أيه يا شباب هو محدش فى مصر عنده العربية و لا أيه
طب لو حد ركبها مع واحد صاحبه و سمع منه رأيه فيها يا ريت يقول
فى أنتظار ردودكم
رقم العضوية : 46171
تاريخ التسجيل : 04Sep2009
المشاركات : 474
النوع : ذكر
الاقامة : بلاد المسلمين
السيارة: كيا سول هاى لاين 2011 أن شاء الله
السيارة[2]: تويوتا كورولا 1983 أتوماتيك
دراجة بخارية: No
الحالة :
السلام عليكم
أنا يا جماعة ناوى أشترى عربية فى خلال ال 6 شهور الجايين و بعد مقارنة بين العربيات الموجودة فى السوق قررت أشترى السوناتا علشان 2000 سى سى و تستحمل التكييف و السفر و كمان علشان عربية واسعة و هتبقى مريحة بالنسبالى لأنى طويل
فكنت محتاج اى حد معاه العربية دى يقولى على أى عيوب صدفته فيها و على أسعار قطع الغيار لأنى مش لاقى أى مواضيع عنها على النت
و شكرا مقدما لكل اللى هيشارك
رقم العضوية : 46171
تاريخ التسجيل : 04Sep2009
المشاركات : 474
النوع : ذكر
الاقامة : بلاد المسلمين
السيارة: كيا سول هاى لاين 2011 أن شاء الله
السيارة[2]: تويوتا كورولا 1983 أتوماتيك
دراجة بخارية: No
الحالة :
أيه يا شباب هو محدش فى مصر عنده العربية و لا أيه
طب لو حد ركبها مع واحد صاحبه و سمع منه رأيه فيها يا ريت يقول
فى أنتظار ردودكم
رقم العضوية : 39447
تاريخ التسجيل : 03May2009
المشاركات : 722
النوع : ذكر
الاقامة : 6octoper city
السيارة: hyundai elantra
السيارة[2]: HYUNDAI ELANTRA
الحالة :
والله انا اتفجرت عليها بس في غبور بصراحة عربية رائعة جدا .
بس اطمن العربية ده بتععمل تاكسي في السعودية يعني بتستحمل الاستعمال الشاق والجو الحار مع التكييف.
بس انصحك تجبها خليجي لان بتاعة غبور تقفيل مصري.
TAREK ABOSDERA[shr71=http://www.m5zn.com/uploads/2010/8/6/photo/080610090800tom65ps1hpvg.jpg].[/shr71]
رقم العضوية : 46171
تاريخ التسجيل : 04Sep2009
المشاركات : 474
النوع : ذكر
الاقامة : بلاد المسلمين
السيارة: كيا سول هاى لاين 2011 أن شاء الله
السيارة[2]: تويوتا كورولا 1983 أتوماتيك
دراجة بخارية: No
الحالة :
شكرا على ردك
و أنا بردو كنت أتفرجت عليها فى معرض الأهرام و ركبتها بس حسيت أن الخامات الداخلية مش حلوة أوى
و مستنى ردود الشباب عن عيوب العربية و أسعار قطع غيارها
رقم العضوية : 9455
تاريخ التسجيل : 23Apr2008
المشاركات : 976
النوع : ذكر
الاقامة : مصر
السيارة: لا يوجد
السيارة[2]: لا يوجد
دراجة بخارية: لا يوجد
الحالة :
شوف الخليجى كده
بس ياريت متنساش تعمل لنا تقرير عنها بالصور للخليجى لإن المصرى بيقولوا إن التقفيل بتاعها مش حلو
سبحانك اللهم وبحمدك ، أشهد أن لا إله إلا أنت أستغفرك وأتوب إليك
رقم العضوية : 48251
تاريخ التسجيل : 29Sep2009
المشاركات : 254
النوع : ذكر
الاقامة : Heliopolis, Cairo
السيارة: Lanos
السيارة[2]: Elantra
الحالة :
السلام عليكم ورحمة الله وبركاته
أنا والدى معاه العربيه موديل 2007 اول دفعه من مصانع غبور بس هو كان جايب الـ 2400cc و ماشاء الله عربيه ممتازه و مفيهاش مشاكل و واسعه جداً, الدفعه الأولى دايماً بيكون فيها أكتر مشاكل علشان لما بيعرفو المشاكل بيظبطوها فى الدفعات الى بعد كده بس الحمد لله مكنش فيها مشاكل كبيره, كلها حجات بسيطع و عيوب تأفيل و إتعملت الضمان
سبحانك اللهم وبحمدك ، أشهد أن لا إله إلا أنت أستغفرك وأتوب إليك
رقم العضوية : 46171
تاريخ التسجيل : 04Sep2009
المشاركات : 474
النوع : ذكر
الاقامة : بلاد المسلمين
السيارة: كيا سول هاى لاين 2011 أن شاء الله
السيارة[2]: تويوتا كورولا 1983 أتوماتيك
دراجة بخارية: No
الحالة :
شكرا على ردودكم يا شباب
و شكرا يا أخ صقر و أنت طمنتنى
و يا ريت لو تقولى أيه العيوب اللى واجهتك فى العربية و صلحوها فى الضمان و كمان لو تقدر تقولى على أسعار قطع الغيار
رقم العضوية : 45742
تاريخ التسجيل : 29Aug2009
المشاركات : 977
النوع : ذكر
الاقامة : On earth
السيارة: Japanese
السيارة[2]: German/ American
