السيراتو الحاليه مختلفه عن الالنترا الحاليه
السيراتو الشكل القديم هى اللى تقريبا زى الالنترا دلوقتى
ونفس الموضوع مع السيراتو الكوبيه
مش زى بتاعت هيونداى
عرض للطباعة
الى السيد/ أكرم غبور
تحية طيبة وبعد ,,,
نحيط علم سيادتكم بأن مجموعة هيونداى تضم كيا
يعنى جميع موديلات الصانعين مولودين من بطن واحدة ومركز تصميم واحد وخطوط انتاج واحدة وبيتشحنوا على سفن واحدة برضه مملوكة لهيونداى اللى فى الاساس شركة صناعات تقيلة فى بناء السفن
فما ينفعش حضرتك تقول هيونداى احسن من كيا لأن الاتنين حاجة واحدة
يا الاتنين حلوين يا الاتنين وحشين
الا اذا كان لسعادتك رأى تانى
الاخفاق يكون فى جيل بأكمله وليس فى طراز يحمل مسميين فى الاسواق نقول الالانترا حلوة والسيراتو وحشة أو العكس.
والله ولى التوفيق ،،،
لا يا سيدي الفاضل ... هناك اختلاف جذري بين هيونداي وكيا في حاجات كتير.
مش معنى انهم جروب واحد يبقى نفس الانتاج . وفعلا جودة هيونداي اعلى بكتير من كيا والدليل على كده ان موديلات كيا بمرور الزمن مبتكنش بنفس جودة سيارات هيونداي .
طيب ما انت عندك تويوتا ودايهاتسو جروب واحد والفرق بينهم شاسع.
وعندك فورد ومازدا الاختلاف بينهم كبير مع ان فورد اشترت مازدا.
وكل التقييمات العالمية بلا استثناء فيها فرق كبير في الجودة و الاداء بين هيونداي وكيا.
السيراتو القديمة مختلفة جذريا عن الالنترا. ومفيش اي تشابه بينهم.
السيراتو الجديدة هي اللي تتشابه مع الالنترا لان ليهم نفس الماكينة بالظبط ولو فتحت غرفة الماكينة بتاعة السيراتو والالنترا هتلاقي نسخة طبق الاصل في الشكل العام.
لكن عفشة السيراتو مختلفة و الطابلوه مختلف تماما والخامات مختلفة .
ساعات الكيا بتكسب الحقيقةاقتباس:
وكل التقييمات العالمية بلا استثناء فيها فرق كبير في الجودة و الاداء بين هيونداي وكيا.
زي ما حصل مع الكيا Cee'd في اوروبا ..
يا باشا زي ما كل الأوكتافيا جوة الكابوت في علامة VW .. (يعني مكونات اهو)
في عندي (فيرنا) علامة هيونداي و كيا مع بعض في كذا مكان
في فرق كبير بين مازدا و فورد اه
لكن كيا و هيونداي بيعملوا variety في اسامي الموديلات بنفس الشاسيه و نفس المحرك و الموضوع كله تسويق عشان يواكب متتطلبات السوق
i30 هي الcee'd
إلانترا هي تقريباً السيراتو (بغض النظر القديمة او الجديدة .. من هنا جت الvariety اللي بتكلم عليها)
ريو هي اكسنت
i10 هي بيكانتو
وفي امثلة تانية كتير و برضه اكيد في إختلافات بين العربيات .. لكن تقريباً هم واحد ..
شركة كيا مملوكة لشركة هيونداي ... صح
انما سيارات كيا بتشترك في قليل جدا من المكونات من هيونداي لان لكل شركة التصميمات الخاصة والمهنسين الميكانيكيين المستقلين .
وعلى فكرة انا مش متحيز تماما لاني جبت الهيونداي عن اقتناع انها شركة عملاقة.
وياريت حضرتك تبحث اكتر وتسأل الميكانيكيين بتوع كيا وهيونداي وتتابع مستوى هيونداي فين ومستوى كيا فين وهتعرف مين اللي كلامه صح.
ِباب برضه محدش فادني
اسمحلي اختلف مع حضرتك فى النقطه دي لأني شايف ان العكس صحيح
موديلات كيا القديمة بمرور الزمن بيظهر ان جودتها افضل بكتير من الهيونداي
على سبيل المثال كيا سيفيا وهيونداي اكسيل
الاتنين 1500 والاتنين فول اوبشن والاتنين مثلا موديل 1999 تعالي بقى نقارن اعتقد كان السعر ايامها حوالي 58 الف للاكسيل و 62 الف للسيفيا
نبدأ نقارن الان :
الثبات : السيفيا اثبت بكتير من الاكسيل
الصاج : الاثنين صاجهم ضعيف
المحرك : موتور السيفيا اقوي وانشط بكتير من موتور الاكسيل
الصيانة : العمر الافتراضي لقطع غيار السيفيا أطول من عمر قطع غيار الاكسيل
المقصورة الداخليه : فى السيفيا افضل من الاكسيل بالاضافه الى انه اوسع
اعادة البيع الان : متوسط سعر السيفيا 42 الف جنيه بينما متوسط سعر الاكسيل الـ1500 حوالى 34 الف جنيه
وشكرا
الكيا قديم وجديد زي الفل وذات جودة وتقفيل كويس وتوكيل ممتاز مقارنة بهيونداي