تكييف الصنى

**sab3aawy** · 19-10-2009 07:54 PM

تكييف الصنى متقدرش تحكم عليه فى الجو الجميل، لأنه ببساطة بيفصل عند درجة حرارة معينة للفريون ، غالبا هى بتقابل حوالى 20 درجة للصالون، وبالتالى لو الجو برة درجة حرارته 23 وانت شغلت التكييف هيشتغل لحظات ويفصل، وبالتالى فى الجو البارد شتاء مش هتلاحظ ان التكييف عمل اى حاجة، لكن فى الجور الحار جرب العربية واوعدك انك مش هتقدر تستحمل التكييف اصلا مهما كانت درجة حرارة الجو، لو انت مشغل التكييف على 4 بعد ربع ساعة بالكتير هتلاقى نفسك بتنزله على 3 ثم 2 ثم 1 ، لكن فكرة انك تستغل الجو البارد فى الشتاء لتحويل صالون السيارة الى ثلاجة لحوم باستخدام التكييف دى فكرة غير متاحة بالنسبة للصنى علشان التكييف بيفصل عند درجة محددة لتوفير الوقود

**محمد ابراهيم 1** · 20-10-2009 03:11 AM

مبروك العربية وإن شاء الله تنال رضاك

لأنها ببساطة أفضل مما تتخيل

**El Prince** · 14-12-2009 11:43 AM

المشاركة الأصلية كتبت بواسطة sab3aawy

تكييف الصنى متقدرش تحكم عليه فى الجو الجميل، لأنه ببساطة بيفصل عند درجة حرارة معينة للفريون ، غالبا هى بتقابل حوالى 20 درجة للصالون، وبالتالى لو الجو برة درجة حرارته 23 وانت شغلت التكييف هيشتغل لحظات ويفصل، وبالتالى فى الجو البارد شتاء مش هتلاحظ ان التكييف عمل اى حاجة، لكن فى الجور الحار جرب العربية واوعدك انك مش هتقدر تستحمل التكييف اصلا مهما كانت درجة حرارة الجو، لو انت مشغل التكييف على 4 بعد ربع ساعة بالكتير هتلاقى نفسك بتنزله على 3 ثم 2 ثم 1 ، لكن فكرة انك تستغل الجو البارد فى الشتاء لتحويل صالون السيارة الى ثلاجة لحوم باستخدام التكييف دى فكرة غير متاحة بالنسبة للصنى علشان التكييف بيفصل عند درجة محددة لتوفير الوقود

ده بالظبط اللى حصل معايا امبارح فى عربيتى - التكييف كان تأثيره طفيف جداً لدرجة انى قولت انه باظ .. !
بس أنا كنت بشغله على أساس نوع من الصيانه - أعتقد فيه ناس قالت لازم يشتغل عشر دقايق تقريباً كل شهر فى الشتاء علشان الفريون والسيلات بتاعت التكييف ..
لو فيه تصحيح للمعلومه دى يا ريت تقولولنا يا جماعه ..

**mohamedhamam** · 14-12-2009 11:29 PM

ألف مبروك و ربنا يديك خيرها و يكفيك شرها و موضوع التكييف بسيط ان شاء الله وسيتم حل المشكلة أثناء صيانة الـ1000 كم

**fady_anis** · 15-12-2009 12:39 AM

يا باشا العربية لسه فى فترة التليين ( أول 1000 كم ) مينفعش حضرتك تشغل التكييف لفترات طويلة ولو شغلته مش هيبقى بنفس كفاءته الاصلية.

**activehero2006** · 15-12-2009 11:49 AM

بالفعل لسه شوية على ان التكييف يعمل بصورة طبيعية
وبعدين لاحظ انك لسه مستلم العربية يعنى متحملش على الماتور اكثر من طاقته اي نعم الماتور بينزل متلين ولكن لسه برده جديد ونوعية زيت الماتور لسه خفيفه جدا

**activehero2006** · 15-12-2009 11:51 AM

يا ريت تفدنا عن سعر العربية
واشترتها كاش ولا تقسيط ومن اي موزع .. وطرق التقسيط المتبعة
وربنا يبارك لك فيها ويعطيك خيرها ويكفيك شرها

**roffa1** · 16-12-2009 09:45 PM

المشاركة الأصلية كتبت بواسطة activehero2006

يا ريت تفدنا عن سعر العربية
واشترتها كاش ولا تقسيط ومن اي موزع .. وطرق التقسيط المتبعة
وربنا يبارك لك فيها ويعطيك خيرها ويكفيك شرها

انا اشتريتها من ناشونال موتورز اسامه عبد النبى اسيوط ب95000 جم لكن عرفت انى ممكن اشتريها ب94000 من السبع موتورز و سمعت من ناس تانيه انها ممكن تتجاب ب 93500جم بس منين مش عارف