حمدا لله علي سلامتك يا استاذ سمير.
عرض للطباعة
اولا.. ألف شكر ليكوا كلكوا علي أهتمامكوا
نيجي بقا للأصلاحات اللي أتعملت ...
تمت عملية الاصلاح في توكيل تويوتا بأبورواش و كانت كالتالي :
- تغيير الرفرف الشمال الامامي = 520 جنيه
- تغيير الفانوس الشمال الامامي = 495 جنيه
- تغيير غماز الاشارة الجانبي الايسر = 85 جنيه
- تغيير طاسة العجلة الشمال الامامية = 305 جنيه
- سمكرة و أستعدال خبطة بالعتب الشمال و رش الجانب الشمال = 350 جنيه
- فحص و صيانات روتينية = 220 جنيه شملت الاتي حسب طلبي :
1- فحص الاطارات الامامية نتيجة أحتكاكها بالسيارة الاخري و بالرصيف أثناء الحادثة و الحمد لله الاطارات سليمة بنسبة 80 %
2- ظبط زوايا و تربيط عفشة و ترصيص اطارات
3- الكشف علي السوائل (زيوت - مياه)
4- تنظيف الردياتير من الخارج و الكشف الظاهري علي الموتور و السير (كاتينة)
5- الكشف علي العفشة و معالجة صوت (تزييق) في المساعدين الخلفيين
6- فحص الراديو و الكاسيت لوجود زنة أثناء التشغيل
7- الكشف علي تيل الفرامل و الطنابير
.... تقييم مبدئي لأداء العربية بعد خروجها من التوكيل :
1- الاتزان و الثبات 10/10
2- السحب و سرعة الاستجابة : العربية بقت أستجابتها زي ماكانت جديدة يعني زادت لدرجة اني شكيت في الفرامل
3- تقفيل الاجزاء اللي تم تغيرها ممتاز
4- الدهان و البوية رجعت تاني زي الاول كأنها جديدة
5- التزييق اللي في المساعدين أختفي
6- الزنة اللي في الراديو و الكاسيت أختفت و كمان صوت السماعات أرتفع عن الاول (يبدو أنهم ظبطوا وضع السماعات من السيتينج اللي في الكاسيت)
من الاخر حاسس ان العربية رجعت 20000 كم لورا
.... تقييم التوكيل :
طبعا توكيل تويوتا توكيل محترم لماركة محترمة و عريقة و هو في غني عن تقييمي ليه و لكن ممكن نقول أنهم ناس فاهمة جدا صحيح مابيتكلموش معاك كتير و مش بيوضحوا ليه هما بيغيروا الحاجة دي رغم اني ماطلبتش و لكنهم عملوا اللي أنا عايزه و قولت لهم عليه و أكثر شويتين , مشكلتهم الوحيدة الوقت الناتج عن نقص قطع الغيار خاصة بالنسبة للياريس و اللي عرفته منهم أن العربية دي مش هاتنزل تاني خلاص (يعني اللي جاب ياريس جاب خلاص و عدي :36_6_3[1]:)
.... ملحوظة : التابلوه و الايرباجز لم يتم لمسهم لأن الحادثة كانت بسيطة و الخبطة سطحية و في الجانب
أسف اني طولت عليكوا
و تقبلوا تحياتي
م/ سمير الشهاوي
بصراحة أنا لم أهتم بالحديث في هذه النقطة تحديدا و لكن انا كنت سمعت مرة من أحد مندوبي المبيعات في تويوتا اثناء معرض أوتوماك ان الياريس مش هاتنزل تاني و هاينزلوا مكانها كورولا 1400 سي سي لكن الكلام ده لم يكن مؤكد وقتها لكن دلوقتي بعد اللي شوفته من نقص شديد جدا في قطع الغيار ممكن أبدأ في أني أصدق أن الياريس مش هاتنزل تاني
حتى لو مش هاتنزل تاني
ازاي مفيش قطع غيار
ومش عارف طاسة ايه دي اللي ب 300 جنية
ده طقم الجنوط الاسبور ب 2300 جنية
معلش الف سلامة و فداك و انا شايف الحمد لله الخبطو مش صعبة و حترجع احسن من الاول ان شاء الله
ده مش بس كده ده انا كنت بسأل علي الطاسات بتاعتها بره و مش لاقيها لاقيت الاستعمال للكورولا ب 180 جنيه
و معظم أكسسوارات العربية الياريس مش موجودة
نفسي أفهم أزاي عربية تنزل السوق و تحقق مبيعات عالية كده و مافيش لها قطع غيار حتي في التوكيل و تنتظر 3 أسابيع
طيب اللاند كروزر كمبروسر التكييف بتاعها مش موجود بالتوكيل و شوفت عربية مركونة بقالها 3 شهور في أنتظار الكمبروسر ييجي من بره
بالذمة ده مش أسمه تهريج
قدر الله و ما شاء فعل
ألف حمد لله على سلامتك و فداك 100 عربية
الف سلامه ,اللي يجي في الحديد بقشيش