يا عم أتوكل على الله
يا عم أتوكل على الله
الحكوة كالعادة تثير الموضوع
بعد كدة تنيمة
وبعد كدة تلاقي القرار في التنفيذ
وربنا يتولانا
توكل على الله و الحق أشتري لأن العربيات بدأت أسعارها تعلى:mad2:
اسعار العربيات تعلا تاني بمناسبه ايه ؟
اصبر شوية علي ما يبان هما عاوزين يعملوا ايه
الحكومة تعلمت درسا قاسيا اثر رفع اسعار بعض المواد الأساسية فجأة دون تمهيد مسبق في 77
من بعدها يتم التمهيد تدريجيا لأي أمر تريد الحكومة تنفيذه
و حكومتنا ملهاش أمان
وبرضه جرايدنا و مواقع الأخبار كله بينقل علي عماه
بالتالي اصبر شوية لغاية اما تشوف الدنيا رايحة علي فين
لأن لو اشتريت و الموضوع ده اتنفذ فلوسك هاتروح عليك وساعتها محدش هينفعك ...
الصبر و الحذر هو الأسلوب الأمثل للتعامل مع الحكومة
اشترى سيارة تسعينات وتوكل على الله
خليك فى الامان ده من جهه ومن جهه اخى ان السيارة ملكيه خاصه وليست ملكيه الحكومة
عندما عملت احلال للملاكى الملاكى بيشتغل وبيجيب قسطه
اما الملاكى ممكن واحد ممنا يركن عربيته لمده شهر وفي اخرين مثلى بيركنها للمشاوير الخاصه وبيستخدم الوسائل الاخرى
اتوكل على الله واشترى
لانه فعلا السيارات بدأت تعلى مره اخرى
نصيحة بلاش تشتري دلوقتي لأننا ببساطة محدش فينا عارف حاجة
و كمان في لعب كتير في الموضوع دة مثلا :
هما قالوا هيخدوا العربيات قبل ال20 سنة طبعا الدنيا هتقوم و تقعد فهيخلوها من 30 فالمعارضة هتحس انها عملت حاجة
2 قالوا اجباري الدنيا هتقوم و تقعد و يقولك خلاص هنخليها اختياري
فالمعارضة هتحس انها عملت اللي متعملش و مشينا اللي احنا عايزينة علي الحكومة
و في الحقيقة الحكومة عملت اللي هيا عايزاة في الأول
كلة لعب علي كلة
اما لو محتاج عربة ضروري حاول تجيب تسعينات في المضمون
توكل علي الله واشتري و اللي هيمشي علي الناس هيمشي علي حضرتك
هذا الكلام من موقع contactcars.com
وصف أعضاء في مجلس الشعب التعديلات المقترحة على بعض مواد قانون المرور باستبدال السيارة الملاكي القديمة بأخرى جديدة لتحل محل القديمة التي مر على تاريخ صنعها 20 عاماً، وصفوها بعدم الدستورية.
وقال النائب سعد خليفة عضو لجنة النقل والمواصلات في مجلس الشعب إن هذه التعديلات تسببت في حالة من الاستياء بين المواطنين لاعتدائها على خصوصية الملكية الخاصة بالأفراد، كما أنها تحمل في طياتها عنصر الإلزام لأصحاب السيارات الملاكي بما يمثل أعباء إضافية.حسب صحيفة "اليوم السابع" يوم السبت.
وأضاف خليفة : "الذي يحدد صلاحية السيارة الفحص الفني وليس عمرها، مشيراً إلى وجود سيارات كثيرة مضى على تصنيعها أكثر من 20 عاماً وما زالت بحالة جيدة".
وأوضح النائب أن شمول المادة الخاصة بذلك لعنصر الإلزام يحمل عدم دستوريتها، معتبراً أن مسألة تلويثها للبيئة حجة تكشف عن وجود صفقة بين الحكومة والشركات التى ستقوم بتوفير السيارات المستبدلة.
معارضة شديدة
من جانبه ، قال محمود عامر أمين لجنة حقوق الإنسان بمجلس الشعب، إن إجبار أصحاب السيارات الملاكي على تغيير سياراتهم بأخرى جديدة بمثابة أعباء مالية إضافية وصعبة خاصة أصحاب السيارات الشعبية التي تمتلكها بعض فئات الشعب من محدودي الدخل والتي تمثل ضرورة بالنسبة لهم ولأسرهم ، إذ لا يمتلكون من المال ما يمكنهم من شراء سيارات جديدة أو حتى التقسيط نظراً لضآلة مرتباتهم وارتفاع تكاليف المعيشة عليهم"ز
http://contactcars.com/Images/News/medium/Zahmna1.jpg هدف الحكومة تقليل الأعطال والتلوث
وكشف النائب محمد خليل قويطة عضو مجلس الشعب عن اعتراضه على هذه المادة، وقال "إن تنفيذها سوف يؤدى إلى غلق آلاف البيوت التي تستفيد من صناعات كثيرة قائمة على ذلك ما يؤدى إلى انتشار البطالة بين صفوف الطبقة الكادحة، لافتاً إلى عدم دستورية هذه المادة، مدللاً على ذلك بأن المادة 36 من الدستور تمنع مصادرة الأموال الخاصة إلا بحكم محكمة.
وأشار إلى أنه سيقوم بالطعن على دستورية هذه المادة إذا أقدمت الحكومة على إقرارها ضمن القانون، معتبراً ذلك اعتداءً من الحكومة على الشعب.
يذكر أن مشروع إحلال سيارات التاكسي الجديد محل القديم نجح في حل الكثير من المشاكل للمواطنين وكذلك الشركات المشاركة في المشروع.
و في الاخر برده محدش عارف هترسي على ايه