عربيتك الجديدة صمدت اد ايه?

**Hany.ElBaathy** · 20-11-2009 11:55 PM

المشاركة الأصلية كتبت بواسطة yasserelsayad

بعد ما جبت البى ام بـ 3 اسابيع تقريبا ركب معايا ناس اصحاب واحد صحبى و احنا راجعين من اسكندرية و كنت ماشى طاير و قعدوا يكلموا على شرعة العربية و ثبتها و...إلخ. بعد ما روحتهم و انا راجع دخل فيا موتسيكل صينى فى الجنب اليمين مع انى كنت ماشى براحة جدا 60 مثلا علشان كان فى مطب بعد 200 متر .. غيرت باب و اكصدام ورا و المرايا اليمين و زجاج الباب اللى اودام :) بس .. الحمد لله على كل شئ
ربنا يسترها بقى على السيراتو

أنا ال bmw اخت عربيتك صمدت 5 ايام و جه واد سيس ظبطنى وديتها اتعملت و بعديها باسيوع نزلت من الشغل لقيت الرفرف اتظبط حسبي الله و نعم الوكيل

**YaSSerwIN** · 21-11-2009 12:34 AM

3 شهور وبعدها رفرف خلفى

**evoo90** · 21-11-2009 09:19 AM

الافيو اتجرحت بسيط فى الاكصدام من تحت وانا خارج من المعرض عيل عبيط معاه لانسر كان هيلبس فيها من ورا وعمل نص خمسه ولمس اكصدامه اللى وراه فى اكصدامى اللى وراه ولقيته راح عادل العربيه ودخل بنزينه على اليمين لف من جواها وداخل فى وشى نزل بقى عامل بلطجى لقى انا واخويا ووالدى ومعانا السواق نازلين له من العربيه كش وقال انا اسف معلش ....

**evoo90** · 21-11-2009 09:25 AM

المشاركة الأصلية كتبت بواسطة yoko

أنا في العادي بتصمد شهر
واللينيا بقالها إسبوع(من ساعت الرخصة و٢ من ساعت الإستلام) معايا والحمد لله لسه ولا خدش (ربنا يستر)

ربنا يحفظها ويكفيها شر الختم المصرى

**Eng.Geo** · 21-11-2009 11:37 AM

7 شهور
واول خبطة ب 10 الاف جنيه
انا اديتها لواحد صاحبي عشان كان رايح مشوار مهم وبعد ماخدها بساعتين اتصل بيا بيقوللي ان العربية ما بتتحركش قومت جايله في مكانه وشوفت العربية ويا ريتني ماشفتها .......بقت هاتشباك
تفاصيل الحادثة:
كان بيخد غرزة في ملف والطريق رايح جاي يدوب يعدي عربيتين جمب بعض ..وهو بيعدي العربية اللي قدامه لقي عربية جاية في الاتجاه التاني راح داخل علي العربية اللي جمبه بالشنطة من الناحية اليمين والعربية التانية من الناحية الشمال يعني الشنطة اتعملت ساندوتش
المهم قطرتها ووديتها التوكيل وبعد ماخلصت بعتها لانها كانت خانقاني والحادثة كملت
العربية :
نيسان صني 2008 ...اخر 2008

**mada121977** · 21-11-2009 01:38 PM

اسبوع بالضبط ... بعد الاستلام باسبوع وماشى فى امان الله وجوه البلد ولابجرى ولامتسربع ولا حاجه .. واحد متخلف بياخد ملف قام لابس فى الرفرف الخلفى شمال تحت التنك على طول ووقعلى الاكصطدام من الناحيه الشمال .. طبعا ان نزلت ضبطه تظبيطه جامده

**MNBahr** · 21-11-2009 02:06 PM

من أول يوم أنزل بيها ..واحد عدى بمسمار عالكصدام عمل علامة ربنا ينتقم منه وتاني يوم نوبيرا متخلف ريح عليا في ال زحمة حاك الرفرف..ربنا ينتقم من كل الناس اللي بتحقد وبتتغابى وربنا يجزيهم وانا مش مسامح بصراحة