وضع اللمسات النهائية لقانون استبدال سيارات الملاكي القديمة باخرى جديدة

**amro1965** · 15-10-2009 08:27 PM

يتم حاليا وضع اللمسات النهائية لمشروع قانون المرور بشأن استبدال سيارات الملاكي بأخرى جديدة لما مضى على صنعها أكثر من 20 عاماً وذلك بعد إقرار مجلس الوزراء له مع صرف تعويض مناسب لمالكي السيارات القديمة خاصة محدودي الدخل بنفس ما تم تنفيذه بالنسبة لسيارات التاكسي والميكروباص.
ويتضمن المشروع حوافز عدة ترتبط بخصم نسبي لم يتحدد بعد للضرائب المفروضة على تسجيل السيارات الملاكي القديمة التى ستشارك في مشروع إحلال السيارات بدلاً من القديمة التي تجاوز عمرها 40 أو 50 عاماً وتسبب تلوثاً شديداً بما يوجب على الحكومة تغييرها دون إلحاق خسائر بأصحابها.
ويشترط المشروع أن تكون جميع السيارات المنتجة محلية وهو ما يدفع إلى تنشيط الصناعة المحلية للسيارات.
في الوقت نفسه يواجه المشروع المقترح اعتراضا نيابيا حيث اعتبر عدد من النواب إجبار أصحاب السيارات الملاكي على تغيير سياراتهم بأخرى جديدة بمثابة أعباء مالية إضافية وصعبة على أصحاب السيارات التي يطلق عليها السيارات الشعبية والتي تمتلكها بعض فئات الشعب من صغار المواطنين والتي تمثل ضرورة بالنسبة لهم ولأسرهم إذ لا يمتلكون من المال ما يمكنهم من شراء سيارات جديدة أو حتى التقسيط نظراً لضآلة مرتباتهم وارتفاع تكاليف المعيشة عليهم كما يري البعض وجود شبهة مخالفة دستورية باعتبار أن ذلك اعتداء على خصوصية الملكية الخاصة للأفراد.

وجه نظرى من الاعلان عن استبدال واحلال السيارات التى مضى عليها عشرون سنه
اولا بالونه هواء تجعل اصحاب السيارات وانا منهم ان نصرخ عشرين قليل جدا طيب نجعلها 30 سنه على الاستبدال والاحلال ويكون هم واخدين قرارهم من الاول على 30 سنه
ثانيا تشغيل المصانع وتقفيل السيارات محلى وتنشيط رؤوس اموال اصحاب عليا القوم فى هذا البلد
ثالثا تاخذ من تحت يديهم اسوء سيارة يعنى 131 برقبتها
رابعا معنى الكلام ده ان سيارتى موديل 90 اللى معى دخلت التكهين وعليا الاستبدال ينعى اصبحت السيارات فى بلدنا بدلا من سعله معمرة الى سعله مستهلكة
خامسا اين المواطن اللى هيسلم سيارة سيات ولا 125 ولا فيات 128 موديلات السبعينات والثمانينات والادا برضه نسبه كبيرة تمتلك هذه السيارات تقدر بنسبه 60 ف المائه من مالكى السيارات ودخول معيشتهم على قدهم منين يجيب القسط الجديد
خامسا هنفضل لامتى يتحكم فينا اصحاب رؤوس الاموال ومحتكرى السلع الحيويه فى هذه البلد
اللهم نشكو اليك ضعف قوتنا وقله حيلتنا وهواننا على الناس انت رب المستضعفين وانت ربى
اللهم اهلك الظالمين بالظالمين واخرجنا من بينهم امنين
اتمنى ان ارى وجهه نظره الاعضاء فى هذا الموضوع لانه يهمنى كمالك سيارة ويهم الاخرين

