عرض للطباعة
دي هاتبقي اول عربيه ليا ان شاء الله فماذا تختار لو كنت مكاني انا عايز عربيه نضيفه كده و كويسه في الشد و فيها كماليات تريحيني
في ناس بتخوفني من الهوندا و البي ام و بيقولولي انهم قدام ؟ و اجيب حاجه احدث لانهم راحت عليهم و هايتعبوني .. حاجه زي اللانوس او فيرنا بس انا بحب العربيتين دول من زمان فما رايكم ؟ ؟
اللى ماركبش هوندا ولا بى ام والموديلين دول بالذات ,ويقولك هات فيرنا او دايو ,يبقى مايعرفش اى حاجة فى العربيات
شوف انت لو هاتجيب هوندا يبقى لازم يكون قلبك جامد عشان العربية سريعة جدا جدا وثابتة جدا جدا جدا ,دول 130 حصان 1600 si اللى مافيش عربية من 2010 عملتها الا لما اتركبلها تيربو ,العربية فيها فتحة سقف مرايات كهرباء عفشة رياضية بالكامل ,فوج لايت انجيكشن ,2 كامة ,تكيف اربع سرعات,السيارة كلها من الداخل مغطية بالجلد حتى الابواب والطارة وفرامل اليد والكونسول واسعة مريحة ,هتلاقى منها فيها abs وايرباج بس نادرا ,ازاز كهرباء للاربعة ابواب ,سنتر, اتوماتيك متطور بدون فصل للنقلات تقريبا خمس سرعات بس مش متاكد من المعلومة دية ,قطع غيار غالية نسبيا بس صدقنى ركبها وانساها فعلا ,والقطع الغيار الاستيراد منها بتعيش جامد اوى ,لان الموديل دة تحفة بجد ,خصوصا شكلة الرياضى جدا
عيوبها :واطية مع التحميل,قطع غيار غالية ,وفيها حاجات قليلة ولو لقيتها هتلاقيها غالية ,لازم توقع سيارة نظيفة مع ان كل اللى راكب هوندا بيهتم بيها بس هتلاقى واحد مهتم بيها اوى,واكيد انت بتشوف كم السيارات اللى بتعطل من الجديد واكيد مش هاتشوف هوندا الا كام عربية كل سنتين تلاتة
البى ام 316 :موديل 92 :السيارة دية جميلة جدا بمعنى الكلمة لو هاتجيبها 316 يبقى الهوندا اسرع بكتير ,البى ام ثابتة جدا مريحة واسعة ,فيها بردة فتحة سقف ,ازازا كهرباء ,سنتر,شكل رياضى وجميل
العيوب :ارتفاع قطع الغيار عن الهوندا يعنى البى ام اغلى ,واطية بس مش زى الهوندا ,بتتحمل اكتر من الهوندا دة المانى ياباشا مافيش كلام علية
ادى اوبشن الاتنين وانت اختار
الهوندا بتتفوق على سيارات من نفس فئتها فى موديلات 2000 من حيث السرعة ,والثبات ,والنعومة ,وقلة الاعطال,والرحابة ,والشكل ايضا
شكرا يا شباب يعني اتكل علي الله و ادور علي واحده و اسيبني من اراء الدايو و الهيونداي ؟؟
و semsem kane
شكرا بس انا كنت اقصد ال e30 موديل 1989 و ليس ال e36 .. و سوال كمان بما انك خبره في السيفيك ... لو لقيت واحده ex عاديه و سعر كويس و حاله كويسه اتكل علي الله و هاتكون كويسه و موتورها شديد ؟؟ و لا ادور علي si احسن ؟؟ اصل انا عايز جاجه stock عشان مايبقاش ملعوب فيها .. و ال si عامله كام كده ؟؟
شوف فية فرق بين الex والsi وفرق كبير كمان
ex:
1500 سى سى كربراتير كامة واحدة علوية وعفشة عادية ,وفى منها عادة وفى منها اتوماتيك وفى منها بازاز كهرباء وفى من غير يعنى الاوبشن مش هاتلاقية كلة وفى كمان مافيهاش اربى ام وطبعا من غير فتحة سقف ,وتكيفها مش قوى وبتعمل فى حدود 35 الف لحد 38 الف حالة نظيفة موديل 92-93 وعلى فكرة اخرها حوالى 190 200 مشس بتجيب اكتر بس شديدة بردة فى الجرى وقوتها 106 حصان
الsi:تحفة بجد وانت عارف اوبشنها اللى انا كاتبة فوق عامل ازاى وبتعمل من 45 الى 50 ال وفية بيبقى عارضها على 52 لو حالتها نظيفة جدا وصيانتها بتتعمل فى التوكيل
طيب لو واحده كويسه و مثلا مجنط بس او كده .. اعرف ازاي انه مش مطلع عيين العربيه ؟؟ و بيلعب بيها و كده ؟؟ اصلا انا خايف من ال si من كده و انا ماليش خبره في موضوع المستعمل ...
