حملة نايل موتورز لوقف نزيف الاسفلت

**Ahmed Nouh** · 15-10-2009 05:05 PM

النزول للجامعات هيبقى سهل لان معظمنا هنا فى جامعات خاصه وممكن نتفاهم مع الاداره

انا اقدر اوفرلكم تصريح لتحضير قاعه ودعوه للطلبه كلهم بندوه كمان لو تحبو ( الجامعه العربيه المفتوحه - مكرم عبيد )

واقدر اوفر لكن تغطيه فى مجلتين على الاقل

**أبو_يوسف** · 15-10-2009 05:10 PM

فكرة جميلة وهتحتاج مجهود كبير

وياريت يا باشمهندس كريم تضيف للافراد المتطوعين المطلوبين مصممين لتنفيذ المنشورات والبوسترات..
وكمان اصحاب مطابع

**MoToRiZeR** · 15-10-2009 06:11 PM

فكرة جميلة كريم باشا .
إقتراحي الوحيد عليها إن النزول لميدان رمسيس و الأماكن الحيوية بالقاهرة غير إنه محتاج تصريحات هيكون لناس معظمها ماشية علي رجليها قد تكون منهم فئة كبيرة مش من قائدي السيارات و بالتالي مش هيشيلوا شنطة إسعافات إلي جانب إن حوادث المدينة بتبقي غالباَ حكة و خبطة و خناقة و إصابات قليلة .. إنما الناس اللي عالدائري و المحور و طريق السويس و طريق الإسماعيلية كل يوم .. دول حوادث الموت و تقطيع الجتت قدامهم بقت روتين خلاص .. لذلك انا بقترح نعمل الموضوع ده في الباركنج بتاعة المولات الكبيرة .. عندنا باركنج داندي مول .. كارفور العبور .. سيتي ستارز .. كارفور المعادي .. بحيث يبقي مضمون إن الفلوس اللي هتتصرف عالحملة تروح في المكان الصح .. غير إن الإتفاق مع إدارة مكان زي كدة هتكون أسهل من تطليع تصاريح من وزارة الداخلية .. غير إن ممكن نعرض عليهم يبقوا sponsers .

تاني حاجة انا كنت بفكر في حاجة .. إحنا عندنا في مصر عامة بنشتم القائد قليل الذوق و نلعن جدوده و لكن القائد الملتزم المحترم لا ينتبه له أحد .. و ده اللي دايماَ بيخليه يقول "يا عم إشمعني انا! ما كلهم بيسوقوا كدة .. انا كمان هعمل غرز .. انا كمان كذا كذا كذا" فا ممكن نعمل ستيكر صغير خاص بالتعبير عن القيادة النظيفة الملتزمة بدون بلطجة علي الغير و تخطي السرعات إلخ إلخ .. فبدل ما يصبح القائد الملتزم مجرد شخص محروق دمه في الشارع و خلاص .. يبقي ده إعلان لأي حد إنه يا جماعة انا بلتزم في السواقة و مش بجري جري الحيوانات بتاعكوا ده .. و ده هيحقق عامل نفسي كويس .. زائد إن شعور الإنتماء لحاجة هيقوي تمسكوا بالقيادة المتزنة خاصة أما يشوف الستيكر علي عربية تانية و يحس إن فيه ناس بتسوق زيه و بتعاني و يقعدوا يجاملوا في بعض و بتاع (زي كدة اما إتنين ذوق يتقابلوا في تقاطع و كل واحد مصمم التاني يعدي الأول لحد ما الشارعين يقفوا :D ) .

ده إقتراح تاني لعملية ال brainstorming اللي في الموضوع .
و اؤيد إن لازم يكون لينا دور كجزء من المجتمع .. اللي عند الحكومة عملته و ده أخره .

**كابوس الليل** · 15-10-2009 06:33 PM

المشاركة الأصلية كتبت بواسطة motorizer

فكرة جميلة كريم باشا .
إقتراحي الوحيد عليها إن النزول لميدان رمسيس و الأماكن الحيوية بالقاهرة غير إنه محتاج تصريحات هيكون لناس معظمها ماشية علي رجليها قد تكون منهم فئة كبيرة مش من قائدي السيارات و بالتالي مش هيشيلوا شنطة إسعافات إلي جانب إن حوادث المدينة بتبقي غالباَ حكة و خبطة و خناقة و إصابات قليلة .. إنما الناس اللي عالدائري و المحور و طريق السويس و طريق الإسماعيلية كل يوم .. دول حوادث الموت و تقطيع الجتت قدامهم بقت روتين خلاص .. لذلك انا بقترح نعمل الموضوع ده في الباركنج بتاعة المولات الكبيرة .. عندنا باركنج داندي مول .. كارفور العبور .. سيتي ستارز .. كارفور المعادي .. بحيث يبقي مضمون إن الفلوس اللي هتتصرف عالحملة تروح في المكان الصح .. غير إن الإتفاق مع إدارة مكان زي كدة هتكون أسهل من تطليع تصاريح من وزارة الداخلية .. غير إن ممكن نعرض عليهم يبقوا sponsers .

