرئيسية لمدة أسبوعين عن اختيار القراء لـ"جي بي أوتو" كأنجح وكيل سيارات في مصر للعام الحالي ، حيث حصلت "جي بي أوتو" على 2436 صوت من إجمالي عدد أصوات بلغ 7441 بنسبة 32.74% .

وجاءت الشركة المصرية العالمية للتجارة والتوكيلات (EIT) الوكيل الوحيد لسيارات "كيا" الكورية الجنوبية في المركز الثاني بعدد أصوات 1860 بنسبة 25%.

فيما حلت شركة "المنصور" للسيارات وكلاء سيارات "شيفروليه وأوبل" في المركز الثالث بعدد أصوات 1083 بنسبة 14.55% ، أما شركة (EIM ) وكيل سيارات "رينو" الفرنسية فقد حلت في المركز الرابع بعدد أصوات بلغ 1404 بنسبة18.78 %.

و"جي.بي أوتو" أكبر شركة لتصنيع وتجميع السيارات مدرجة في مصر ولديها ستة مراكز لخدمة ما بعد البيع ، وتعتزم امتلاك 25 مركزا بنهاية عام 2011.

وتستحوذ "جي بي أوتو" على 27% من سوق السيارات المصرية ، وذلك على حد قول
مدير علاقات المستثمرين في الشركة.
.................................................. .................................................. *
انا ليا تعليق شخصى
انا مش عارف دى غلطة من الموقع و لا تواطؤ لصالح غبور
من المعروف ان نصير هو صاحب توكيل رينو و كيا مع بعض
فما المقصود بتفتيت الاصوات لصالح غبور
غش و خداع و تواطؤ من موقع يفترض فيه الاحترام و المصداقية

هو كمبيعات انجح توكيل فعلا
و دة مش عيبه دة عيبنا احنا

انا ايضا اشعر بأن هناك تواطؤ وخدعة كامنة وراء هذا الإستفتاء

ولكن أعترف تماما بأنه الأنجح من حيث المبيعات (بسبب الظروف الخاصة جدا للسوق المصرية، الجمارك على السيارات هي سيف مسلط فوق رقاب العباد، حتى مسمى الجمارك يجب ان يتم تعديلة ليتطابق مع الواقع المعيشي للمصريين وليطلق عليه الجباية)

خدمات مابعد البيع والصيانة لديهم الكل هنا يشتكي منها ولا حياة لمن تنادي

طب ماهو واضح ان نصير واخد 44 % من الأصوات !!
بس علي رأيك .. خدعة لأن ممكن واحد معاه هيونداي ما يعرفش ان EIM is EIT
غير ان النسبة الإحصائية كاستطلاع عن خدمة العملاء و نجاح وكيل مع عملائه .. يجب الأخذ في الاعتبار تساوي نسب العملاء من حيث المبيعات .. الا لو كان استطلاع مبيعات ( كلاو احصاء و بتاع )

مش مصدقهم ,, ده هنا فى المنتدى أغلب الناس كارهه توكيل غبور الا فيما ندر

يا جدعان كونتاكت فاقد المصداقيه فى كل حاجه

طيب أقولك , كونتاكت كان ومازال بيعمل حوارات مع مديرين التسويق ومسئولى المبيعات

كل ما يكون فى حفله او حاجه تلاقى كل الناس بنفس الرد بخصوص الموضوع ده , يقولك انا ولا اعرف كونتاكت ولا قولتلهم اى حاجه ده فين الخبر ده ؟

اقتباس:

---

المشاركة الأصلية كتبت بواسطة د.محمود صلاح

مش مصدقهم ,, ده هنا فى المنتدى أغلب الناس كارهه توكيل غبور الا فيما ندر

---

+111111111

طالاما انجح توكيل فى مصر....يبقى نعرف على طول انه افشل توكيل....
الناس كلها معاها هيونداى اصلا

يا جماعة اكيد الكلام دة كلة عشان مبيعاتة. و احنا نقول اللي لينا و اللي علينا يعني, مبيعاتة رهيبة و بس! لا تقولي سمكرة ولا دهان ولا حتي صيانة! العربية تدخل طبيعية جدا تعمل صيانة و تعد بال 4 ساعات مستنيها في استراحة رديئة..الخ و تطلع مليانة عيوب و مشاكل! التوكيل دة بيشيل من معظم عربياتة جميع وسائل الأمان و الجنوط و الفوجات عشان يكسب اكتر! دة غير شغل البلطجة في التوكيل و قلة الضمير و شغل الشحاتة من العمال للزباين! و دي شفتها قدام عيني! عربياتة اللي بيقفلها 90% منها بها مشاكل رديئة من التقفيل, هو مبيعات بس اللي ممتاز فيها.

