صيانة الخليجي في التوكيل

**ah_3dman** · 15-10-2009 03:49 PM

صباح الفل اللول على أحلى منتدى فيكي يا جمهورية مصر العالمية

أفيدوني يا شباب
ف ex خليجي معروضة ١١٢ ألف بس أنا خايف من الضمان بتاعت الوكيل عليها ٥ سنين ضمان إيه الاحسن
خليجي ولا وكيل د أول حاجة
تاني حاجة
هل أنا ممكن أعمل الصيانة بتاعتي مع الوكيل عادي ولا هايتعبوني يعني هلاقي نفس معاملة العربية الوكيل
ولو في فرق فلوس يكون في حدود كم كل صيانه

وهما كلموني على ضمان aaa 2500
وقالولي عنو إنه يديني الحق ف أول صيانة
مجانا زي العربيه الوكيل ده غير إن الصيانات
اللي بعد كده كلها هتمشى عادي جدا

هل ده يبا كويس ولا لاء

معليش طاولت عليكم بس يا ريت ردود جدا جدا ويا ريت حد عنده تجربة يحكيلي عشان كلة يستفييد

جزاكم الله خيرا عني

**A.Saad** · 15-10-2009 07:17 PM

التوكيل بيدخل الصيانة عادى بس المصنعية اغلى

**medoxmedox** · 16-10-2009 01:49 AM

يا مان ضمان تربل ايه دا زباله
انا معايا ضمان تريبا ايه
جهاز ظبط الزوايا هناك بايظ بقالو اكتر من شهر
جهاز كشف الاعطال مش معموللو اب دات و مبيعرفش يكشف عن اعطال الاير باج
الكاوتش كان منفوخ علي 44 و قالولي عملو تشيك و هما لا عملو والا حاجه
و اخيرا اول صيانه مش ببلاش

نصيحه ,,,, سيبك من الضمان الزباله دا

**akram2010** · 16-10-2009 01:54 AM

ياعمو اشترى هيونداى ولا لانسر كلاسيك فى مصر اى ميكانيكى بيصلح واشترى فلوسك ودماغك وشغل وكالات حراميه والبقشيش ال بيدفع للفنى داخل التوكيل يكفى لاجرة ايديه فى ورشته برة ياعم دماغك

**Ahmed Samy** · 16-10-2009 05:41 AM

المشاركة الأصلية كتبت بواسطة akram2010

ياعمو اشترى هيونداى ولا لانسر كلاسيك فى مصر اى ميكانيكى بيصلح واشترى فلوسك ودماغك وشغل وكالات حراميه والبقشيش ال بيدفع للفنى داخل التوكيل يكفى لاجرة ايديه فى ورشته برة ياعم دماغك

هو حضرتك بيتكلم عن باسات مثلا ؟؟؟

دي كيا برضه و أي حد يفهم فيها

موتورها هو موتور الالنترا بفرق بسيط...ولا إيه ؟؟؟

دا حتى موتور الإلنترا كان متطور عنه مش كده !!!!

و عموما ..كون ان الواحد بيحب يتعامل مع الوكيل فده من باب الحفاظ على العربية يعني معايا عربية كويسة
و في ظهري و كيل محترم -مش من اياهم بتوع الفول في فرش الباب- و اروح لصنايعي بره علشان أوفر 30 40 جنيه !!!

و بعدين حضرتك بتشجع الشرا من الوكيل دايما ....و الصيانة في الوكيل برضه

ايه التغيير ده ؟؟ ولا هو ما خلا غبور مالوش نفس ؟

و على فكره

كيا ...ما فيهاش بقشيش لأنهم ناس محترمين

البقشيش عند عمال النظافة اللي رقوهم فنيين عند غبووووووووووووووووووووووو وووووووووووووور:10d5c8~1107:

**A.Saad** · 16-10-2009 08:32 AM

اه اشترى هيونداى
اه اما تروح التوكيل تلاقى حد تتكلم معها من ضمن العملاء اللى هناك اللى مستنيين من بدرى
وتلاقى حد تفضفض معاه عن مشكلتك اللى مش عارفين يحلوها

مش توكيل كيا اللى فاضى وتلاقى بالكتير فى الصالة 20 واحد