**Sala7.Bravo** · 15-10-2009 08:53 PM

أنا شايف موضوع التكهين دة صح عشان فيه عربيات كتير مضرة بالبيئة وممكن متكنش إنت واحد منهم وكمان في عربيات كتير منهم تلاقيها عطلانة على كوبري أكتوبر وموقفا الكوبري وموقفا مصالح الناس وكمان فيه عربيات قديمة يا جماعة تحس إن العربية مفككة وماتعرفش ماشية ازاي وده بتبقى خطر علي راكبها وبقية الناس ( مع العلم إن فيه عربيات قديمة حالتها كويسة) بس هما مش هيشفوا عربية عربية .... بس مينعفش يعملوا كدة قبل مايوفرو عربيات جديدة مناسبة وبسعر مناسب يعني من الأخر يوفروا عربيات جديدة بنفس قيمة العربيات المستعملة وديه معادلة صعبة جداً

**mynameh** · 15-10-2009 09:31 PM

شوف دة ورد عليا

ContactCars | تأجيل مشروع إحلال الملاكي خوفاً من الإعتراض الشعبي!

و فهمني عشان انا دوخت

**dondark** · 15-10-2009 10:04 PM

اخر تصريح كان فى انه مفيش فكرة اصلا فى مشروع للملاكى وانها سابقة بأونها بكتير

**aymansaad** · 15-10-2009 10:08 PM

حسبنا الله ونعم الوكيل فيهم
حتى العربية صعبان عليهم اننا تمتلك علاربيات وهما امتلكوا البلد كلها

**amro1965** · 15-10-2009 11:02 PM

المشكله كبيرة جدا معنى عشرين سنه ان سيارتى التى امتلكها موديل 1990 حالتها كويسه جدا وغيرى برضه لديه سيارة ممكن تكون ثمانينات حالتها اكثر من ممتازة هتروح فى الاحلال واغلبية مالكى السيارات محدش يقدر يستحمل ثمن سياؤة على الاقل بمبلغ 45 الف وتقفيل مصرى منيل بستين نيله يعنى عربيته مريحاه ومشياه بدون ديون
دخلونا فى حسبه برمه
ممكن تكون بالونه هواء من خلالها بعد الناس ماتشتكى يخلوها ثلاثون سنه وبالطبع مش منطقى لان فى سيارات سبعينات برضه حالتها اكثر من ممتازة
اينعم فيه سيارات مفروض تعدم لكن ادارة المرور من خلال الفحص تمنع اعطاء ترخيص لسيارة بتضر البيئه حتى لو كانت تسعينات مش سبعينات
ممكن يبدا بالسيارات التى مضى عليها اربعين سنه على الاقل يكون معقول
لكن عشرينات يبقوا بيستهبلوا لان سوق السيارات بعد ماكان لا بيع ولا شراء رجع ينتعش تانى
اما الان الكل هيخاف يشترى أى سيارة حتى لو موديله قارب الخمسه والتسعون مش ثمانيات
على رأى محمد سعد فى بوحه الصباحى فى المحكمه عندما قال ان الحكومه عندما تجد المواطن بدا يرتاح ويفكر تجى الحكومه تشغل الخلاط حتى لا يرتاح المواطن
وعجبى

**amrbakly** · 16-10-2009 01:01 AM

طيب 20 سنة دة يعني نص المرسيدس اللي في مصر مثلا حيترمي في الزبالة و طبعا حيتساوي مثلا بيجو 405 مع مرسيدس إس مع فيات 132 تحت بند أنهم نفس الفئة اللترية و نفس الموديل و دة فعلا حرام

يعني مثلا يبدءوا الأول بالموديلات قبل سنة سبعين يخلصونا منها و العربيات اللي طالع روحها اللي مطلعة روحنا في الشوارع دية

انا رأيي أن لو الموضوع بدأ لمدة خمس سنين بالعربيا اللي قبل سنة 1975 مثلا تبقي المسألة عادلة و كمان يشترط الحالة.

