يا جماعه انا كل لما ادوس بنزين ع الجير التاني العربية تنتش 3 نتشات كده و تروح و بعد كده تمشي عادي خالص العيب ده من ايه و ازاي اخلي مفيش النتشة دي؟؟
عرض للطباعة
يا جماعه انا كل لما ادوس بنزين ع الجير التاني العربية تنتش 3 نتشات كده و تروح و بعد كده تمشي عادي خالص العيب ده من ايه و ازاي اخلي مفيش النتشة دي؟؟
أطمن على البوجيهات وفلتر البنزين قبل أى حاجه
استاذي سمير هل فلتر البنزين هو ده اللي ف صدر العربية اللي مكتوب عليه fuel pump؟؟ و لا حاجة تانية
هو فى صدر العربيه فعلا تحت حساس الماب
بس المفروض يكون مكتوب عليه fuel filter
دا لو كان مكتوب عليه
لأنى مش فاكر الصراحه مكتوب عليه ولا لا
http://www.postimage.org/Ts1VXoBi.jpg
ده شكله على الطبيعه
امشى على سرعة 30 كيلو و حط تالت و اكبس الدواسة للارض... لو العربية نتشت جامد يبقى سلوك البوجيهات وحشة... او ممكن تبقى مشكلة فى البوبينة نفسها
MMamdouh
المشكلة دي كانت وطلع سلك البوجيهات
شكرا جزيلا يا باشمهندس سمير ع الاهتمام
بالتوفيق أن شاء الله
وعاوز برضه أاقولك أن عيب السلوك اللى قال عليه أخونا : محمد
وارد جدا ....هو أو البوبينا
بس أنا دايما بأحب أبدأ من البوجيهات والفلاتر فى أى مشكله فنيه
وبعد كده نخش على التقيل
الله ينور
يا حمو
وبلاش التمساحه
هههههههههههه
شكرا لحذف التمساحة ..
هههههههه!
دلوقتى انا معايا اتنين بوبينا مغيرهم واحد كان بتاع العربية وغيرتة والتانى اللى غيرتة النهاردة و ركبت بدلة واحد تانى
المفروض انهم واحدة مخرفة والتانية قاطعة خالص
دول بقى ارميهم خلاص ولا بيتصلحوا واخليهم احطياطى
خليهم عندك
علشان تعرف الفرق بينهم وبين أى حاجه تانيه
لما تتعرض للموقف ده تانى
علشان تعرف تحدد حتشترى أيه
يعنى عشان اعرف شكل الاصلى من المضروب والكلام دة
ممكن بردوا الواحد بقى بيشك فى نفسة دلوقتى
يا عم خليهم واعمل متحف مستهلكات لعربيتك ـ زيي كده ! ـ أنا حتى البوجيهات مش بارضى أرميها وغطا القربة القديم وفردة كاوتش بايظة وفانوش متدغدغ ... ومراتي قربت تسيب البيت من كوم الزبالة اللي معيشها فيه !
