الموضوع: استفسار بخصوص ماتريكس زيرو

المشاركة الأصلية كتبت بواسطة Ghost2

مش عارف والله يا شباب .. بس انا كده من الكلام ده شايف ان البدايل التانية مش احسن من الماتريكس .. لاني بصراحة قليل لما شفت ماتريكس حالتها وحشه .. وفي بنات كتير راكبينها .. وهل اسعار قطع غيارها مناسبة ولا كتير عليها ..؟؟؟

بص انا معايا موديل 2007 و عامله 71000 كم و الحمد لله زى الفل و مبهدلها فى الطرق المكسرة و المطبات و الغرز و ساعات بحرق عليها جامد جداااااا و لسه المكنة زى الجديدة و العربية حالتها جيدة جدااااا و لسه بالكاوتش الاصلى و مربطش عفشة و لا مره و مش بتقول لأ.. غير انى مش بعمل صيانات فى التوكيل, لكن بشترى قطع الغيار من التوكيل و اركبها بره حتى تيل الفرامل غيرته لاول مره عند 60,000 كم و فلتر الهواء و البوجيهات.... بجد عربية محترمة جداااااااا جداااااااا و تستاهل قيمتها و للمدام هتكون مناسبة انا اعرف ستات جيبينها و مبسوطين جدااااااااااا على الاقل بيحسوا ان معاهم عربية كبيره احسن ما يركبوا i10 او سبارك مثلا

اسعار قطع الغيار فى المعقول يعنى انا عند 60,000 جبت كل قطع الغيار اللى بتحتاجها فى كل الصيانات من صفر لحد ال 60,000 و عملت اقل من 1000 جم بعد سنتين و نص من الاستهلاك المتواصل, بجد مش كتيير
فى اسعار قطع غيار معرفهاش بالنسبة للصاج و الفوانيس بس اعتقد مناسبة نوعا ما لفئتها و يسعدنى اقولك انها اقل من ال i10 بكتييييير
انا شايف ان فى عربيات تانيه بنفس المبلغ زى الجراند بونتو و الفابيا بس اعتقد قطع الغيار نااااار و وكيلها مش مضمون اوى و للاسف مليش تجربة معاهم

بالتوفيق