العربيتين حلويييييييييييييييين قوى
البى أم ال e30 كانت أول عربية جبتها........بس عملتى مشكلة كبيرة الى وقتنا هذا........مبعرفش أركب عربية تانيى أقل منها فى الثبات :)
يعنى جبت بعدها أوبل فيكترا 97 و كانت ثابتة جداً.....بس برضه مش زى البى أم
و جبت الميجان و برضه ثباتها ممتاز بس مش زى البى أم....و عشان كده جبتلها مساعدين كونى سبورت مش عاديين.
البى أم هتلاقى سحبها و تجميعها أقل من الهوندا ال si بشوية كويسين........بس فى المقابل ثباتها أحسن بشوية كويسين برضه.
بصراحة مش عارف أنصحك مين أحسن و خصوصاً أنك بتقارن Si مع البى أم..............بس لو EX يبقى بى أم أحسن.
ممكن تدفع 250 جنية وتوديها التوكيل هايطلعلك تقرير كامل عن حالة السيارة,وبردة بيبان من السيارة نظافتها والاهتمام بيها ,حتى لو كان بتاع جرى وشد بس محافظ عليها وبيعملها اللازم اول مابتحتاج مش بيهملها يبقى خلاص مافيش اى مشكلة
مساء الخير ياجماعة
لولا حضرتك كتبت في المقارنة ولا حاجة تانية انا مكنتش اتكلمت
انا رايي
الهوند والبي ام مع بعض الهوندا احسن ميت الف مرة بس في اللي احسن من الهوندا 200 الف مرة في الاتي
الموديل
اسعار قطع الغيار
قلة الاعطال بالذات
المواتير
اعادة بيع احسن بكتير
ثبات (الاتنين زي بعض محدش هيتفوق على التاني وبالذات بعد العفشة الاسبور)
لانسر كريستالة سواء من 96 لغاية موديل 2000
ممكن تجيبلك واحدة موديل 98 ب45 مثلا
ترمي عليها المكنة اللي نتا عايزها بعد متدخل المتورين راس براس
والاختيارات كالاتي
1600 107 حصان
1500 2كامة (موتور جميل اوي ) 118 حصان
1800 118 حصان
2000 سي سي 137 حصان
مايفيك 1600 170 حصان اتنين كامة
مايفيك 2400 174 حصان عشان للاسف متور سنجل كام(كامة واحدة )
والايفو بقى وعليك خير من اول 250 لغاية زي منتا عايز حسب سعة متور الايفو والتعديلات وبتعدي ال700 حان بس ده شغل عالي اوي اوي في التعديل
اختار منهم اللي نتا عايزو واسعارهم مش غالية خالص ومواتير مبتعطلش مش بتاعت وجع دماغ زي الهوندا
وتنزل عفشة رياضية مع جنط كبير واي بي اس لو هتسقط مايفيك
(الابي اس مش ضروري غير مع المايفيك )
هتركب عربية اعادة بيعها جميلة قطع غيارها موجودة في كل مكان واسعارها حلوة وفوق كل ده متسوبيشي وموديل عالي كمان
لو نويت ان شاء الله قلي وباذن الله اقدر اساعدك لاني معايا كريستالة ومسقط فيها
e30 & civic
فى اختلافات كثيره جدا
الدفع و الجر : سيفك جر امامى و ال بى ام دفع خلفى ( دفع خلفى افضل بكثير )
الموتور : سيفك موتوره حامى و البى ام ميتركبش الا 6 سليندر ( دا راى شخصى )