علي فكرة انا اعتقد ان الرفض مش حيبقي بس شعبي علشان موضوع الفقر

اوعوا تنسوا التجار بتوع الإستيراد و بتوع قطع الغيار اللي فعلا ممكن يقلبوا الدنيا

**michohat** · 16-10-2009 01:11 AM

رافض الموضوع ده شكلا وموضوعاً
ودمنا خلاص خلص مفيش حاجه فاضله منه تتشفط

**hany121** · 16-10-2009 05:40 PM

المشاركة الأصلية كتبت بواسطة rocketrock

أنا شايف موضوع التكهين دة صح عشان فيه عربيات كتير مضرة بالبيئة وممكن متكنش إنت واحد منهم وكمان في عربيات كتير منهم تلاقيها عطلانة على كوبري أكتوبر وموقفا الكوبري وموقفا مصالح الناس وكمان فيه عربيات قديمة يا جماعة تحس إن العربية مفككة وماتعرفش ماشية ازاي وده بتبقى خطر علي راكبها وبقية الناس ( مع العلم إن فيه عربيات قديمة حالتها كويسة) بس هما مش هيشفوا عربية عربية .... بس مينعفش يعملوا كدة قبل مايوفرو عربيات جديدة مناسبة وبسعر مناسب يعني من الأخر يوفروا عربيات جديدة بنفس قيمة العربيات المستعملة وديه معادلة صعبة جداً

يا استاذي يعني العربيات اللي مملوكه للشعب الغلبان بتضر البيئه وعايزه احلال وعربيات الحكومه(الشرطه والجيش والنقل العام ) ما بتضرش البيئه ومش محتاجه احلال..

العربيه القديمه اللي بتعطل وتعطل مصالح الناس ده صاحبها بيزقها بايد واحده ويركنها علي جنب انما اتوبيسات النقل العام اللي لما بتعطل بتقفل الدنيا كلها ومحدش بيعرف يحركها من مكانها هي ده الاولي بالاحلال وطبعا ده مش هيحصل لان ببساطه في الحاله ده الحكومه هي اللي هتدفع واحنا حكومتنا مبتمدش ايديها غير في جيبنا لكن في جيبها يشغلولك اغنيه ام كلثوم (اهو ده اللي مش ممكن ابدا )

وبعدين لو مشكلتهم في التلوث يروحو يحاربو عوادم اتوبيسات النقل العم والسحابه السودا والزباله اللي مرميه في كل حته حتي في المدارس والمستشفيات..

يوفروا وسائل مواصلات محترمه وادميه والناس مش هتفكر تركب عربيات علي الاقل نرتاح من حرقه الدم في السواقه والبحث في كل مكان نروحه علي مكان للركنه

وبعدين العربيات المخلعه ده ايه اللي خللعها؟؟ مش الشوارع المكسره اللي بندفع ضرايب عشان تتصلح وتقعد 20 سنه علي ما تتسفلت وبعد ما تتسفلت ب 3ايام يكتشفوا ان السيد المسؤل اقصد المسؤوم وقعت منه حته ب 10 احتمال يكونوا سفلتو عليها فيبدءوا في عمليات البحث والتنقيب والتكسير واستني 20سنه تانيين ..

يا راجل ده احنا شوارعنا المسفلته بالنسبه ل 90% من الدول المحترمه واللي لحد وقت قليل كانت متخلفه تعتبر طرق وعره ميتمشيش عليها غير ب لاند كروزر وهامر

امشي في شارع القصر العيني قدام تسيباس وشوف كام بلاعه مرصوصه جنب بعض (سوء تخطيط). اكتر من9 بلاعات جنب بعض بينفضولك العفشه كل متعدي عليهم.. حتي اللي بيسفلت معندوش ضمير ومعلهوش رقابه نادر جدا لما تلاقي بلاعه علي وش الاسفلت. اما تحت مستوي الاسفلت ب 30سنتيمتر او فوق المستوي بنفس المقدار دون مراعاة اموال المواطنين اللي بتتصرف علي اصلاح سيارتهم ولا ارواحهم اللي ممكن تضيع نتيجه الاخطاء التصميميه للشوارع والكباري وابسط مثال كوبري الموت والمطلق عليه كوبري السيده عائشه..

