الى الاخوة الاعزاء
انا كنت عايز اعرف ايه هي المواصفات الفنية لاوكتافيا A4 و ايه هي الكماليات المتوفرة في الموديل الموجود حاليا 2009؟؟؟؟
و شكرا :satelite:
عرض للطباعة
الى الاخوة الاعزاء
انا كنت عايز اعرف ايه هي المواصفات الفنية لاوكتافيا A4 و ايه هي الكماليات المتوفرة في الموديل الموجود حاليا 2009؟؟؟؟
و شكرا :satelite:
1- موتور 1600 سي سي 102 حصان عند 148 نيوتن و تسارعه من 0-100 في 10.5 ثواني.
2- عفشة خدمة شاقة(قوية جدا).
3- سنتر مركزي,زجاج كهرباء ( أمامي و خلفي ), مرايات كهرباء مزودة بسخانات.
4- وحدات رفع للأربع أبواب ( الموديل المزود بفتحة السقف بها وحدة رفع أيضا)
5- فوانيس ضباب مدمجة مع فوانيس السيارة الأمامية ( عدسات ) و الخلفية.
6- إيراباج للسائق.
7- كمبيوتر يعرض متوسط السرعة وإستهلاك البنزين لكل 100 كم ( حوالي 4.9 لتر) وبيان الرحلات.
8- مقابض نيكل للأبواب من الداخل.
9- تكييف ( مستفز جدا ).بمعني أن درجة برودته قوية جدا بشكل رهيب.
10- طي الكنبة الخلفية لتوفير مساحة زيادة ( مش هتحتاجها لأن الشنطة ممكن أفرش وأنام فيها).
11- كاسيت سي دي مزود بعدد 6 سماعات مع إيريال رياضي.
* معلومات تهمك :-
--------------
1- وزن السيارة 1700 كجم بالتقريب ( والموتور ما شاء الله كفاءة عليها ).
2- السيارة مزودة بمبخر بنزين ووظيفته الإستفادة بكل كمية البنزين الداخلة لغرف الإحتراق.
3- ممكن تسمع صوت تكتكة بسيييييط أوي من ناحية اليمين ( تكتكتكتكتك ) ده حاجة عادية جدا في الأوكتافيا و ده صوت مبخر البنزين وهو شغال.والصوت ده موجود في الجولف والبورا والباسات.
4- السرعة القصوي للعربية 215كم/س و من غير ما تاخد بالك لو علي طريق مفتوح تلاقي نفسك جايبهم من غير ما تحس ( لأن عزل العربية قوي من وجهة نظري و صوت الموتور هادي مش ملحوظ علي السرعات العالية ).
5- ثبات العربية دي منقطع النظير و ده يخليك متحسش إنك ماشي علي 200 مثلا.
6- ودي أهم نقطة إن العربية دي إتظلمت من شعبنا اللذيذ بعد نزول الـ A5 و كل من هب و دب يقلل من قدرها.والحقيقة عكس ذلك تماما, الـ a4 والـ a5 وجهان لعملة واحدة في الأداء و الثبات.تفوق الـ a5 يأتي في فخامة المنظر والكماليات فقط.
- لو إحتجت حاجة أنا تحت أمرك,,,
مش محتاج اقول حاجة انسبيرون قال كل حاجة
بس احب اقول وزن العربية مانوال 1750
ووزنها اوتماتيك 1850
صح تمام يا فادي الوزن كده فعلا أنا لسه شايفها في الكتالوج :majd(4): علي فكرة يا رايس أنا إسمي أحمد
ههههه
طيب كويس بدل الاسم الصعب بتاعك دة
يا جماعة انا مش عارف اشكركم ازاي, انا بقالي فترة محتار و كان نفسي اجيب حاجة اوتوماتيك و بعدين قلبي مال قوي للاوكتافيا و اكتر بعد كلامكم.
يا ترى العربية دي فيها مثبت سرعة؟ و هل في منها دلوقتي بفتحة سقف؟؟
انا متشكر جدا يا جماعة مش عايز اتقل عليكم
حد يعرف يا جماعة التزكيل اللى فى غمرة ياخد كام عشان يكشف على اوكتافيا a4 و هلى فى حجز والرقم كام و بيقفلوا يوم ايه
و شكرا
الف شكر فعلا قمة الافادة
عفوا يا باشا إحنا في الخدمة.و نصيحة بلاش تضيع فلوس علي الفاضي في فتحة السقف..أنا عن نفسي ناسي إن عربيتي فيها فتحة سقف.و خد بالك ممكن متلاقيش مثبت السرعة في بعض الموديلات..وحتي لو كدة فهو بيركب عادي بـ 1500 جنيه.
أرجو الإفادة...... شكراً مقدماً
هل الـ a4 بينزل منها أوتوماتيك وياريت سعرها كام؟
للأسف لا مش بتنزل أوتوماتك خلاص
شكراً لردك يا inspiron
انا جربت ال a4 المانيوال و فعلا عربية رائعة بس ساعات بتلعب في دماغي اني اجيب ب 120 الف عربية اوتوماتك فول اوبشن زي ال سيراتو الجديدة.
يا ترى السيراتو ال ب 120 الف ايه تقيمها بالمقارنة مع ال a4 ???
السيراتو عربية جميلة طبعا.طيب حضرتك مفكرتش كده السيراتو بعد 5 سنين هتبقي عاملة إزاي.طيب تعالي نبص علي الأوكتافيا اللي فات عليها 10 سنين عاملة إزاي ( فرق الإعتمادية كبييييييير) لصالح الأوكتافيا طبعا و بدون تحيز.ناهيك طبعا عن فرق القوة و الثبات.
- ملحوظة :- لا أقلل من قدر السيراتو.عربية ممتازة طبعا.ولكن فيما بعد.....:b4_611:
معاك 100 % في الكلام ده
توكل على الله و هات ال a4 عربية كويسة جدا
عربيه ممتاز جدا
وانا ملاحظ ان الصاج بتاعها اتقل من صاج الفانتزيا
يا جماعة لو سمحتوا عايز كتالوج الاوكتافيا a4 موديل 1998 ضرورى جدا - و يرايت لو بالعربى....
هيه ال a4 كانت بتنزل بجنط ولا طاصه ؟
في بتنزل بجنوط وفي بتنزل بطاسات
بس ديقة جدا من وره
لا مش ضيقة لوا حاجة..انت بتحس انها ضيقة لما تكون انت طويل ومرجع الكرسي لورا جامد بس هية من ورا كويسة بالنسبة للاطوال العادية
يعنى انا معايا ماتريكس وركبت مع واحد صحبى الاوكتافيا بتاعته بقيت لازق فى بعدى مع انى فى الماتريكس ببقى مرجع الكرسى بتاعى على الاخر فجيت مرةاجرب اعد وره حسيت بفرق رهيب انا شايف ان ده عيبها الوحيد