لو شوفتم اللى حصل ده يبقى انتم أكيد فى مصر
عرض للطباعة
لو شوفتم اللى حصل ده يبقى انتم أكيد فى مصر
هو لو اتحول للتحقيق وخد 3 شهور خصم وجزاء فى ملفه كل سواق فى الهيئه بعد كدا هيحافظ على اللى راكبه
ده أبسط شيء ممكن يحصل , طيب أنا كنت ماشي مره على الدائري وكنت عاوز انزل منزل طريق مصر الإسماعيليه و الطريق كان واقف فإذا بسواق نقل ثقيل عدا الناحية التانية ومشي عكسي على الجانب الأخر وده طبعا بعد ما لقى عربيه الترحيلات (الشرطه) عملت كده.
بيتحولوا للتحقيق وبياخدوا جزاءات كتير بس النوعية دي منهم خلاص إحساسها إتبلد وبقت عايشة ومتعايشة مع الجزاءات من كتر اللى بيعملوه ... ولما بيتحولوا للمحكمة عمرها هية كمان ما بتدي أكتر من الجزاء برغم إن كتير منهم يستحقوا الفصل من الخدمة لكن مع مراعاة الجانب الإنساني المحكمة ما تقدرش تعمل كدا إلا في المصايب الكبيرة ... وبعدين لو المحكمة فصلت اللى بيعملوا كده هيئة النقل العام مش هاتلاقي سواقين أصلا للعمل على عربياتها
وبعدين العيشة اللى هما عايشينها وطبيعة المرتبات المتدنية اللى بياخدوها تخليهم يقولولك ياللا ما هي خربانة خربانة
ودا لا يمنع إن في منهم سواقين كويسين ولكنهم قلة فعلا
أي موظف في الدولة ينطبق عليه قانون العاملين المدنيين في الدولة أو أحكامه لو خد جزاء بخصم يوم واحد فقط من مرتبه ... معناه
... إن الموظف ده هايفضل لمدة ست أشهر لا يقبض سوى أساسي مرتبه فقط
ولو علمت إن الواحد من دول لو فرضنا مثلا إن مرتبه حوالي 400 جنيه في الشهر من ضمنهم الحوافز والإضافي بقى أساسي مرتبه لن يزيد بأي حال من الأحوال عن 40 - 50 جنيه تقريبا عدا الإستثناءات التي من الصعب حصرها هنا
ارواح الناس وفلوسها وعربياتها مش لعبة في ايد سواقين العربيات النقل والاوتوبيسات وغلطة العربيات دي جامدة وبتضيع وبتعمل خسائر كتيرة ولازم عقابها يبقى قاصي ولو وصل للفصل ومفيش حاجة اسمها مراعاة الجانب الانساني هما مش بيراعوا الجانب دا في سواقتهم - اللي هو أكل عيشهم -
من كام يوم سواق تريللا كبيرة - برًاد - على طريق السويس عند أربعة ونص ساب اليوترن اللي الناس بتلف منه وقرر يلف من قدام شوية من حتة مفتوحة في الرصيف - انا مش عارف هما ليه اصلا سابينها مفتوحة - وطبعا الحتة ضيقة على التريللا وكانت النتيجة ان التريللا اتحشرت او عطلت منه وهو بيلف وكانت النتيجة ان الطريق وقف الناحيتين رايح جاي لمدة فوق التلات ساعات والله أعلم الأزمة دي اتفكت امتى وازاي بس كان فيه لواءات شرطة جاءوا عشان يفكوا الأزمة !!!!!!!!!!!!!!!!!!!!!!!!!!!!!!!!!!!!!!!!!! كام واحد اتأخر بقى على معاد شغله وكام واحد كان عندة حاجة واتأخر عليها سواء امتحان ولا انترفيو ولا ...........................
العالم دي عايزة ابادة جماعية - يعني كلهم يتفصلوا من وظايفهم - وبعدين يعينوا من أول وجديد وبمعايير صح بس طبعا دا الحلم الجميل
فيهم نسبة قليلة اوي محترمين وبيقدروا صح
ده حاجة جميلة قوى
هى الفهلوة ده مش هتسبنا بقى
مش مهم انها اكل عيشه المهم انها ارواح ناس
عايز بس اضيف حاجه علي الموضوع
انا بسمع لمل الحكومه بدخل اوتوبيسات جديده في الخدمه بياخدو الذين تم ترقيتهم من السواقين القدامي
فأزاي تم تقيمهم علي انهم مرشحين للسواقه في الاوتوبيسات الجديده
هل في اختبارات نفسيه و لا انو بيعرف يسوق و خلاص
انا كان عندي لعبه علي الكمبيوتر اسمها bus simulator
تشوف فيها النظام بره ماشي ازاي & احنا بقا
طبعا اولا الاوتوبيس له مكان مخصص للوقوف (محطه) & يقف في اي مكان و مكان النزول هوا مكان الطلوع
ثانيا له مده معينه للوقوف من 10 :30 ثانيه لكل محطه & التايمر مفتوح يفضل الاوتوبيش يحشي من ورا و ادام و الكمسري يقول للناس خشو جوه الاوتوبيس فاضي
ثالثا طبعا مفيش حد بيقف كل واحد ليه كرسيه و بيدخل و معاه تذكره للاوتوبيس بيشتريها من بره & بيقفو جمب السواق و بنعد علي كرسي الكمسري
بيقف في الاشارات و لو كسر اشاره الكاميرا تلقطه &السواق واصل متعرف علي امناء و عساكر الخط كلو و كمان يديهم السلام
نظام نظام و الله الواحد بره في اوروبا يركب الاوتوبيس عشان يتفسح مع انو ممكن يكون عنه مرسيدس و لا فيراري