حسبنا الله ونعم الوكيل..

**Sala7.Bravo** · 16-10-2009 06:33 PM

المشاركة الأصلية كتبت بواسطة hany121

يا استاذي يعني العربيات اللي مملوكه للشعب الغلبان بتضر البيئه وعايزه احلال وعربيات الحكومه(الشرطه والجيش والنقل العام ) ما بتضرش البيئه ومش محتاجه احلال..

العربيه القديمه اللي بتعطل وتعطل مصالح الناس ده صاحبها بيزقها بايد واحده ويركنها علي جنب انما اتوبيسات النقل العام اللي لما بتعطل بتقفل الدنيا كلها ومحدش بيعرف يحركها من مكانها هي ده الاولي بالاحلال وطبعا ده مش هيحصل لان ببساطه في الحاله ده الحكومه هي اللي هتدفع واحنا حكومتنا مبتمدش ايديها غير في جيبنا لكن في جيبها يشغلولك اغنيه ام كلثوم (اهو ده اللي مش ممكن ابدا )

وبعدين لو مشكلتهم في التلوث يروحو يحاربو عوادم اتوبيسات النقل العم والسحابه السودا والزباله اللي مرميه في كل حته حتي في المدارس والمستشفيات..

يوفروا وسائل مواصلات محترمه وادميه والناس مش هتفكر تركب عربيات علي الاقل نرتاح من حرقه الدم في السواقه والبحث في كل مكان نروحه علي مكان للركنه

وبعدين العربيات المخلعه ده ايه اللي خللعها؟؟ مش الشوارع المكسره اللي بندفع ضرايب عشان تتصلح وتقعد 20 سنه علي ما تتسفلت وبعد ما تتسفلت ب 3ايام يكتشفوا ان السيد المسؤل اقصد المسؤوم وقعت منه حته ب 10 احتمال يكونوا سفلتو عليها فيبدءوا في عمليات البحث والتنقيب والتكسير واستني 20سنه تانيين ..

يا راجل ده احنا شوارعنا المسفلته بالنسبه ل 90% من الدول المحترمه واللي لحد وقت قليل كانت متخلفه تعتبر طرق وعره ميتمشيش عليها غير ب لاند كروزر وهامر

امشي في شارع القصر العيني قدام تسيباس وشوف كام بلاعه مرصوصه جنب بعض (سوء تخطيط). اكتر من9 بلاعات جنب بعض بينفضولك العفشه كل متعدي عليهم.. حتي اللي بيسفلت معندوش ضمير ومعلهوش رقابه نادر جدا لما تلاقي بلاعه علي وش الاسفلت. اما تحت مستوي الاسفلت ب 30سنتيمتر او فوق المستوي بنفس المقدار دون مراعاة اموال المواطنين اللي بتتصرف علي اصلاح سيارتهم ولا ارواحهم اللي ممكن تضيع نتيجه الاخطاء التصميميه للشوارع والكباري وابسط مثال كوبري الموت والمطلق عليه كوبري السيده عائشه..

حسبنا الله ونعم الوكيل..

أستاذي الفاضل واضح إن إنت مقرتش كلامي كويس يا باشا أنا كاتب إن فيه عربيات قديمة كويسة وكاتب إن ماينفعش يطبقوا القانون دة إلا لو (((((وفرو عربيات جديدة بسعر مناسب ونفس القيمة))))) .... موضوع الأتوبيسات ده مشكلة تانية ولو طبقوا القانون دة لازم أكيد يطبقوه على اتوبيسات الحكومة.... البلاعات والطرق ده مشكلة بيعاني منها أصحاب العربيات الجديدة والقديمة واتوبيسات النقل العام نفسها ...........