مقارنة بين كيا بيكانتو VS دايو جوليت
خلينا الاول نقول ان انت الوحيد اللي يقدر يقرر اذا كان عايز يشتري زيرو او مستعمل لان الزيرو يعني راحة بال علي الاقل 3 اربع سنين من مشاكل الصيانة وزيارات المكاينكي والعفشجي الخ الخ يبقي ديه نقطة في صالح البيكانتو
ثانيا ً كلا السيارتين كوري بس البيكانتو كوري بمواصفات اوربية منافسة اما الجوليت او (الانوس هاتش باك ) لم تلقي نجاح البيكانتو في اسواق اوروبا وامريكا لاكن نجحت في اوربا الشرقية (روسيا ، بولندا ، اوكرانيا )
ثالثا " تتفوق عفشة البيكانتو علي عفشة الجوليت التي ورثت كل عيوب عفشة الانوس علي عكس عفشة البيكانتو فهي ممتازة علي حمل وشاسية السيارة
رابعاً تتفوق الجوليت علي البيكانتوا في الحجم ( اكبر واوسع )
خامساً تتفوق الجوليت علي البيكانتو في توفر ورخص قطع الغيار ( نفس قطع غيار الانوس )
سادساً سعر اعادة البيع لجوليت ممتاز بالنسبة للبيكانتو حتي الان جيد لاكن لو استمرت مشاكل التوكيل الله وحدة يعلم هترسي علي ايه
سابعاً تتفوق الجوليت علي البيكانتو في سعة الموتور 1500 سي سي لاكن استهلاك البنزين اكتر من البيكانتوا كمان عمر الموتور هيبقي اقل لانة مستعمل
اخيرا الجوليت عائلية نوعا وشبابية نوعا في نفس الوقت اما البيكانتو فهي لاتناسب الا عائلة صغيرة لاكن شبابية جدا نظرا لشكلها وصغر حجمها واستهلاكها للبنزين الاقتصادي
زي ما انت شايف المقارنة مش هتحسم الاختيار بس احتياجاتك هي الاساس وطبعا " ماخاب من استشار وما ندم من اسخار" فحدد احتياجات واستشير اهل بيتك واستخير ربنا وتوكل الله ومبروك مقدما
اخوكم وائل مجدي (ابو نورا)