تقرير صيانة 15000 للاوبترا بالتفصيل الممل والاسعار
السلام عليكم
ازيكم يا جماعة يا رب تكونوا بخير
انا من مدة كدة كنت سالت على انواع الزيت علشان كنت قربت اعمل صيانة
ال 15000 للعربية
المهم مش هطول عليكوا رحنا انا ووالدى علشان نعمل صيانة ال15
وقلنا نجرب الصيانة دى فى فرع سموحة بدل فرع الصحراوى
كنا حاجزين من اسبوع كدة والميعاد كان النهاردة اللى هوة الجمعة
الساعة 2.30
قلنا نروح 2 بحيث نخلص بدى وهوة دة اللى حصل فعلا كان فى عربية ودخلنا احنا بعديها
سالونا صيانة 15000 قلنا اه قالنا يبقى تغيير فلاتر وقلنا زيت 5000
وراح باصص على التيل قالنا محتاج يتغير هوة بصراحة قالنا ممكن يقعد 1000 او 1500 كم كمان بس والدى قاله غير
انا بقى طبعا بلمت واستغربت :U_thin1[1]::U_thin1[1]:
لان انا عارف من المنتدى هنا ان صيانة 15000 تغيير زيت وفلتر
المهم رفع العربية وفك الاربع عجلات
وغير التيل وهوة رافعها صفى الزيت وركب فلتر البنزين
ورش سبراى كدة على الطنابير علشان تنضف وطبعا فلتر الزيت
بس وبعد كدة نزلها وغير فلتر الهواوحط زيت موبيل وان 5000 كم
وبص على الزيوت كلهاوالمية
وغسل الموتور وظبطه جامد اوى
وكان والدى قايله على تزييقة الدركسيون اول ما وصلنا
وانا كنت قايلهم ان الموتور صوته عالى فقالى هخلى المهندس يكشفلك عليها بالجهاز فى الاخر
بعد ما خلص كله جه المهندس بالجهاز وانا طبعا مش فاهم حاجة بعد ما خلص قالنا كدة تمام مش عارف البوابات كان فيها ايه وانا ظبطها
طيب وتزييقة الدركسيون راح الصنايعى قالنا ظبطهلكوا
فعلا لفينا وجربنا الصوت راح تماما
نيجى بقى لاسعار قطع الغيار
مصنعيات 188ج
فلتر زيت 22.75
فلتر بنزين 31.98
فلتر هواء 70.64
تيل فرامل امامى 237.68
اسبراى الطنابير 20.80
اسبراى تنظيف محرك23ج
زيت 5000 كم 100 ج
غير بقى زيوت وشحوم وحاجات كدة
وضريبة المبيعات
دفعنا 755جنيه
بس الصراحة تتقال يا جماعة العربية ولله الحمد بقت حاجة تانية بعد الصيانة
اولا بقت ناعمة صوت الموتور قل عن الاول خالص ويعتبر الى حد ما غير مسموع وسحبها بقى افضل وبعد ما وصلت وركنت العربية فى الجراج جربت الدركسيون تانى الحمد لله التزييقة راحت
الصيانة اخدت حوالى ساعتين بالظبط يعنى مشينا الساعة 4
بجد اتبسطت جدا من مركز سموحة جدا ومن مميزاته ان انا كنت واقف لازء فى اللى شغال لحد ما خنقته وشايف كل حاجة بتتغير :C_laugh[1]::C_laugh[1]:
بس الشئ الوحيد اللى زعلنى ان مفيش غسيل للعربية وبجد نسيت الموضوع بعد ما العربية طلعت كدة
انا بجد اسف جدا انى طولت جدا عليكوا
ويا رب التقرير يعجبكوا
وعايز رايكوا
واى استفسار انا تحت امركوا