العفشه و الثبات :السيفك ثابته بس البى ام اثبت بكثييييير و صيانة العفشه اقل بكثير من السيفك
اتساع الصالون : السيفك صالونها واسع مع مقارنه بال e30
المتانه و القوه : سيفك قويه بس مش فى قوة e30 ( قوة صاج و تتحمل القياده العنيفه والبهدله)
انا شخصيا افضل بى ام
ياباشا هو لو عايز يجيب عربية ويسقط مواتير ويعدل يبقى كنت قولتلة اشترى sir هوندا وعيش حياتك واجرى براحتك مع اى عربية تعجبك هتبهدلها فى كل النقلات
بس المشكلة دلوقتى انة تقريبا عايز يجيب عربية على فابريكتها يعنى مش عايز لعب وتعديلات
فشوف اختياراتك
يعنى لو عايز عربية من غير تعديلات يبقى الترتيب هيبقى كدة :
1:هوندا سيفيك :130 حصان ,2 كامة,Si 1600
2:بى ام دبليو :92 حصان 1600
3:لانسر كريستالة :1300 سى سى كربراتير 89 حصان او 92 مش فاكر
دة من غير تعديلات :هتعدل انت وفلوسك واللى تقدر تدفعة كلة منزل مواتير وهمية وجبارة بس الاحسن الهوندا سعات قليلة وهورس باور وعزم عالى جدا بيوصل ل185 حصان من 1600 بس
عشان تلاقى القوة دية فى الانسر او البى ام هاتدفع جامد فى كل حاجة بنزين وضرايب
والمتانة كلهم كويسن جدا بس اكيد الافضل الالمانى
على فكرة ال185 حصان اللي حضرتك قولت عليهم دول بيصفو 170 بعد الجهد الضايع والوزن زي المايفيك ال1600 في اللانسراقتباس:
المشاركة الأصلية كتبت بواسطة semsem kane
المايفيك بيدي 185 حصان وصافي 172 تقريبا
فبرضو هيلاقي القوة مع الانسلر بقطع غيار ارخص وعمر اطول واعادة بيع احسن وموديل اجدد
كل دة بيحصل لكن مع الهوندا لأ
لان b16b بيتحط على الداينو بيخرج 185
b16a بيتحط على الداينو بييجب 175 فعلى بالفلتر من غير الفلتر بيجيب 170
والانسر لاتقارن بالهوندا .الهوندا اشد بكتير وبمراحل ,حتى المتانة والشكل والتجهيزات
بس المشكلة انة الاخ عامل الموضوع دة عشان يختار عربية فياريت يكون الاراء فى اطار الموضوع
وبعدين الاتنين جامدين وخصوصا الميراج بس صدقنى لايعلى على الهوندا كفاية ان فى السيارة الاستوك يعنى من غير التعديلات وموديل 95 وتكنولوجيتها احسن من موديل 2000 بتاع الانسر وكمان اغلى منها ,دة غير انة دة 1300 ودة 1600 انجيكشن مش كربراتير ,يعنى مش كل اللى هايجيب عربية هايؤروح شايل الماتور وحاطط ماتور تانى ,لا انا بتكلم دلوقتى عن الاستوك ودة اللى بيخليك تشترى العربية وعارف حاجاتها اية مش لسة هاتدور دة غير ان مع تسقيط الماتور التوكيل مابيرضاش ياخدها ,لو مثلا حبيت تعمل الصيانة فى التوكيل دة غير قرف التسقيط ومشاكلة
فانت لو هاتقارن عربية قارن بالاستوك مش تقولة غير المواتير
بجد والله العظيم مش عارف اشكركم ازاي كلكم علي المشاركات دي و الله فعلا شكرا ..