تاني حاجة انا كنت بفكر في حاجة .. إحنا عندنا في مصر عامة بنشتم القائد قليل الذوق و نلعن جدوده و لكن القائد الملتزم المحترم لا ينتبه له أحد .. و ده اللي دايماَ بيخليه يقول "يا عم إشمعني انا! ما كلهم بيسوقوا كدة .. انا كمان هعمل غرز .. انا كمان كذا كذا كذا" فا ممكن نعمل ستيكر صغير خاص بالتعبير عن القيادة النظيفة الملتزمة بدون بلطجة علي الغير و تخطي السرعات إلخ إلخ .. فبدل ما يصبح القائد الملتزم مجرد شخص محروق دمه في الشارع و خلاص .. يبقي ده إعلان لأي حد إنه يا جماعة انا بلتزم في السواقة و مش بجري جري الحيوانات بتاعكوا ده .. و ده هيحقق عامل نفسي كويس .. زائد إن شعور الإنتماء لحاجة هيقوي تمسكوا بالقيادة المتزنة خاصة أما يشوف الستيكر علي عربية تانية و يحس إن فيه ناس بتسوق زيه و بتعاني و يقعدوا يجاملوا في بعض و بتاع (زي كدة اما إتنين ذوق يتقابلوا في تقاطع و كل واحد مصمم التاني يعدي الأول لحد ما الشارعين يقفوا :d ) .

ده إقتراح تاني لعملية ال brainstorming اللي في الموضوع .
و اؤيد إن لازم يكون لينا دور كجزء من المجتمع .. اللي عند الحكومة عملته و ده أخره .

عجبانى اوى فكرتك خصوصا عند سيتى ستارز وكارفور ونعمل شعار يكون حاجة تكون مشجعة وممكن كمان يجلنا لو الحكاية كبرت دعاية وكدة يعنى يبقا مثلا تحت شعار المنتدى اعلان لكوكولا او شبيسى و كدة

**بحري** · 15-10-2009 09:07 PM

تفكير موفق وأسأل الله أن ييسر إتمام هذا المشروع
لكن
تصريح رسمي يعني لازم نكون هيئة رسمية مصرح بها وتعني أيضا كمية عراقيل وكلاكيع ومساءلات بلا حدود لأن الوضع عندنا إلى الآن لم ينضج بالقدر الكافي للتعامل مع الجمعيات الأهلية ومنظمات المجتمع المدني كما يطلقون عليها
فالذي أراه والله أعلم هو الوصول إلى صيغة عملية واقعية غير متعارضة مع النظام العام وغير مزعجة للجهات الأمنية والرسمية والتدرج في هذا الأمر شيئا فشيئآ إلى أن تصلح الأحوال
أنا عارف إن الموضوع محترم وبسيط ومش مستاهل إن حد يكلكعهولنا ولكن أنت في مصر يا صديقي وعارف برضه إن التصريح الرسمي بيدي دفعة جيدة ولكن لله الأمر
ممكن الحملة تبدأ على الإنترنت والمحمول ببعض التصميمات والعبارات التي يمكن وضعها كتوقيعات في المنتديات وإرسالها على الإيميلات
ويمكن أن يتطوع عدد من الأعضاء بنشر الفكرة في بعض المنتديات الشهيرة من خلال خطة دعاية منظمة
ويمكن الاتفاق مع دور نشر رسمية ومصرحة بطباعة بعض الاستيكرات والمطويات بسعر التكلفة كنوع من المساعدة
ويمكن الاتفاق على توزيع الاستكرات من خلال الأعضاء ومن خلال محلات الاكسسوارات بسعر التكلفة أيضا أو بهامش ربح ضئيل للمحلات التجارية
يعني دي بعض الأفكار وأنا تحت أمرك يا كريم في أي حاجة
بالتوفيق

**Eslam.Elrefaey** · 15-10-2009 09:15 PM

ممكن أسأل فى جامعة المنصورة عندى هنا هينفع فى المنصورة ولا لأ

**Nile_Storm** · 15-10-2009 09:47 PM

كلام جميل جدا
و ربنا يقدرني اساعد و انا في وسط دوشه الامتحانات دي :(
و راي موتوريزر جميل و اسهل في التنفيذ و قريب من الناس المستهدفه بالحمله الا وهم سائقي السيارات و تحديدا بالطرق السريعه
و هيكون استخراج التصاريح اسهل

