عربيتك الجديدة صمدت اد ايه?

**M.Mosaad** · 17-10-2009 05:05 PM

24 ساعه
و بعد كدة غيرت الاكصدام و الفانوس الامامي و الرفرف اليمين

**the-hero** · 17-10-2009 05:30 PM

الحل الوحيد تجيب عربية جديدة وتنزل بوهيتها على الصاج

**MoToRiZeR** · 17-10-2009 07:04 PM

بالنسبة للكليو صمدت 3 أسابيع و نزلت لقيت الكبوت داخل لجوة من نصه (!!!!!!!) تقريباَ حاجة واقعة من فوق .

السيريون صمدت أسبوعين و راح توك توك ماشي عكس علي إمتداد المحور -شوفوا الجبروت!!- مروقلي الباب الشمال ورا و الرف رف.

**E30power** · 17-10-2009 08:54 PM

المشاركة الأصلية كتبت بواسطة the-hero

الحل الوحيد تجيب عربية جديدة وتنزل بوهيتها على الصاج

ههههههههههه فكرتنى بواحد صحبى لسة جايبين شيفرلية الدبابة قام كعادة العيلة عندهم قام شال الابواب والرفارف والكبوت هههه وشال العلامة كمان وراح غيرهم فى اكتوبر وعاينهم لحد دلوقتى فى بيتة ....بيقولى علشان لو حصلها حاجة او اتلطشت احط الفبريقة تانى وميخسرش فيها......عجبى

**theking2690** · 17-10-2009 11:04 PM

تقريبا كده اسبوع و بعد كده اتخبطت و هى واقفه فى الجراج والاظرف منه بعدها بأسبوع واحد صاحبى جالى ومعاه واحد مش صاحبنا قد كده فواخدهم بوريهم العربيه قالى مبروك يا عم على العربيه و خلاص هتترحم من المترو مكملش الكلمه ولقيت الفرده الادمانى شمال بتنام لوحدها كده قلتله الف شكر خلاص كده قضيت و قطعت علاقتى بيه

**D . a .\ AYMAN** · 18-10-2009 02:07 AM

المشاركة الأصلية كتبت بواسطة bishoy02010

احنا عايزين نغير الموضوع نخلية مين عربيتة قعدت اكتر من يومين بقى

قعدت حوالي 20 يوم قبل ما أرخص العربية من غير ما أعلق نمر ماشي بيها زي الفل من ولا خدش (والعجيب إن مافيش لجنة واحدة وقفتني حتى)

ويوم ما رحت أرخص في مرور مدينة نصر ركنت برة جنب باب المرور لأن جوة كان مليان على الآخر وقلت برة أئمن ولمنظر جوة كان وحش جدا وكمان الأمين ظبطلي مكان برة حلو من نفسه كده

وأنا خارج بقى من المرور بعدت ما خدت النمر (كانت النمر الجديدة لسة نازلة في المرور وكان أول مرور في مصر ينزل فيه النمر الجديدة) ومن كتر الناس ماكنتش لاقي حد من اللى بيركبوا النمر روحت واخدهم وواخد المسامير بتاعتهم وماشي

وانا بركب العربية ألاقي المفاجأة ... واحد مطير الإكصدام الأمامي من مكانه وكحت في الفانوس الأيسر

ساعتها قلت طب أنا إيه اللى خلاني أركب النمر .. ماكنت ماشي زي الفل من غيرها

المشاركة الأصلية كتبت بواسطة tamertamer

8 سنوات

الله أكبر

**yasserelsayad** · 20-11-2009 08:52 PM

بعد ما جبت البى ام بـ 3 اسابيع تقريبا ركب معايا ناس اصحاب واحد صحبى و احنا راجعين من اسكندرية و كنت ماشى طاير و قعدوا يكلموا على شرعة العربية و ثبتها و...إلخ. بعد ما روحتهم و انا راجع دخل فيا موتسيكل صينى فى الجنب اليمين مع انى كنت ماشى براحة جدا 60 مثلا علشان كان فى مطب بعد 200 متر .. غيرت باب و اكصدام ورا و المرايا اليمين و زجاج الباب اللى اودام :) بس .. الحمد لله على كل شئ
ربنا يسترها بقى على السيراتو