انا خلاص قررت علي ال honda civic ان شاء الله ادعولي بس الاقي حاجه نظيفه ..
twincam
شكرا جزيلا علي مساعدتك و ارائك و لكني افضل الهوندا لانها حلم من فنره بالنسبه لي , الكريستاله جميله جدا و لكن مش عراف حاسس انها مش رغبتي و لا اعتقد انها افضل من الهوندا الا في انها احدث فقط في رائي ..
speed4speed
شكرا يا باشا بجد , انا خلاص قررت علي الهوندا حتي والدي يميل لها لان البي ام اقدم و هو خايف من قانون الاحلال ده .. انا لو كان معايا فلوس ال e36 كنت اشتريت عليطول و لكن ما باليد حيله ههههه
semsem kane
اشكرك من كل قلبي ههههه انت عرفتني الي ماكنتش عارفه عن السيفيك باسلوب بسيط بس باقي تدعيلي الاكي واحده كويسه .. سواء ex او si لاني شايف ان ال si معظمهم مظبطتين و كده و كن ال ex فيهم كتير stock و ده الاحسن علي ما اعتقد ..
سوال كمان خفيف كده اعتقد ان لو العربيه دخلت سمكره و دوكو و جنط كده 15 ولا حاجه تبقي تمام صح ؟؟ و تعرف العمليه دي تتكلف كام ؟ و مين احسن حد فيها ؟
طيب يا شباب سوال اخير .. لي صحابي بيقلولي اني مافكرش في القديم و اجيبلي فيرنا او اي حاجه و ان الجديد له طعم تاني و انه اكيد افضل من القديم .. فهل كلامهم صح ؟ و هل الفيرنا فيها حاجه مش موجوده في السيفك ؟
على فكرة ياباشا عنوان الموضوع كان واضحاقتباس:
المشاركة الأصلية كتبت بواسطة semsem kane
الراجل بيقول هوندا ولا بي ام ولا حاجة تانية؟
اقرا العنوان كويس ياباشا فنا مخرجتش عن الاطار ولا حاجة حضرتك بس مكنتش مركز
وبعدين ياباشا انا كلامي ده عن تجربة
الهوندا جامدة جدا طبعا مفيش كلام بس قطع غيارها غالية اوي وبتصرف كتير ده غير الحاجات اللي بتظهر فيها كل شوية
بص ياباشتا هوندا يعني كل شوية صرف عليها واي ركيب هوندا يقولك كده
على سبيل المثال جوز الكبالن في الهوندا ب1700 جنيه
جوز الكبالن في الانسر اللي صعب اوي اوي يبوظو ب550 جنيه
والعربيات زي المزيكا وكل واحد ودماغو بس صدقني
انا ركبت الاتنين كتير
بجد الانسر الموديل ده ممتازة جدا من حيث كل حاجة
انا اتحداك تطلعلي فيها عيب واحد
سيفيك 92 عربية قديمة ومتعبة اوي وهتوجعلك دماغك
انا نقلت رايي وحضرتك حر وربنا يباركلك يارب
ومفيش حاجة مريحة في حوار الصرف والاعطال زي الكورولا ال98 مثلا والانسر ال98 والانسر افضل كمان لرخص قطع غيارها وطول فترته وجمال العربية
هوندا لاء وبالذات الموديل ده
شوف ياباشا انا معايا هوندا بس sir وصاحبى معاة كريستالة 99 وهو عارف مستوى الفرق بين الاتنين دية كفاية ان يكون صاحب العربية ومالكها معترف بحاجة زى دية دة غير رائى اصحابى بردة واكيد ركبوا الاتنين
يعنى مش هاقدر اقولك ان اللانسر وحشة بالعكس جميلة جدا جدا وسيارة محترمة جدا وفعلا معاك انها بتستحمل جامد اوى وقطع غيارها رخيصة
وعن الهوندا لان معروف ياباشا ان اغلى قطع غيار فى اليابانى السوبارو وبعديها الهوندا وبعد كدة التويوتا والانسر ارخص قطع غيار فى اليابانى
