الموضوع: حملة نايل موتورز لوقف نزيف الاسفلت

سلام عليكم ورحمه الله
عايز ابدأ وبمساعدتكم حملة نايل موتورز للتوعية بارشادات الاسعاف الاولي
وتكون دي اول حملة من المنتدى تجاه بلدنا
لان لازم يكون للمنتدى دور ايجابي تجاه البلد اللي عايشين فيها

وانا هانزل اشتري دمية ومكونات شنطة اسعاف الواحد ممكن يحتاجها بجد مش بتاعت الوزارة وكمان ميكرفون ونطبع يافطة محترمة باسم المنتدى للنزول بيها في الميادين والجامعات
وعايزين دكاترة تكتبلي ارشادات طبية وهاطبعها على حساب المنتدى
وننزل نوزعها في الميادين
ونعمل حملات توعية ننزل بيها الجامعات
ننزل بيها ميدان رمسيس والميادين الزحمة
نعلم الناس لما تشوف حادثة تتعامل ازاي مع الموقف
طالما مش قادرين نوقف نزيف الاسفلت
وهانتفق مع برامج التوك شو تيجي وتصور الحملات
عشان صوتنا (بحملة نايل موتورز لوقف نزيف الطريق) يوصل لكل الملايين في مصر
طالما مش قادرين نوقف نزيف الاسفلت
نبقي نقلله على قد ما نقدر ونعرف ازاي كيفية التصرف في الحوادث
عندنا خطوات لازم نبدأها
اولها:
اطباء متبرعين بوقتهم وجهدهم وعايزين يساعدو بجد
يعملو ورشة عمل مصغرة بينهم نتفق على ارشادات الاسعاف الاولي اللي هايتكتب في المنشورات
ثانيا:
اطباء عندهم استعداد يشرحو في حملات كيفيةاداء الاسعافات الاولية
ثالثا:مجموعة منكم تجيبلنا موافقة من الكليات والجامعات التابعين لها بنزولنا للجامعة والشرح للطلبة كيفية اداء الاسعافات
رابعا:مجموعة منكم هاتكون لابسة زي موحد ومطبوع علية نايل موتورز هاتتولي تنظيم الحملات دي وتوزيع المنشورات اللي بتحتوي على الاسعافات الاولية
خامسا ازاي نوعي الناس بالقيادة الصحيحة وده يكون عن طريق كتابة ارشادات مختصرة
ويكون عندنا ناس ليهم حضور والقاء جيد يقدرو يوصلو المعلومة بسهولة وتفاعلية

ده عصف ذهني للي في دماغي ومستني بقية مقترحاتكم
عشان نبدأ الحملة قريب ان شاء الله
وهاعمل موضوع قريب عن اللى عايز يشارك في الحملة يسيب اسمة ورقم تليفونة والميل بتاعة عشان سهولة التواصل

كريم منير

انا كمان معاكوا نشوف نقدر نعمل ايه وان شاء الله نعمله
فكرة اكثر من ممتازة فعلا جه الوقت اللى لازم نكون فيه ايجابيين اكتر وبفاعلية وعلى ارض الواقع