**محمد محمد** · 16-10-2009 12:02 AM

المشاركة الأصلية كتبت بواسطة كابوس الليل

عجبانى اوى فكرتك خصوصا عند سيتى ستارز وكارفور ونعمل شعار يكون حاجة تكون مشجعة وممكن كمان يجلنا لو الحكاية كبرت دعاية وكدة يعنى يبقا مثلا تحت شعار المنتدى اعلان لكوكولا او شبيسى و كدة

ممكن كوكا كولا تعملنا شعار علشان تنقذوهم روحوا اسعفوهم

المشاركة الأصلية كتبت بواسطة ba7ary

ممكن الحملة تبدأ على الإنترنت والمحمول ببعض التصميمات والعبارات التي يمكن وضعها كتوقيعات في المنتديات وإرسالها على الإيميلات
ويمكن أن يتطوع عدد من الأعضاء بنشر الفكرة في بعض المنتديات الشهيرة من خلال خطة دعاية منظمة
ويمكن الاتفاق مع دور نشر رسمية ومصرحة بطباعة بعض الاستيكرات والمطويات بسعر التكلفة كنوع من المساعدة
ويمكن الاتفاق على توزيع الاستكرات من خلال الأعضاء ومن خلال محلات الاكسسوارات بسعر التكلفة أيضا أو بهامش ربح ضئيل للمحلات التجارية
يعني دي بعض الأفكار وأنا تحت أمرك يا كريم في أي حاجة
بالتوفيق

افكار حلوة وممكن تكون هي دي البداية واضيف علي كده ان المطويات اللى بتتعمل ندي جزء منها لبائعي الصحف اللى علي الأرصفة نشوف في كام عربية بتعدي عليه يوميا وهو يوزعها مع الجرنان اللى بيتباع والفكرة دي بشوفها عندنا في العبور بس بيبقي اعلان عن محلات او منتجات وبيدي الأعلان مع كل جرنان ممكن كمان نحط المطوية مع كل مجلة سيارات بطريقة اعلانات كنتاكي اللى بتتوزع مع الأهرام كل جمعة كمان ممكن ننزل احنا بنفسنا لأماكن تجمع السيارات النقل ونلقي عليهم محاضرة وممكن كمان ندي نسخة من المطويات والأرشادات اللى احنا مصمميتها لتوكيلات السيارات تتطبعها وتديها لكل عميل جاي يشتري عربية جديدة او جاي يعمل صيانة زيها زي شهادة الضمان والكتالوج اللى بيجي مع السيارة.

**Karim_Monir** · 16-10-2009 03:40 AM

كلام جميل جدا وهو ده التفاعل اللي مستنية
بالنسبة للمنشورات وطبعاتها ان شاء الله مش مشكلة
بلاش ميدان رمسيس
فكرة حلوة باركينج المولات لان هو ده العميل المستهدف
يبقي نكلم باركينج كارفور وداندي مول وبقية المولات
محتاج فعلا تصاريح زيارة للجامعات ودي في ايدكم انتم كطلبة
تكلمو شئون الطلبة
وشنوري اقترح اقتراح ظريف مش عارف هانعرف نحققه ولا لاء
نكلم مرفق الاسعاف نفسه ونحاول ننظم حمله معاهم احنا ننظم الحملة ونجهز الاماكن وادوات المحاضرة والمنشورات
وهما يلقو المحاضرة بطريقة علمية والدكاترة بتوعنا يساعدو فيها
وننشر زيارت الحملة على الفيس بوك واليوتيوب وفي تواقيعنا
وبعد كدة بفترة نعمل ملصق سائق ملتزم
هايل افكاركم
في انتظار افكار دكتور احمد سمير كخبير اعلامي محنك
وفي انتظار راي دكتور احمد عبد الغني وراي دكتور شريف منسي كاطباء كبار يهمنا رايهم في حملتنا ودعمهم لها
شكرا لكل تجاوبكم وفي انتظار باقي افكاركم لتجميع الافضل والممكن تحقيقة

-

الموضوع: حملة نايل موتورز لوقف نزيف الاسفلت

LinkBack

أدوات الموضوع

عرض

-

-

-

-

-

-

المواضيع المتشابهه

نزيف الاسفلت مستمر ..بسبب تقاعس و اهمال الحكومة الفاشلة

و مازال نزيف الاسفلت مستمر - قتيل تاني علي الاتوستراد

الى متى سيظل نزيف الاسفلت يا بلد

إقتراح للسيد رئيس الوزراء لوقف نزيف الأسفلت

الكلمات الدلالية لهذا الموضوع

المفضلات

المفضلات

ضوابط المشاركة