دراجة بخارية: No
الحالة :
غبور بيعاملها معاملة خاصة في أسعار الصيانة وقطع الغيار ولا كانها مرسيدس
يقال إن تيل الفرامل بتاعها ب-١٠٠٠ جنيه
رقم العضوية : 4111
تاريخ التسجيل : 13Jan2008
المشاركات : 1,696
النوع : ذكر
الاقامة : Cairo
السيارة: @
السيارة[2]: Hyundai
دراجة بخارية: -
الحالة :
أنا عندى سوناتا 2400 موديل 2007 برده اول دفعة
بالنسبة لقطع الغيار فهى غالية فعلا
تيل الفرامل مثلا فعلا ب 1000 جنيه و الخلفى فى حدود 650 و ساعات بيقل 100 جنيه بيبقى غبور عامل تخفيض ,
الحاجة الوحيدة اللى غيرتها فى الضمان هى الشماسة بسبب وجود عيب صناعة فيها فى موديلات من 2006 و الكلام دا بره مصر و هى تمنها فى التوكيل حوالى 900 جنيه بدون تركيب و ضريبة (ايوه الشماسة الواحدة بحالى 1000 جنيه بالتركيب و الضريبة) , دا اللى انا اعرفه عن قطع الغيار و قطع الغيار اعتقد متوفرة جدا بس طبعا انا مغيرتش غير دول فمعرفش الباقى ايه نظامه , التيل بغيره علطول و علطول موجود , الشماسة كان فى لون رمادى و انا عربيتى بيج من جوه فبعتوا جابوها من بره علطول (مدفعتش حاجة علشان فى الضمان).
كان فى عيوب تقفيل بسيطة فى الدقعة الاولى بتاعت 2007 بس تداركوها زى التابلوه كان فى زى متقول موجة كدا عاملة شكل مش ظريف .
بالنسبة لعيوب التقفيل حاجات بسيطة اوى زى قطعة بلاستيك تتفك من جوه العربية بس طبعا بتختلف من عربية للتانية (مثلا غطا او حاجة) بس انا مظهرليش اى عيوب فى العربية (غير الشماسة و دى فى العالم كله مش فى مصر) و دى الحاجة الوحيدة اللى غيرتها فى الضمان و حاجات بسيطة بلاستيك يتفك و الله اعلم الحاجات دى لسه موجودة و لا لأ لنهم قالوا وقتها طبيعى الكلام دا لان دى اول عربيات طالعة من المصنع فطبيعى فيها حاجات تقفيل بسيطة مش متربطة كويس من جوه العربية يعنى مش فى الميكانيكا و لا فى اى حاجة مثلا.
بالنسبة للعربية فالعربية ممتازة جدا و مريحة جدا جدا جدا فى السواقة و فى الطرق لانها عالية اوى و مبتحكش فى المطبات خالص مهما كان علو المطب (الا لو خدته على سرعة) و واسعة بشكل فظيع جدا.
بس الصراحة انا لو نازل اشترى عربية انهردة مشتريهاش , لو كنت سالتنى من 5-6 شهور كنت قولتلك اشتريها بدون تفكير .
اولا من ناحية التقفيل و التجميع المحلى فمتقلقش خالص من الموضوع دا نهائيا لان لولا الحاجات البسيطة كنت قولتلك تقفيلها زى اللى جاية من كوريا بالظبط و دا بسبب ان غبور مهتم بيها علشان مكسبه فيها كبير و عايز يعملها سوق فمهتم باى شكوى و مهتم بتقفيلها (الفرنا مكانش مهتم اوى علشان مكنش ليها اى منافس و تقريبا مازال , العربية الفرنا بتتباع لوحدها فعيوب تقفيها غير عيوب الفرنا اطلاقا لانه لسه بيعملها اسم) , من ناحية القوة فانا شايف ال2400 كويسة اوى بس برده يدوب على حجمها فمش عارف ال2000 عاملة ايه يا ريت تجربها بنفسك من عند غبور اعتقد هتبقى كويسة برده , من ناحية فى السفر بالذات فالعربية دى تنفعك جداااا اولا انتها ثابتة جداااااااااااااا بشكل غريب على كل السرعات قعلا و تكييفها رهيييب لدرجة انك فعلا و بدون مبالغة ساعات تضطر تقفله و انت مشغله اساسا على اول درجة علشان بتكون تلجت من البرد , بالنسبة للكاسيت بتاعها فهو صوته ممتاز برده و طبعا حجم الشنطة و الوسع ينفعوك جدا فى السفر
ليه بقولك لو كنت رايح اشترى دلوقتى مشتريهاش؟
لانها من جوه مش زى الاوكتافيا الجديدة و الجيتا من حيث الكماليات و لون التابلوه و شكل التابلوه بالذات
تحسها قديمة شوية و اللون الاخضر دا فى التابلوه مش حلو و كمان اللى سوء الموضوع الكماليات الصينى اللى حطها غبور دى زى الDVD و الكلام الفارغ الصينى دا بعدين نزول شكل جديد بره مصر خلاها بقت موديل قديم فى نظر الناس و اخر سبب سعر اعادة البيع بعد الضريبة معتقدش انه هيبقى كويس بعكس مانا كنت متوقع فى الاول قبل الضريبة و زيادة سعر البنزين , الناس بقت تخاف من ال2000 و اكيد بيخافوا جامد من ال2400 لان ال2400 مثلا عليها ضريبة ترخيص 3700 جنيه سنويا.