*بس مع احترامى لكل دة الهوندا ركوبة تانية خالص بداية من شكل التابلوة للتجهيزات فى العفشة او الماتور المتطور كتير عن الانسر ,والشكل الخارجى الرياضى جدا
وبعدين متهيالى ان الاخ صاحب الموضوع عايز عربية stock وعايز بردة يجرى ويحس انة راكب عربية سريعة ,ودة متوافر فى الهوندا
لان الماتور الex 1500 كربراتير بيجيب سرعة 205 /210 والانسر اخرها بالعافية 170
*ثانى حاجة :الهوندا اعطالها قليلة جدا وانا معايا هوندا وعارف انا بقول اية الحاجة بتتعمل مرة واحدة بس وبتعمر جامد جدا جدا جدا عن اى عربية
ثالثا كبالن الهوندا ex:سعرها 450 للاتنين والsi 550 اليابانى ونظيف جدا جدا وصعب بردة انة يبوظ يمكن اكتر من الانسر ,دة غير انك حاول كدة تدور على هوندا فى الطريق عطلانة مش هتلاقى نادرا جدا جدا
بالنسبة للفيرنا :السيارة دية مشاكلها بتظهر بمجرد مرور سنة او اقل من شرائها جديدة ,الهوندا اشد طبعا واوسع واشيك ,ويابانى من الاول للاخر
وهاقولك حاجة :يأخ totelgen اركب العربيتين وشوف انت هاتستريح لمين وماتفكرش بقى ان الهوندا كانت حلمك او كدة لا اركب العربيتين وشوف وحاول تجيبها si لو استقريت عليها هاتحس بفرق كبير جدا ودية نصيحة منى الاتوماتيك بتاعها حكاية وفية نظام عدم تغير النقلة يعنى دوس واجرى على نقلة واحدة بس لحد مايجيبلك اخر العداد 220 كيلو العربية بتجيب السرعة دية فعلى والsir بتجيب 260/270
شوف انا هقولك رأى الشخصى انت دلوقتى بتفكرنى بيا من سنه كدا كنت دايما ادخل واسال عن الموديل دا من هوندا كتير جدا لحد ما عرفت تقريبا كل حاجه عنه وبصراحه العربيه دى عشقى الاول والاخير ب زى ما بتقول موضوع ان العربيه قديمه+ قطع غيار غاليه+ ناس معينه بتجيب القطع دى وممكن تسافر بورسعيد كل دا خلانى اجيب زيرو فى مستوى سعر العربيه الى فى الاربعينات او الخمسينات وانا جبت اسبرانزا هاتشباك طبعا لاتقارن بالسيفيك ابدا بس زيرو ومش هتصرف كتير على الاقل فى الاول زى الموديل القديم من السيفيكاقتباس:
المشاركة الأصلية كتبت بواسطة totoelgen
خلاصه الكلام انت قدامك اختيارين
1- انك تجيب العربيه الى انت بتحبها من غير ما تحط فى بالك انك ممكن تصرف عليها او قطع غيار غاليه او الكلام دا وتكون انت بتشتغل ومعاك راتب عشان هتحتاج مصاريف كتير ومشاوير صيانه بحكم انها مستعمله يعنى انت لو طالب مثلا اعتقد هترهق والدك بمصاريفها وانه مش هيوافق عليها من الاساس زى ما حصل معايا كدا
2-انك تجيب زيرو عشان متصرفش عليه حاجه غير البنزين والصيانات الدوريه ويعيش معاك اكتر وتنسى قطع الغيار والكلام دا لفتره كبيره وطبعا لما تكون انت مبتصرفش على العربيه او انت هتحس ان ولى امرك هيتبهدل معاك فى مصاريف المستعمل بعد ما دفع مبلغ كبير فى شراء العربيه
اسف على التطويل
ياريت تكون فكرتى وصلتلك فكر كويس اوى وربنا يوفقك فى الاختيار
