مشكلات عربيتى دايو لانوس

**Eslam.Elrefaey** · 16-10-2009 08:20 PM

إزيكو ياشباب منتدى الدايو دى أول مشاركة ليا نظرا لأن العربية الدايو بتاعة أختى المهم العربية ظهرت فيها مشاكل كتير أوى فى منها اتصلح ومنها لأ الى متصلحش كالآتى:-
تغيير الجوان كل بتاع 3 أشهر.
العربية بتسخن بغباااااااااااااااااااء.
العربية صوتها عالى جدااااااااااااا لدرجة إنى مبسمعش صوت المروحة وهيا شغالة.
الrbm لاينقص عن 1 مش بيجى على 0إلا لما العربية تقف والعربية أوتو فبمجر تشيل رجلك من على الفرامل تلقيها بتجرى.
كل شوية آلاقى نقط تحت العربية كنت فاكرها مية طلعت إمبارح زيت متور بيقع مش عارف منين.
المية بتخلص بسرعة بتاعة الريداتير.
مش عارف ميكانيكى كويس فى المنصورة ومجربتش عيسى فعايز رأى حد جربة حلو ولا لأ.
الكنبة الخلفية شربه كمية بنزين نظرا لإنها فوق طرمبة البنزين وكان حصل حوار كده فشربت البنزين كله أعمل فيها إيه.
هيا العفشة بتاعتها حلوة ولا أغيرها أحسن.
أنا هخسر كتير فى العربية أبيعها ولا أسيبها.

**Eslam.Elrefaey** · 16-10-2009 08:29 PM

العربية ماشية 110 ألف كيل المفروض أغيرها إيه بعد الفترة الكبيرة دى
لسا فى كتــــــــــــير بس مش فاكر نظرا لان أختى الى بتسوق ومش عارفة أى حاجة فى الكبوت وأنا كل لما أفتكر من الى بيحصل للعربية هبقى أقولكم .....أفتكرت
العربية بعد ال60 مش ثابتة أيوة مش ثابتة خالص وبعد ال80 مفيش زيادة إلا بصعوبة مع صوت غبى مش قوى
ممكن نبيعها ونجيب لانسر تانية أحسن دى اللانسر مبعملش فيها حاجة تربيط عفشة معاها تيل فرامل وهو عيب الكريستالة بل اللانسر ككل وهو تيل الفرامل بتكلة ويبقى فى صوت صفارة وبغير زيت وبغسلها وسكان العمارة يزعقو علشان المية المهم عربية بدون إصراف فممكن أدور على واحدة نظيفة بردة لسا هنشوف

**samirayad** · 16-10-2009 08:36 PM

أنا حأسألك سؤال
علشان كلنا حنفكر معاك
أنت بتعمل صيانه للعربيه دى
وآخر صيانه أتعملت أمتى
وغيرت فيها أيه
وياريت تقولنا شاريها جديده ولا أستعمال

وهل وديت العربيه للكشف على العفشه عند عفشجى
وميكانيكى بصلك على كل حاجه قريب

**A.Saad** · 16-10-2009 08:43 PM

اعتقد ان
الجوان
المياة اللى بتنقص
السخونة
اعراض مشكلة واحدة

الكنبة ياريت متسبهاش كدة
ممكن تفكها وتسيبها فى مكان هوا من غير شمس يوم

واتاكد ان العوامة مقفولة كويس
لان لا قدر الله لو اى سخونة او سجاير اتسربت عنده هتكون مشكلة

**Eslam.Elrefaey** · 17-10-2009 12:44 AM

بس أنا عايز أوديها عند عيسى عندنا لازم أحجز قبلها ولا إيه

**zocor742** · 17-10-2009 01:40 AM

اعتقد بردو زى ما العضو الفاضل a.saad زى ما قال
ان موضوع الجوان دة بيأثر على الحرارةوبالتالى المياة بتنقص معاك
انت تشوف ميكانيكى شاطر يكشف على العربية كويس ويشوفها محتاجة اية
وتبتدى بالمهم ثم بالرفايع وجيب قطع غيار اصلية لأن واضح ان الجوان اللى بتغيرة كل 3شهور مضروب
وتكشف فية تسريب زيت من عند الكارتيرة ولا لأ
بس الموضوع متوقف على ميكانيكى شاطر وامين ومتبخلش عاليها وهيا هتفوق والله
وبالمرة غير بوجيهات وسلوك وفلاتر ولو مغيرتش سير التقسيمة غيرة بالمرة لأنك عديت ال100 الف
ولو بتشتكى من العافشة روح لعفشجى كويس شوف الدنيا عندك عاملة اية واكشف على كفائة الكاوتش
واظبط زوايا ورصص العجل عشان ميكونش فية غربلة فى المشى على الطرق السريعة