ياراجل انت بتقول فيها
دة انا عندى شوية مستهلكات وقطع غيار شوية فى شنطة العربية وشوية فى البلكونة
اشى رشاش واشى سلوك بوجيهات وكنترول يونيت وكويلاااات وبوجيهات وكتاوت وفلاتر بنزين وهوا
دة غير اللى مش فاكرة
والله من رحمة ربنا ان الواحد راكب دايو قطع الغيار مهما كانت غالية فاهيا رخيصة بردة بالنسبة لأسعار قطع غيار عربيات تانية ضعف وضعفين تمن حاجات الدايو
الحمد لله
بس حلوى اوى البقاء لله دى يا محمد باشا والله دحكتنى من قلبى
انا جبت الثالث ودوست على الدواسة مافيش حاجة حصلت دة معناة ان الموبينا وسلوك البوجيهات كويسة
yes
MMamdouh
طب انا حصل معايا ان الميكانيكى كان عايز يطمن على البوجيهات كويسه ولا لأ وبعدين راح موسع اللسان اللى فى رأس البوجيه ومشيت وبعدين لقيت فى تنتيش على الغيار التالت وبعدين العربيه تسحب عادى بس مش دايما تعمل الحركه ده. ياترى ده عيب بوجيهات بردو لانى مش عايز اروح للميكانيكى ده تانى
الفتحة الصح للبوجية هى 0.8 مللى
MMamdouh
روح لميكانيكى كويس و هو يقولك... انا مشوفتش السلوك و البوجيهات بتوعك لكن مفيش حاجة اسمها سلوك "طرية"... الكلام دة فى القوطة بس
MMamdouh
يا جماعة نزلت التوفقيةيوم الجمعة ولقيت حاجة غريبة ---فلتر البنزين بتاع اللانوس سعرة 9.5جنية معقووووووول مهما كان مضروب
ازيك يا استاذ/سمير --- عامل اية وازاى احوالك
الله يخليك يا أستاذ : أحمد
وأشكرك على زوقك
وأتمنى أن تكون أحوالك على مايرام
بسم الله الرحمن الرحيم ---- ازيك يا باشمهندس سمير -- على فكرة انا حبيت العربية علشان المعلومات اللى بعرفها منك ومن ازملاء فى المنتدى---شكررررررررررررا ليكم على المجهود الرائع-----معلش استفسار صغير ---فولت العربية لغاية الزور- فول تانك- وبعدينسافرت بيها القاهرة ولفيت شويه وتانى يوم رجعت السويس وكان العداد عمل 324 كم فولت بنزين لقيتها اخدت24.5 لتر هو دة كدة معدل معقول ولا ايه----سبحانك اللهم وبحمدك ، أشهد أن لا إله إلا أنت أستغفرك وأتوب إليك
اخوكم /أحمد حراجى
يعنى اللتر عامل معاك 13.2245 كم تقريبا
يعنى الصفيحه حوالى 265 كم
رضا أوى والحمد لله
مشكوووووور والله يعطيك الف عافيه -- شكرا على ردك الكريم وتاعبك دايما معايا-- وان شاء الله فى اقرب فرصة هكون فى الاسماعيليةهتصل بيك علشان نفسى اتعرف على شخصك الكريم-----سبحانك اللهم وبحمدك ، أشهد أن لا إله إلا أنت أستغفرك وأتوب إليك
بس العربية لسة زيرو دةمعدل كويس
عايز اضيف حاجة مهمة اوى لحضرتك
عشان تقريبا نفس الاعراض دى كانت عندى وتطورت لحد ما جابت موبينا
فاحضرتك اللحق الموضوع وشوف السلوك لو عايزة تتغير اللحق غيرها مش هتكلفك 50او60جنية
عشان الكبلات البايظة بتجيب كويل على المدى الاسشتخدام
انا كانت النتشة دى محيرانى فى الاول بس مكنتش متوقع الخيانة دى منها انها تجيب موبينا
ودوخت لحد ما جيبت الاصلى ب500 جنية اول مرة قولت اجيب حاجة تمشينى دلوقتى واحد لبسنى فى نوع كورى مضروب ب300 جنية ومقعدتش شهر وفصلت خالص ومكنتش لاقى الاصلى ساعتاها فاجبت نوع ب200جنية صينى وكان بيهيس ومبرجل العربية وتنتيش على اى غيار واى سرعة ..... فاريحت نفسى وجبت الاصلى ب500 جنية وفعلا حتى شكل الكرتونة محترم والاستيكر عالية الختم ولوجو الجى ام وصنع فى كوريا
واتأكت ان العلبة مبرشمة كويس وبالمرةجبت طقم سلوك وبوجيهات وتصدق بالله مجرد ما ركبت الاصلى على العربية وخدت كام امبلية الجكمان جاب رزاز مياة وصوت المكنة ارتااااح وقلبى ارتاااااااااااااااااااااا اااااااااااح
وانا من اول ما العربية جابت موبينا لحد ما ركبت الاصلى كانت العربية مش بتجيب رزار مع الدوراة
ودة دليل ان الحرق كدة بقى تمام الحمد لله ربنا يسبت الامور على حالها
فاشوفت انا مشكلة صغيرة كانت ممكن تخلص بسلوك بوجيهات تطورت لأية
حاول تحدد العيب حتى لو تضحى بطقم سلوك وبوجيهات جديد