والله ياباشا اللى بشوفة غير كدة خالص انا دلوقتى بشوف سيارات معداش عليها 6 شهور عطلانة فى الطريق واغلبها كورى وصينى ,ويمكن الكورى اكتر بمختلف انواعة ,فالحسبة غير كدة خالص
وبعدين قطع الغيار موجودة عند التوكيلات ,وعند الحرفيين متوافرة جدا جدا جدا ,وكفاية ان فية ناس بس للعربية دية يعنى مش هاتتعب فى حاجة
حكاية بقى جديد ومستعمل ,انا مش هفضل اصرف عليها طول عمرى والهوندا فيها ميزة ان اللى بيبقى راكبها عشان يستمتع بالعربية بيبقى مهتم بيها ولما انت بتشتريها بتعدل حاجات بسيطة وبترجع زى الجديدة لان حاجاتها معمرة جدا جدا وحتى لو جابت اخرها بردة مش بتأثر تأثير ملحوظ على السيارة يعنى بتمشى بردة
وانا بس مش عايز اذكر ماركات لسيارات عشان ماتحصلش مشكلة بس السيارات دية عن تجربة ماكملتش 3000 كيلو الا وكان فيها مشاكل مواتير وفتيس وعفشة وتقفيل وهاتروح بردة للتوكيل لائما هاتسيبلهم العربية لائما هاتضيع اليوم هناك وياريتهم هايعملوة لا بتلاقى العيب هو هو يبقى فين بقى الجديد ,انا من وجهة نظرى الجديد لة عيوبة والمستعمل لة عيوبة مع انى بفضل المستعمل الموديلات دية بالذات بسبب قوة الصناعة والتطور فى الوقت دة
انا معاك ان حتى الزيرو ساعات بيعطل برضه وبيحصل فيه مشاكل مكلفه جدا بس برضه احتمال كدا بيبقى اقل من المستعمل وصدقنى موضوع الجديد والمستعمل دا الى بيشترى بيبقى ملتزم بظروف معينه او خايف من المستعمل ومصاريفه اذا كنا مش حاطط ميزانيه كبيره للعربيه عموما الهوندا لا يعلى عليها وانا ان شاء الله لما ربنا ييسر هجيب هوندا موديل احدث شويه لان العربيه دى فعلا زى ما بيقولوا التجار عايزه حد يقنيها ومهيموش حاجه تانيه والموديل الى معاك ما شاء الله تحفه حافظ عليها لانها بدات تقل من السوق اوى ولازم لو شفتك هاخد منك لفه عشان اجربها ههههههههههههههههههه ربنا يباركلك فيها وشكرا على مداخلتكاقتباس:
المشاركة الأصلية كتبت بواسطة semsem kane
ياباشا تحت امرك العربية وصاحب العربية ماتغلاش عليك واللهاقتباس:
المشاركة الأصلية كتبت بواسطة medo_2060
بس فعلا الجديد كلة اليومين دول مشاكل وقرف وتلاقى العربية نازلة بمشاكل تفضل مستحملها لحد ميعاد الصيانة بتاعك لما يجى ولو وديتهالهم قبل كدة بيعملوها مؤقت وترجع تانى
واخطاء كتيرة
وزى مالمستعمل انت وحظك بردة الجديد انت وحظك
لانك بتشترى الجديد وانت مقلق وبتفضل تكشف وتلف على العربية وتقلبها كانك بتشترى عربية مستعملة بالظبط ,دة غير الاسعار المتفاوتة وفلوس بتدفع للتوكيل فى كل صيانة ولو عملتها برة مش هاتتكلف 100 جنية ,التوكيل ياخد منك 500/600 جنية وبيبقى الموضع عادى جدا
الله يكرمك يا باشا كلك ذوق والله وفعلا البلد دى لا مستعمل مضمون ولا جديد مضمون وربنا يستر ونطلع من البلد دى باقل الخسائر هههههههههههههههههاقتباس:
المشاركة الأصلية كتبت بواسطة semsem kane
انا ان شاء الله من كلامكم و من كلام الناس هاتوكل علي ربنا و ابدا ادور علي هوندا كويسه لاني كده كده اساسا معيش فلوس للجديد و اهلي رافضين مبدا التقسيط ..
