تغيير بلي العجلة اليمين بمعدل كل 3 شهور؟
أخواني الأحبة
حاجة غريبة جداً، بلية العجلة اليمين قدام، بتعمل ونة بمعدل من 3 إلى 4 شهور، وبنضطر إني أغيرها وفي كل مرة بحاول اشتري أفضل الأنواع اللي موجودة قدامي، يعني على ما أتذكر آخر مرة اشتريتها كانت ب 90 جنيه والكلام ده من 3 شهور تقريباً ، من فترة بسيطة حاسس بصوت ونة تاني في نفس العجلة. مش عارف هل ده عيب البلي اللي بنشتريه؟ ولا ممكن تكون حاجة في العفشة -مثلاً- مأثرة على البلي؟ مع العلم إني مظبط العفشة كويس.
يا ريت لو فيه أسباب بتعجل بعمر البلي حد يقولنا عشان نعمل حسابنا، مع العلم بإن الحكاية دي مش بتحصل معايا غير في العجلة اليمين فقط، يعني لغاية دلوقتي مغيرلها 3 بلي، وبتاعة العجلة الشمال زي ما هي، يا ترى إيه السبب؟