اقتباس:

---

المشاركة الأصلية كتبت بواسطة egyegy

انا ايضا اشعر بأن هناك تواطؤ وخدعة كامنة وراء هذا الإستفتاء

---

هو مش تواطؤ ولا خدعة .. ولكنه خطأ إحصائى فادح ..
من أبسط قواعد الإحصاء هو أن تكون الظروف المبدأية base line متناسبة علشان تعرف تطلع احصاء مظبوطة.
يعنى لو كونتاكت كانت عايزة تعمل احصاء صح كانت تجيب عدد متساوى من عملاء كل توكيل وتخليهم يقيموا التوكيل بتاعهم .. لكن لأن عملاء هيونداى هم الأكثر بكثير ، التوكيل بتاعهم فاز ..

يعنى مثلاً لو جيت فى بلد زى الصين ،وعملت احصاء عن أي الأنظمة السياسية هو الأفضل ، الشيوعية ، واللا الديمقراطية .. فطبيعى هتلاقى الشيوعية واخدة 90% لأن أغلبهم شيوعيين. وده لا يعنى إن الشيوعية بالفعل هى الأفضل.

اقتباس:

---

فيما حلت شركة "المنصور" للسيارات وكلاء سيارات "شيفروليه وأوبل" في المركز الثالث بعدد أصوات 1083 بنسبة 14.55% ، أما شركة (eim ) وكيل سيارات "رينو" الفرنسية فقد حلت في المركز الرابع بعدد أصوات بلغ 1404 بنسبة18.78 %.

---

محدش خد باله من الغلطة دى كمان :)
إزاى رينو فى المكرز الرابع و منصور فى المركز التالت و رينو لها 18 % من الأصوات و منصور له 14%
هههههههههههههههه

اقتباس:

---

المشاركة الأصلية كتبت بواسطة ahmed20_08nubira

طالاما انجح توكيل فى مصر....يبقى نعرف على طول انه افشل توكيل....
الناس كلها معاها هيونداى اصلا

---

ممكن توضح اكتر ؟.

ايه ياجماعة انتوا نسيتوا ساندويتشات الفول

لازم طبعا يكون رقم 1 فى مصر

اقتباس:

---

المشاركة الأصلية كتبت بواسطة mohamed_momi88

هو كمبيعات انجح توكيل فعلا
و دة مش عيبه دة عيبنا احنا

---

احييك

هو ده الكلام:verygood:

No wayyyyyyyyyyyyyyy

مع كامل احترامى لآلاف الاصوات اللى شاركت فى الاستفتاء الجماهيرى ده
ده ما يمنعش ان توكيل غبور - هيونداى من وجهة نظرى مايستاهلش اى تقدير

بس نقول ايه؟

احنا فى بلد العجايب لما يكون المحتكر هو الافضل يبقى اكيد فى مشكلة عندنا فى الحكم على الامور
ولما يستغفل المستهلكين طول السنين اللى فاتت ويبيعلوهم الاكسنت والفيرنا والنيو اكسنت فى نفس الوقت بثلاث شرايح سعرية مع انهم عربية واحدة بأجيال متتالية

يبقى استغلاااااااااااااااال واستغفااااااااااااااال وكسب غير مشروع ولا لأ

طبعا اكيد حضراتكم مش عاجبكم كلامى بس للأسف دى الحقيقة اللى لازم كل واحد فينا يعرفها لو مش عارف او مش واخد باله
وفى اللى هايعمل نفسه مش واخد باله وأهم حاجة عنده قطع الغيار وما يعرفش ان العربية اساسا ما تسواش ثمنها فى التوكيل الناجح المصون