و يا استاذ semsem kane لو جبت واحده حاله كويسه كده ممكن مثلا ازود 5000 يظبطولي العربيه ؟؟ سمكره دوكو كده يعني ؟؟ و لا محتاجه اكثر ... اسف لاسئلتي الكثيره و لكن دي اول عربيه و انا خايف لان الفلوس علي القد
شوف ياباشا الحاجات اللى انا هاقولك عليها دية هية اغلى حاجات فى الهوندا غير كدة مافيش مشاكل
علبة دركسيون :اتاكد منها انها سليمة لانها غالية جدا ,تمنها 4200 جديدة و1200 جنية استيراد
مجموعة الفرامل :عشان اقل حاجة فيها وهية سعر الخرطوم الواحد 250 جنية وسعر ماستر الفرامل العمومى الاصلى من التوكيل 650 جنية ,وسعر الطنابير 1200 جنية ,والسيرفو ب900 جنية والتيل اصلى ب275 جنية بس التركى كويس قوى وب65 جنية بس
3:الصالون الداخلى يبقى نظيف ومش متبهدل وقليل قوى لما هتلاقى عربية زى دية صالونها فية حاجة لان العربية كلها معمولة من الجلد النظيف قوى
4:كاوتش وبطارية حاول يبقوا حالتهم كويسة عشان لو هاتغيرهم هايكلفوك مش اقل من 3000
5:دورة التبريد تبقى كويسة ومافيهاش تسريب
6:طبعا انت اكيد لازم تجيب الماتور حالتة كويسة وبردة قليل قوى لما هتلاقة ماتور زى دة بيعمر فحاول تجيبة نظيف لائما تقيس كبسة فى بنزينة اضمنلك
7:راجع على كهرباء العربية والانوار والشكمان والكبالن والمساعدين والسوست بس عادى ماتقلقش تمنهم مش غالى ,
الكبالن ب550 جنية درجة اولى بعد الاصلى nkn
المساعدين بالسوست استيراد ب300 جنية
جداد تقريبا الاتنين عاملين 1400 حاجة زى كدة بس عشان تعرف حاجة نادرا لا المساعدين بتبوظ
كبالن داخلية ب800 جنية جداد و300 جنية مستعملين
واعمل حسابك انك اول لما تجيب العربية غيرلها سير كاتنية تمنة 125 جنية وهات بوجيهات تمنها 40 جنية او 35 جنية طبعا ngk عشان دة اللى موجود فى الكتالوج
بس ياباشا وان شاء الله تلاقى حاجة نظيفة
وعلى فكرة الاسعار دية خاصة بsi فقط وفية بعض الحاجات متشابهة مع الsir بس لو حبيت تجيب sir ليها اسعار تانية خالص
سعر المرايات :375 لاتنين كهرباء بدون ضم اصلى و450 جنية ضم
سعر الفوانيس تايوانى الامامية :ب200 للواحد والخلفية ب250 كل دة تايوانى بس مانصحكش عشان مش حلو
معلومات قيمة جدا يابااشااقتباس:
المشاركة الأصلية كتبت بواسطة semsem kane
وبالمناسبة انا اخويا الصغير لسة من يومين جاب هوندا سيفيك 1994 اس اي
كبس موتورها سبعين في المية ومرشوشة رشة نضيفة من برة وفتحة سقف واربعة زجاج كهربا وفبريكا جوا بالكامل
عايزك تقولي تعمل كام كسعر ؟؟
وقلي بقى يتعامل مع مين ميكانيكا وعفشة وكهربا بس يكون شغلو نضيف واسعارو كويسة ومش حرامي
كان في اختلاف صغير بيني وبينو بخصوص انو يجيب هوندا وكده بس ربنا يبارك
وشكرا ياباشا
اول حاجة هو كدة ممكن يكون اختار الاختيار الصح بس هيكون فية حاجة غلط واحدة بس انة لازم يكون قد مصاريفها لو مالوش دخل من شغل او كدة يبقى هية دية الغلطة اللى هو عملها لان فعلا الهوندات كلها حاجتها غالية بس بتركبها وبتنساها وبعدين هو هايحس انة راكب عربية موديل 2006 مثلا لو حالة العربية نظيفة لانها فعلا مش ناقصها حاجة فول اوبشن+ثبات عالى جدا جدا +ماتور جامد جدا وطلقة +شكل رياضى جميل اوى بيخطف الانظار يعنى كل اللى انت عايزة موجود فيها
لو عايز كهربائية نظيفة انزل الحرفيين ,ميكانيكى منير فى الحرفيين ناس كتير مجرباة وبيقولوا علية كويس وبلاش مسعد عشان غالى اوى
وسعرها دة هيبقى مابين 46 الى 48