الفكرة كمان جودة الجلد اللى غبور حاطه مش زى الجلد اللى فى الاوكتافيا و لا الجيتا .
لما جيت اشترى السوناتا فى 2007 كان الجيتا ب 180 الف فاضية خالص و الكاملة اكنت معدية ال220 و الاوكتافيا كانت الفاضية خالص ب 170 او اكتر شوية و الكاملة كانت معدية ال230 الف و كانت السوناتا بال6cd و الكرسى الكهرباء و الفرش الجلد و الcruise control و الحساسات بتاعت الركنة تعتبر معدية فى كل حاجة قدام العربيات دى و التابلوه الاخضر مكانش وحش زى دلوقتى بقا كله العربيات الجديدة ابيض و ازرق و احمر, دلوقتى الاوكتافيا الفانتازيا في منها ب 207 فيها GPS و شاشة تاتش و تابلوه ازرق و زينون اصلى جميل و فرش جلد جودته رهييبة و bluetooth (تليفون) و ESP و مرايات تعتيم و مرايات بتتقفل كهرباء و نور العربية بيتحرك مع الطريق و حساسات ركنة (اعتقد ورا و قدام) و حساسات ضغط الهواء فى الاطارات و حاجات تانية كتيير ناسيها دلوقتى فاى اللى يخلينى اشترى عربية زى السوناتا ال2400 اللى ب 190 الف بالنسبة لكل الحاجات اللى فى الاوكتافيا دى تعتبر فاضية و كمان عليها ضريبة؟ مفيش غير فرق حاجات بسيطة فى صالح السوناتا زى القوة و الثبات و التكييف و الوسع و اكيد مهما كان قطع الغيار غالية الاوكتافيا اغلى ؟
من الاخر السوناتا عربية عملية جداااااااااااا بس مفيهاش حركات زى العربيات التانية و مفيهاش كماليات زيهم بس احسن منهم فى القوة و الثبات و كل الكلام دا , لو كان غبور نزل الfacelift اللى التابلوه ابيض * ازرق و فيها الشاشة التاتش و الحركات دى كنت قولتلك هاتها بدون تفكير حتى لو كان سعر اعادة البيع تعبان جدا بس بعد (الجديدة كليا) بتاعت غبور دى منصحش بيها الا لو كنت فعلا محتاج عربية عملية مش كماليات و حركات.
السوناتا فى رايى شكلا من بره احلى بكتير اوى من المنافسين و افخم كمان لولا الجنط ال16 دا الىل ملوش طعم اللى غبور نزله من اول 2008.
مشكلة السوناتا الinterior بس من ناحية الشكل و الكماليات و الحركات و جودة الفرش الجلد (على فكرة كرسيها مريح جدااا جدااا جدااااااااا).
هى زى ما قولتلك عربية عملية جدااا.
انا خلال اسبوعين تلاتة بالكتير ان شاء الله هعمل صيانة ال60000 هبقى اكتب تقرير شامل من كل حاجة عنها ان شاء الله بعد الصيانة علشان اشوف سعر صيانة ال60 كام برده قبل مكتب
رقم العضوية : 46171
تاريخ التسجيل : 04Sep2009
المشاركات : 474
النوع : ذكر
الاقامة : بلاد المسلمين
السيارة: كيا سول هاى لاين 2011 أن شاء الله
السيارة[2]: تويوتا كورولا 1983 أتوماتيك
دراجة بخارية: No
الحالة :
شكرا لردودكم يا شباب
و بجد شكرا جدا يا أخ سمعة و أنت فدتنى كتير جدا و قولتلى كل اللى كنت محتاج أعرفه
و ربنا يباركلك فى عربيتك و يديك خيرها و يكفيك شرها
المفضلات